মণিপুৰত কেন্দ্ৰীয় গৃহমন্ত্ৰী অমিত শ্বাহৰ সাতটা ৰাষ্ট্ৰীয় প্ৰকল্পৰ আধাৰশিলা উদ্বোধন…

ডিজিটেল সংবাদ,ৱাখা : দুদিনীয়া  মণিপুৰ ভ্ৰমণেৰে উপস্থিত হোৱা কেন্দ্ৰীয় গৃহমন্ত্ৰী অমিত শ্বাহে  দেওবাৰে সাতটাকেইটা ৰাষ্ট্ৰীয় প্ৰকল্পৰ আধাৰ শিলা আৰু উদ্বোধন কৰে । দেওবাৰে ইম্ফল বিমানবন্দৰত মুখ্যমন্ত্ৰী এন বীৰেণ সিঙ আৰু তেওঁৰ কেবিনেট সতীৰ্থই  গৃহমন্ত্ৰী গৰাকীক উষ্ণ আদৰণি জনায় ।  

ইয়াৰ পিছত তেওঁ  কেন্দ্ৰীয় ড'নাৰ মন্ত্ৰী জিতেন্দ্ৰ সিঙেৰ সৈতে পোনে পোনে  ইম্ফলৰ এক বিশাল জনসভা অংশগ্ৰহণ কৰি  মণিপুৰৰ জনসাধাৰণক কয় – বিগত তিনি বছৰত মণিপুৰক বন্ধ আৰু অৰ্থনৈতিক অৱৰোধ পৰা মুক্ত কৰি বিকাশৰ পথলৈ লৈ যোৱা এন বীৰেণ সিঙ আৰু উত্তৰ পূৰ্বাঞ্চলৰ দপ্তৰৰ মন্ত্ৰী জিতেন্দ্ৰ সিঙে উত্তৰ পূৰ্বাঞ্চলক দেশৰ ভিতৰতে নতুন পৰিচয় দিবলৈ সমৰ্থ হোৱাৰ  বাবে তেওঁলোকক অভিনন্দন জ্ঞাপন কৰিবলৈ আজি মই মণিপুৰলৈ আহিছো ।

গৃহমন্ত্ৰী গৰাকীয়ে লগতে কয় যে মণিপুৰৰ বাবে বিশেষ দিন কিয়নো প্ৰধানমন্ত্ৰী নৰেন্দ্ৰ মোডীৰ নেতৃত্বত দেশত যি বিকাশৰ  আৰম্ভণি হৈছে সেয়া মণিপুৰতো শুভাৰম্ভ হৈছে ।  মণিপুৰ এসময়ত বিদ্ৰোহী সমস্যা আৰু বন্ধৰ বাবে জনা গৈছিল , আইন শৃংখলা পৰিস্থিতিৰ বাবে বিশেষ চৰ্চা আছিল । কিন্তু ৰাজ্যত শান্তি প্ৰতিষ্ঠা হোৱাত  আজি ইম্ফলত ৰাজ্যিক পুলিচৰ মুখ্য কাৰ্যালয়  নিৰ্মাণৰ ভূমি পূজন কৰা হৈছে ।

আনহাতে ইম্ফল স্মাৰ্ট চিটিৰ স্মাৰ্ট গৰ্ভন্সেৰ বাবে চি চি চি কেন্দ্ৰ নিৰ্মাণ কৰা হৈছে । কেন্দ্ৰীয় গৃহমন্ত্ৰী গৰাকীয়ে কয় যে এক দৃষ্টিত পাহাৰৰ কিম্বা ভৈয়াম হওক মণিপুৰৰ প্ৰতিটো অঞ্চলৰ বিকাশৰ জৰিয়তে সংযোগ কৰাৰ মহান কাম আজি সম্পূৰ্ণ হৈছে । মই মণিপুৰলৈ ভাই  বীৰেন সিঙক বিশেষভাৱে অভিনন্দন জ্ঞাপন কৰিবলৈ আহিছো । কাৰণ তিনি বছৰ সম্পূৰ্ণ হোৱা এন বীৰেন সিঙৰ চৰকাৰৰ নিৰ্বাচনৰ পূৰ্বে  ভোটৰ বাবে মই এই খেলপথাৰলৈ আহিছিলো । সেই নিৰ্বাচনী সভাত মই আপোনালোকক কৈছিলো যে  যদি আপোনালৈকে  এবাৰ ভাৰতীয় জনতা পাৰ্টীক ভোট দি জয়যুক্ত কৰিবলৈ আহবান জনাইছিলো ।

তেতিয়া বহুতো মোক হাঁহিছিল কাৰণ তেতিয়া মণিপুৰত বিজেপিৰ এজন মাত্ৰ বিধায়ক আছিল । কিন্তু মণিপুৰৰ জনসাধাৰণে মনত সংকল্প লৈছিল এইবাৰ বিজেপিকে চৰকাৰ কৰিবলৈ জনাদেশ দিব। আৰু অৱশেষত নৰেন্দ্ৰ মোডীৰ নেতৃত্বত মণিপুৰত বিজেপি দলৰ চৰকাৰ গঠন হৈ তিনিবছৰ সম্পূৰ্ণ কৰিলে । নিৰ্বাচনৰ পূৰ্বে প্ৰধানমন্ত্ৰী নৰেন্দ্ৰ মোডীয়ে মণিপুৰৰ ৰাইজক যি  প্ৰতিশ্ৰুতি দিছিল সেয়া লাভ কৰিবলৈ সক্ষম হৈছে।  কংগ্ৰেছৰ দিনত মণিপুৰ বন্ধ হৈ গৈছিল ,  জনসাধাৰণে না গেছ না কেৰাচিন তেল পাইছিল । সকলো বস্তুৰ নাটনিয়ে দেখা দিছিল । কিন্তু যেতিয়াই বিজেপি দলৰ চৰকাৰ শাসন লৈ  আহিল  তেতিয়া বিগত তিনি বছৰত এবাৰো মণিপুৰ বন্ধ হোৱা নাই । আৰু এই কথাই প্ৰমাণ কৰে যে  ভাৰতীয় জনতা পাৰ্টি চৰকাৰ যত গঠন হৈছে সেয়া সদায় জনসাধাৰণৰ বিকাশৰ বাবে হৈছে।

সেয়ে মই মুখ্যমন্ত্ৰী এন বীৰেন সিঙক ভাইক অভিনন্দন আৰু ধন্যবাদ জ্ঞাপন কৰিব খুজিছো । তেওঁ মণিপুৰক দেশৰ ভিতৰতে নতুন পৰিচয় দিয়া কাম কৰিছে । নৰেন্দ্ৰ মোডীয়ে এই উত্তৰ পূৰ্বাঞ্চলক হৃদয়ত ঠাই দি থৈছে।  ২০১৩ চনত তেওঁ কৈছিল ভাৰত মাতৃৰ  দুখন ঠাই আছে এখন পুব ভাৰত আৰু আনখন পশ্চিম ভাৰত । পশ্চিম ভাৰতত ইতিমধ্যে বিকাশ হৈছে । কিন্তু পুব ভাৰতৰ বিকাশ যেতিয়ালেকে  নহ'ব তেতিয়ালৈকে ভাৰতৰ সম্পূৰ্ণ বিকাশ আৰু প্ৰগতি নহ'ব । 

এই মুহূৰ্তত এই কথা কবলৈ পাই  গৌৰৱবোধ কৰিছো। নৰেন্দ্ৰ মোডীয়ে বিগত চাৰে ছয় বছৰত  ভাৰতত বিকাশৰ  ৰেল আনিবলৈ সক্ষম হৈছে। এসময়ত এই অঞ্চলত বানপানী হৈছিল এতিয়া  নৰেন্দ্ৰ মোডীয়ে ইয়াত বিকাশৰ বানপানী বোৱাইছে। প্ৰায় আধা ঘণ্টাজোৰা ভাষণত অমিত শ্বাহে আৰু কয় — উত্তৰ পূৰ্বাঞ্চল উগ্ৰপন্থীৰ সমস্যাৰ বাবে জনা গৈছিল ।এতিয়া বিগত চাৰে ছয় বছৰৰ পিছলৈ উভতি চালে দেখিব  এই ছয় বছৰত উত্তৰ পূৰ্বাঞ্চলৰ একাধিক সশস্ত্ৰ বিদ্ৰোহী গোটে অস্ত্ৰ ত্যাগ কৰি মূলসূঁতিলৈ উভতি আহিছে । হিংসা হ্ৰাস পাইছে। আৰু যি অলপ বাকী আছে সেয়া অন্ত পৰিব আৰু মূলসুঁতিলৈ  অচিৰেই উভতি আহিব । প্ৰধানমন্ত্ৰী নৰেন্দ্ৰ মোডীয়ে উত্তৰ পূৰ্বাঞ্চলবাসী কথা দিছিল যে ভাৰতীয় জনতা পাৰ্টীৰ চৰকাৰ শাসনলৈ আহিলে প্ৰত্যেক চৌধ্যদিনৰ মূৰত  একোজন মন্ত্ৰীয়ে  উত্তৰ পূৰ্বাঞ্চল ভ্ৰমণ কৰিব লাগিব।

এই কথাই কথাই প্ৰমাণ কৰে যে মোডীৰ বাহিৰে কোনো এখন চৰকাৰে ইমান প্ৰাথমিকতা আৰু গুৰুত্ব দিয়া নাছিল। মোডীয়ে যি কয় তাকে কৰি দেখুৱাইছে । বিগত  চাৰে ছয় বছৰত প্ৰধানমন্ত্ৰী নৰেন্দ্ৰ মোডীয়ে ৪০ বাৰ উত্তৰ পূৰ্বাঞ্চল ভ্ৰমণ কৰিছে ।  মোডীৰ দৰে  হৃদয়ৰ কথা উপলব্ধি কৰা নেতা কোনো নাই । মোৰ ক্ষেত্ৰত চাওক  বিজেপি দলৰ সভাপতিৰ পৰা গৃহমন্ত্ৰী দৰে দায়িত্ব অৰ্পণ কৰিছে । এসময়ত মণিপুৰৰ ৰাইজে আন্ত:ৰাজ্যিক পাৰপত্ৰ  প্ৰৱৰ্তন কৰাৰ বাবে কেন্দ্ৰীয় চৰকাৰক দাবী কৰি কৰি পাহৰি গৈছিল । কিন্তু  নৰেন্দ্ৰ মোডীয়ে ২০ ১৯ চনৰ ১১ আগষ্টত সিদ্ধান্ত কৰিছিল যে উত্তৰ পূৰ্বাঞ্চলৰ মূল নিবাসীক  ইনাৰ লাইন পাৰ্মিট নিদিয়াটো অন্যায় কৰা হৈছে ।  লগে লগে তেওঁ ইনাৰ লাইন পাৰ্মিট ব্যৱস্থা গ্ৰহণ কৰে ।

সম্ভৱত মণিপুৰ ৰাজ্য গঠন হোৱাৰ পাছত মণিপুৰবাসীৰ বাবে আটাইতকৈ ডাঙৰ উপহাৰ । অৰ্থনৈতিক উন্নয়ন  বিকাশৰ বাবে ২০০৪ চনত বিজেপি চৰকাৰে যি আঁচনি আৰম্ভ কৰিছিল সেয়া কংগ্ৰেছ দলৰ চৰকাৰে বন্ধ কৰি দিছিল । কিন্তু যেতিয়া নৰেন্দ্ৰ মোডী চৰকাৰ শাসন লৈ আহিল ২০১৬ চনত ৪৬২  কোটি টকাৰ পুঁজি আবন্টন কৰি আধাৰুৱা প্ৰকল্পৰ কাম সম্পূৰ্ণ কৰি তুলিছে।  সম্প্ৰতি মণিপুৰলৈ কংগ্ৰেছৰ দিনৰ ত্ৰয়োদশ বিত্ত আয়োগৰ  ৮৯, ১৬৮ কোটি টকাৰ তুলনাত  নৰেন্দ্ৰ মোডী চৰকাৰে ৩ লাখ ১৩ হাজাৰ ১৭৫ কোটি টকাৰ  আবন্টন দিছে ।  যিটো চাৰিশ গুণ বেছি । ষ্টাট আপ আঁচনি জৰিয়তে  মণিপুৰত ১১৮৬ গৰাকী যুৱকে কৰ্মসংস্থাপন লাভ কৰিছে । ইম্ফল বিমানবন্দৰ আধুনিককৰণৰ বাবে ৪ হাজাৰ ২৭ কোটি টকা দিয়া হৈছে ।

শ্বাহে কয় যে কংগ্ৰেছে বিগত ৭০ বছৰত যি কৰিব নোৱাৰিলে সেয়া মণিপুৰত বিজেপি চৰকাৰে তিনি বছৰত কৰি দেখুৱাইছে । তদুপৰি মণিপুৰে দেশৰ বাবে এম চি  মেৰীকম ,  চুমীতা দৰে মহান খেলুৱৈ উপহাৰ দিছে । সেয়ে গৃহমন্ত্ৰীয়ে মণিপুৰত নিৰ্মাণ কৰা ক্ৰীড়া বিশ্ববিদ্যালয়ে উত্তৰ পূৰ্বাঞ্চলত অধিক খেলুৱৈ জন্ম দিব বুলি আশা প্ৰকাশ কৰে। লগতে মুখ্যমন্ত্ৰী এন বীৰেন সিঙক মণিপুৰনেচনেল ফৰেন্সিক কলেজ স্থাপনৰ বাবে নিৰ্দেশ দিয়ে । উল্লেখযোগ্য যে  কেন্দ্ৰীয় গৃহমন্ত্ৰী অমিত শ্বাহে আজি সেনাপতি জিলাৰ মায়াংমাঙত এখন আই আই টিৰ আধাৰ শিলা স্থাপন,  চূড়াচান্দপুৰ মেডিকেল কলেজ ,ইম্ফলত ৰাজ্যিক আৰক্ষীৰ মুখ্য কাৰ্যালয় ভৱনৰ  শিলান্যাস কৰিব । 

মণিপুৰত অমিত শ্বাহে ৰাজধানী ইম্ফলত ছাঙলেন  অতিথিশালা ,   দিল্লীৰ দাৰকা মণিপুৰ ভৱন , আই টি ছেজ , আৰু স্মাৰ্ট চিটিৰ  আই চি চি কেন্দ্ৰ এটাৰ উদ্বোধন কৰে ।  কেন্দ্ৰীয় গৃহমন্ত্ৰী গৰাকীয়ে লগতে বিষ্ণুপুৰ টুপুল – থৌবাল , কাছম –  ৰাষ্ট্ৰীয় ঘাইপথ উদ্বোধন কৰি ৰাষ্ট্ৰৰ নামত উৎসৰ্গা কৰে। উল্লেখযোগ্য কেন্দ্ৰীয় গৃহমন্ত্ৰী অমিত শ্বাহৰ এই ভ্ৰমণ চূড়ান্ত নগা চুক্তি প্ৰাকমূহৰ্ত হোৱাৰ বাবে বিশেষ তাৎপৰ্য বহন কৰিছে । কিয়নো  কেন্দ্ৰীয় গৃহমন্ত্ৰী মন্ত্ৰী গৰাকীয়ে ৰাজ্যৰ মুখ্যমন্ত্ৰী এন বীৰেণ সিঙৰ সৈতে ৰাজ্যৰ শেহতীয়া পৰিস্থিতি সন্দৰ্ভত আলোচনাত মিলিত হোৱাৰ কথা ।