ডিমাপুৰৰ কেম্প হেব্ৰনত ৭৪সংখ্যক নগা স্বাধীনতা দিৱস উদযাপন এন এছ চি এন( আই এমৰ )…

ডিজিটেল সংবাদ , ৱাখাঃ এন এছ চি এন  আই এমে  ভাৰত চৰকাৰৰ পৰা  নাগালিমৰ সুকীয়া পতাকা আৰু সংবিধান বিচৰা নাই  । ভাৰত স্বাধীন হোৱাৰ পূৰ্বে ১৯৩০ চনৰ পৰাই নগাসকলৰ সুকীয়া পতাকা আৰু সংবিধান আছে ।  এই পতাকা আৰু সংবিধান নগাসকলৰ জাতীয়তাবাদৰ প্ৰতীক । নগাসকলে এই পতাকা আৰু সংবিধান ৰখা উচিত । পতাকা আৰু সংবিধানৰ অবিহনে  নগা সমস্যাৰ সন্মানজনক সমাধান নহয় ।  এই মন্তব্য  নগা বিদ্ৰোহী সংগঠন এন  এছ চি এন আই এমৰ সাধাৰণ সম্পাদক তথা  গৰ্ভমেণ্ট পিপলছ ৰিপাবলিক অৱ নাগালিমৰ প্ৰধানমন্ত্ৰী থুইংগালেং মুইভাৰ ।

আজি  এন এথ চি এনৰ  ডিমাপুৰৰ কেম্প হেব্ৰনৰ মুখ্যকাৰ্যালয়ত অনুষ্ঠিত হোৱা ৭৪ সংখ্যক নগা স্বাধীনতা দিৱসত মুখ্য অতিথি হিচাপে  অংশগ্ৰহণ কৰি থুইংগালেং মুইভা এনেদৰে কয় । প্ৰায় চল্লিছ মিনিটজোৰা  তেওঁৰ ভাষণত থুইংগালেং মুইভাই নগাসকলৰ আত্ম নিয়ন্ত্ৰণ স‌ংগ্ৰামৰ দীঘলীয়া ইতিহাসৰ কথা স্মৰণ কৰি  ভাৰত চৰকাৰৰ জৱাহৰলাল নেহৰু দিনৰ পৰা বৰ্তমানৰ নৰেন্দ্ৰ মোডীলৈকে নগা শান্তি আলোচনাৰ  দীঘলীয়া ইতিহাস  দাঙি ধৰে ।

আলোচনাৰ নগাসকলক কিদৰে ভাৰতৰ চৰকাৰে কৌশলেৰে বিভাজিত কৰি আহি তাক তেওঁ উল্লেখ কৰে । মুইভাই  আজি ভাৰত চৰকাৰক নগা সমস্যাৰ সমাধানৰ ক্ষেত্ৰত এন এছ চি এনৰ  দৃঢ়স্থিতি  কথা স্পষ্ট কৰি কয় যে ২০০২ ,২০০৫ আৰু ২০১০ চনত ভাৰত চৰকাৰৰ আনুষ্ঠানিক নিমন্ত্ৰণহে তেওঁ নগা সমস্যাৰ সমাধানৰ বাবে শান্তি আলোচনালৈ আহিছে। আৰু প্ৰতিখন আলোচনাত নগাসকলৰ ৰাজনৈতিক দৃষ্টিভংগী স্পষ্ট কৰিছে  । 

তেওঁ কয় নগাসকলে ভাৰতৰ পৰা কেতিয়াও নাগালিমৰ দাবী কৰা নাই কিয়নো নগাসকল অনাদি কালৰ পৰাই স্বাধীন আৰু সাৰ্বভৌম ক্ষমতাৰ অধিকাৰী আছিল। সংঘাত কেৱল ভাৰত ম্যানমাৰে নাগালিম দখল কৰা বিষয়কলৈহে । নগাসকলৰ ইতিহাস , ভাষা, পৰিচয় ,সংস্কৃতি ,ভূগোল আৰু ৰাজনৈতিক অৱধাৰণা এই সকলো বিলাক ভাৰতীয়ৰ সৈতে পৃথক । ভাৰতৰ সৈতে নগাসকলৰ কেৱল সুৰক্ষা আৰু বাণিজ্য হিতৰহে সম্পৰ্ক আছে । 

তেওঁ কয় যে ২০১০ চনত তদানীন্তন প্ৰধানমন্ত্ৰী মনমোহন সিঙৰ নেতৃত্বৰ ইউ পি এ চৰকাৰে তেতিয়াৰ মধ্যস্ততাকাৰীৰ আৰ এছ পাণ্ডে "নন পেপাৰ " প্ৰস্তাৱ দিছিল  যত দুই সংস্থাৰ সহ অস্তিত্ব আৰু অংশীদাৰ সাৰ্বভৌমত্বৰ কথা উল্লেখ আছিল । আৰু তাৰে আধাৰত ২০১৫ চনৰ ৩ আগষ্টত ভাৰত  চৰকাৰৰ সৈতে ফ্ৰেমৱৰ্ক এগ্ৰিমেণ্ট স্বাক্ষৰিত হয়। এই ফ্ৰেমৱৰ্ক এগ্ৰিমেণ্টত ভাৰত চৰকাৰে নগাসকলৰ অদ্বিতীয় ইতিহাস আৰু অৱস্থানক মান্যতা প্ৰদান কৰিছে ।  দুই সংস্থাৰ সহ অস্তিত্ব  কথা উল্লেখ আছে । মুইভা দৃঢ়তাৰে  কয়  নগাসকলে কেতিয়াও ভাৰতৰ সৈতে বিলীন নহয় । 

নাগালিমৰ বাবে সুকীয়া পতাকা আৰু সংবিধানৰ অবিহনে  ছয়দশক জোৰা নগা ৰাজনৈতিক সমস্যাটোৰ সন্মানজনক সমাধানৰ কোনো আশা নাই বুলি স্পষ্ট কৰি দিয়ে । এন এছ চি এন আই এমে  শীঘ্ৰে নগা সমস্যাৰ সমাধান বিচাৰিছে বুলি তেওঁ উল্লেখ কৰে । অৱশ্যে মুইভাই নগাসকলৰ আত্ম নিয়ন্ত্ৰণ অধিকাৰৰ আন্দোলন আৰু নগা শান্তি আলোচনাক সমৰ্থন আগবঢ়োৱাৰ বাবে নগা ট্ৰাইবেল হোহো , নগা ষ্টুডেণ্ট ফেডাৰেচন, নগা মাদাৰ এছচিয়েচন , ইউনাইটেড নগা কাউন্সিল , নাগা চাৰ্ছ কাউন্সিলক ধন্যবাদ জ্ঞাপন কৰে ।