মণিপুৰৰ উখ্ৰৰুলত প্ৰবল শিলাবৃষ্টি…

ডিজিটেল সংবাদ, ৱাখাঃ খেয়ালি প্ৰকৃতিৰ বিনন্দীয়া ৰূপ। প্ৰকৃতিৰ এই অনন্য বিনন্দীয়া ৰূপ দেখাৰ সৌভাগ্য হ'ল মণিপুৰবাসীৰ। দেওবাৰে মণিপুৰৰ উখ্ৰৰুল জিলাৰ চিৰুই গাঁৱত দুপৰীয়া প্ৰবল শিলাবৃষ্টি হয়। কেইবা ঘণ্টা ধৰি হোৱা শিলাবৃষ্টিয়ে পাহাৰীয়া উখ্ৰৰুল চিৰুই গাঁৱৰ প্ৰতি ঘৰৰ পদূলি , পথ, খেতি, বাৰীৰ ঘৰৰ ছাদ গিৰ্জাৰ চোতালত উপচাই পেলোৱাৰ লগতে প্ৰায় তিনি ইঞ্চি ডাঠকৈ শুকুলা বৰফৰ আচ্ছাদন সৃষ্টি হৈ এক দৃষ্টিনন্দ পৰিবেশ সৃষ্টি হয় ।

ইফালে, শিলবৰষুণে উখ্ৰৰুল অঞ্চল লৈ অসম্ভৱ শীত কঢ়িয়াই অনাৰ লগতে বাগিচাৰ শাক পাচলি আৰু ফলমূলৰ ক্ষতিগ্ৰস্ত কৰে। পাহাৰীয়া গাওঁবাসীয়ে শুভ্ৰ বৰফ হাতত লৈ প্ৰকৃতিৰ অন্য ৰূপ উপভোগ কৰি অভিভূত হৈ পৰে।