নাগালেণ্ডৰ জ’কো ভেলীত বন জুই, জুই নিৰ্বাপিত কৰিবলৈ ব্যৱহাৰ সেনাৰ মিগ -১৭ হেলিকেপ্তাৰ…

ডিজিটেল সংবাদ,ৱাখা : খেয়ালি প্ৰকৃতি । ২০২০ বৰ্ষৰ অন্তিম মুহূৰ্তত পৰ্যটকৰ বাবে আহিল সেই অনাকাংক্ষিত দু:খবৰটো । বনৰীয়া ফুলৰ বৰনীয়া জ'কো ভেলিত বন জুই । উল্লেখ্য যে পৰ্যটক আৰু পৰ্বতৰোহী বাবে ভুস্বৰ্গ হিচাপে পৰিচিত নাগালেণ্ডৰ জুক ভেলিত বিগত তিনিদিন ধৰি লগা বন জুই ক্ৰৰ্মাৎ বিস্তৃত হৈ মণিপুৰৰ অংশলৈ বিয়পি পৰাত মণিপুৰৰ মুখ্যমন্ত্ৰী এন বীৰেন সিঙে গভীৰ উদিগ্নতা প্ৰকাশ কৰিছে ।

সৌন্দৰ্যৰ ৰম্যভূমি জুক হৈছে প্ৰকৃতিৰ ফুলৰ উপত্যকা । প্ৰকৃতিৰ সেউজীয়াৰ দলিছা এই জুকু উপত্যকাৰ প্ৰবেশ কৰা তৃতীয় ট্ৰেকিঙ পথত যোৱা বুধবাৰৰ পৰা লগা বন জুই বিগত তিনিদিন ধৰি অব্যাহত আছে । বতাহত বিয়পি পৰা বন জুই নিৰ্বাপিত কৰিবলৈ ইতিমধ্যে বায়ুসেনাৰ ইষ্টাৰ্ণ কামাণ্ডৰ মিগ -১৭ আৰু ভি -৫ হেলিকেপ্টাৰ ব্যৱহাৰ কৰা হৈছে । বায়ুসেনাৰ শ্বিলঙৰ মুখ্য কাৰ্যালয়ৰ মুখপাত্ৰ ৰত্নাকৰ সিঙে সদৰী কৰামতে জুক উপত্যকাৰ বন জুই নুমুৱালৈ হেলিকেপ্টাৰে কহিমাৰ পৰা ফৰ্ম বাকেট কঢ়িয়াই নিয়া হৈছে ।

ইফালে নাগালেণ্ডৰ বন বিভাগৰ এফ আই এছ বিষয়া ৰাজ কুমাৰে আ‌ংগামী য়ুথ এছচিয়েচনৰ সৈতে লগ লাগি কহিমা বন বিভাগৰ ২৫০ জনীয়া দল এটাই জুকু উপত্যকাক বন জুইৰ পৰা বচাবলৈ চেষ্টা অব্যাহত ৰাখিছে । ইফালে মণিপুৰৰ মুখ্যমন্ত্ৰী এন বীৰেন সিঙে জুক ভেলিত লগা বন জুইয়ে নাগালেণ্ডৰ সীমা চেৰাই মণিপুৰৰ অংশত প্ৰবেশ কৰাত উদিগ্ন হৈ পৰিছে ।

এক টুইটত বীৰেন সিঙে জুই নিৰ্বাপিত কৰিবলৈ সহায়ৰ আহবান কৰিছে । কিয়নো জুকু উপত্যকাত তীব্ৰ গতিত বলি থকা বতাহৰ বাবে জুই দ্ৰুত গতিত বিস্তৃত এলেকা লৈ বিয়পি পৰিছে । বন জুই তীব্ৰতাৰ মানুহৰ দ্বাৰা নিৰ্বাপিত কৰাটো দুসাধ্য হৈ পৰিছে । সেয়ে সেনা আৰু বায়ুসেনাৰ সহায় লোৱা হৈছে। উল্লেখযোগ্য যে নৱবৰ্ষৰত প্ৰকৃতিৰ ফুলৰ উপত্যকা জুক ভেলিলৈ নাগালেণ্ডৰ ৰাজ্যপাল আৰ এন ৰবিয়ে সপত্নীক ভ্ৰমণ কৰাৰ কথা আছিল । ৰাজ্যপাল গৰাকীৰ ভ্ৰমণৰ প্ৰাকমুৰ্হুত সংঘটিত এই বন জুইৰ
ঘটনাই প্ৰকৃতিপ্ৰেমি আৰু পৰ্যটকসকলক শংকিত কৰি তুলিছে ।

প্ৰকৃতিৰ অনিন্য সুন্দৰ ফুলৰ সৌন্দৰ্য উপভোগ কৰিব বাবে এই জুক ভেলিৰ জাপফো শৃংগই পৰ্যটকক হাত বাউল দি মাতে । জুকু উপত্যকাৰ ২৫০০ মিটাৰ উচ্চতাৰ জ্বলামুখীৰ গাঁতত সেউজীয়া ঘাঁহনিৰ দলিচা আৰু ফুলৰ সৰ্বোত্তম প্ৰজাতিৰ পোৱা যায়। যি বিস্তৃত ফুলৰ উপত্যকাই জুক ভেলিক কৰি তুলিছে এক প্ৰকাৰ ভুস্বৰ্গ । জুক উপত্যকাৰ জাপফো শৃংগ আৰোহণ যিদৰে এক দুসাহসিক অভিযান তেনেদৰে ই পৰ্যটকৰ বাবে অতি বিপদসংকূলো। উপত্যকাৰ লুংলুঙীয়া বাটেৰে গৈ পৰ্বতৰ থিয় গৰা বগুৱো কাৰ্যত এক অজান পুলক অনুভৱ কৰা যায় ।