/asomiyapratidin/media/post_attachments/asomiyapratidin/import/website/2020/12/A-CV.jpg)
ডিজিটেল সংবাদ, ৱাখাঃ এদিনীয়া অসম ভ্ৰমণৰ সফল সামৰণি পেলাই কিছু সময় পূৰ্বে কামাখ্যা মন্দিৰ দৰ্শন কৰি বিশেষ বিমানৰে মণিপুৰত উপস্থিত হ'ব কেন্দ্ৰীয় গৃহমন্ত্ৰী অমিত শ্বাহ । চাৰিদিনীয়া উত্তৰ পূৰ্বাঞ্চলৰ ভ্ৰমণলৈ অহা বিজেপিৰ ষ্ট্ৰঙমেন হিচাপে পৰিচিত কেন্দ্ৰীয় গৃহমন্ত্ৰী অমিত শ্বাহে গুৱাহাটীৰ পৰা বিমানেৰে গৈ পুৱা ১০:৩০ বজাত ইম্ফলত উপস্থিত হব ।
ইয়াৰ পিছত তেওঁ কেন্দ্ৰীয় ড'নাৰ মন্ত্ৰী জিতেন্দ্ৰ সিঙেৰ সৈতে সেনাপতি জিলাৰ মায়াংমাঙত এখন আই আই টিৰ আধাৰ শিলা স্থাপনৰ কাৰ্যসূচীত অংশগ্ৰহণ কৰিব । গৃহমন্ত্ৰী অমিত শ্বাহে আজি ব্যস্ত মণিপুৰ ভ্ৰমণৰ কাৰ্যসূচীত চূড়াচান্দপুৰ মেডিকেল কলেজ ,ইম্ফলত ৰাজ্যিক আৰক্ষীৰ মুখ্য কাৰ্যালয় ভৱনৰ শিলান্যাস কৰিব ।
আজি তেওঁ মণিপুৰত কটাই কাইলৈ ৰাজধানী ইম্ফলত ছাঙলেন অতিথিশালা , আই টি ছেজ , আৰু আই চি চি কেন্দ্ৰ এটাৰ উদ্বোধন কৰিব । কেন্দ্ৰীয় গৃহমন্ত্ৰী গৰাকীয়ে লগতে বিষ্ণুপুৰ টুপুল থৌবাল কাছম ৰাষ্ট্ৰীয় ঘাইপথ উদ্বোধন কৰি ৰাষ্ট্ৰৰ নামত উৎসৰ্গা কৰিব । উল্লেখযোগ্য কেন্দ্ৰীয় গৃহমন্ত্ৰী অমিত শ্বাহৰ এই ভ্ৰমণ চূড়ান্ত নগা চুক্তি প্ৰাকমূহৰ্ত হোৱাৰ বাবে বিশেষ তাৎপৰ্য বহন কৰিছে । কিয়নো কেন্দ্ৰীয় গৃহমন্ত্ৰী মন্ত্ৰী গৰাকীয়ে ৰাজ্যৰ মুখ্যমন্ত্ৰী এন বীৰেণ সিঙৰ সৈতে ৰাজ্যৰ শেহতীয়া পৰিস্থিতি সন্দৰ্ভত আলোচনাত মিলিত হোৱাৰ কথা ।