মিজোৰামত সেনা- আৰক্ষীৰ অভিযানত হেৰইনসহ ৫৭ লাখ টকাৰ চোৰাং চুপাৰি তামোল জব্দ…

ডিজিটেল সংবাদ,ৱাখা : মিজোৰাম আৰক্ষী আৰু আছাম ৰাইফলছে সোমবাৰে চামফাই জিলাত পুৱা যৌথ অভিযান চলাই বৃহৎ পৰিমাণৰ চোৰাং চুপাৰিসহ এজন লোকক গ্ৰেপ্তাৰ কৰে । প্ৰাপ্ত খবৰ অনুসৰি সেনা – আৰক্ষীয়ে বিশেষ খবৰৰ পমখেদি জাখাওবাৰ মেলবুক অঞ্চলত অভিযান চলাই চাৰিখন চুপাৰি ভৰ্তি ট্ৰাক জব্দ কৰে । চুপাৰি ভৰ্তি ট্ৰাকৰ ভিতৰৰ পৰা এখন চাইনিজ মটৰ চাইকেল , ৯০ গ্ৰাম হেৰইন , এটা এয়াৰ ৰাইফলসহ ১৮.৪ টন চুপাৰি জব্দ কৰিবলৈ সক্ষম হয়।

জানিব পৰামতে চোৰাং চুপাৰি খিনিৰ মূল্য প্ৰায় ৫৭ লাখ টকাৰ বিপৰীতে হেৰইনখিনিৰ মূল্য ৭ লাখ টকা । পিছত আছাম ৰাইফলছে চোৰাং চুপাৰিসহ লোকজনক চামফাই আৰক্ষীক গতাই দিয়ে । উল্লেখযোগ্য যে দীৰ্ঘদিন ধৰি ম্যানমাৰ পৰা মিজোৰামৰ হৈ শিলচৰ পথেৰে গুৱাহটীৰ মাজেদি বহি :ৰাজ্যলৈ গোপনে চোৰাং চুপাৰি সৰবৰাহ হৈ আছে ।