অৰুণাচলত বিজেপি বিধায়কৰ বাসগৃহত আক্ৰমণ, চাওক VIDEO

ডিজিটেল সংবাদ, ইটানগৰঃ অৰুণাচলৰ য়াজুলি সমষ্টিৰ বিজেপি বিধায়ক লিখা চায়াৰ নিৰজুলিত থকা বাসগৃহত তেওঁৰেই সমৰ্থকৰ ভয়াবহ আক্ৰমণ৷ চকী, টেবুল ভাঙি চুড়মাৰ কৰে একাংশ লোকে। শিলগুটি দলিয়াই লিখা চায়াৰ প্ৰসাদোপম অট্টালিকাৰ আইনা ভাঙি চুড়মাৰ কৰে উন্মত্ত সমৰ্থকে৷ বিজেপিৰ বিধায়ক লিখা চায়াক এইবাৰ বিজিপিয়ে দলীয় প্ৰাৰ্থিত্ব দিয়া নাছিল৷ কিন্তু তেওঁৰ সমৰ্থকে দাবী কৰিছিল যে, তেওঁ আন দলৰ টিকট লৈ হ'লেও নিৰ্বাচনত প্ৰতিদ্বন্দ্বিতা কৰিব লাগে৷

লিখা চায়াই নিৰ্বাচনত প্ৰতিদ্বন্দ্বিতা কৰাৰ কোনো আগ্ৰহ কৰা নাছিল৷ চায়াৰ সমৰ্থকে অভিযোগ কৰা মতে চায়াই বিজেপিৰ প্ৰাৰ্থীজনৰ পৰা বৃহৎ পৰিমানৰ ধন লৈ নিৰ্বাচনত প্ৰতিদ্বন্দ্বিতা নকৰাৰ সিদ্ধান্ত লৈছে৷

উল্লেখ্য যে, নিজ সমৰ্থকৰ এই উগ্ৰ মূৰ্তি দেখি লিখা চায়াই নিজ বাসগৃহতে আত্মগোপন কৰিছে৷ অৱশ্যে আৰক্ষী আৰু নিৰাপত্তা বাহিনীয়ে চায়াই ঘৰটো সুৰক্ষা দিবলৈ চেষ্টা কৰিছে৷ চায়াৰ সমৰ্থকে বাসভৱনৰ অস্থায়ী মন্দপত থকা শতাধিক প্লাষ্টিকৰ চকী জ্বলাই দিয়ে৷ পৰিস্থিতি এতিয়াও উত্তপ্ত হৈ আছে বুলি জানিবলৈ পোৱা গৈছে৷