শেহতীয়া খবৰ
আন্তঃৰাষ্ট্ৰীয় কংফু গেম ২০২১ত সোণৰ পদক অৰ্জন বকোৰ বিতোপন বড়োৰ...  •  নগাওঁ আৰক্ষীৰ অভিযানঃ বুজন পৰিমানৰ ড্ৰাগছ উদ্ধাৰ, দুগৰাকী মহিলাসহ তিনিজন আৰক্ষীৰ জালত...  •  অসমত পুনৰ ১২৪জন কোৰোনাত আক্ৰান্তঃ পজিটিভিটী হাৰ ০.৪৪ শতাংশ, ৩ জনে হেৰুৱাইছে প্ৰাণ...  •  বকোত ছমৰীয়া শাখা ছাত্ৰ সন্থাৰ উদ্যোগত ছাত্ৰ নেতা অনিমেষ ভূঞাৰ আত্মাৰ চিৰশান্তিৰ বাবে শ্ৰদ্ধাঞ্জলি অনুষ্ঠান...  •  ইন্দ্ৰধনুষ গেছ গ্ৰীড লিমিটেডৰ বিৰুদ্ধে অবৈধভাৱে ভূমি অধিগ্ৰহণৰ অভিযোগ জীপাল কৃষক শ্ৰমিক সংঘৰ, উপায়ুক্তলৈ প্ৰেৰণ স্মাৰকপত্ৰ...  •  গোৱালপাৰাত দুখন বাহনৰ মুখামুখি সংঘৰ্ষ, নিহত ৫জন লোক...  •  বোকাখাতত ডাম্পাৰৰ খুন্দাত প্ৰাণ হেৰুৱালে মহিলাই...  •  ভাৰতীয় ৰে’লৱে মাল গুদাম শ্ৰমিক সংঘৰ ধেমাজি জিলা গোট চিতৰ উদ্যোগত ৰে’লৱে শ্ৰমিকৰ ই-শ্ৰম পঞ্জীয়নৰ...  •  এগৰাকী দুৰ্ভগীয়া আইতাৰ কৰুণ কাহিনী, বিচাৰিছে চৰকাৰৰ সহায়...  •  স্বাধীনতা দিৱস কাপঃ বঙাইগাঁও ইলেভেন কোৱাৰ্টাৰ ফাইনেলত...

নগাঁও চৰকাৰী উচ্চতৰ মাধ্যমিক বালক বিদ্যালয়ৰ ১৫৬ সংখ্যক প্ৰতিষ্ঠা দিৱস উদযাপন….

ডিজিটেল সংবাদ নগাঁও : ১৮৬৫ চনৰ ১৭ নৱেম্বৰত নগাঁও চহৰত স্থাপন কৰা নগাঁও চৰকাৰী উচ্চতৰ মাধ্যমিক বালক বিদ্যালয়ে বুধবাৰে ১৫৬ সংখ্যক প্ৰতিষ্ঠা দিৱস উদযাপন কৰে । এই উপলক্ষে পুৱা পতাকা উত্তোলন কৰে বিদ্যালয় পৰিচালনা সমিতি তথা উন্নয়ন সমিতিৰ সভাপতি তথা জ্যেষ্ঠ অধিবক্তা গংগাবল্লভ গোস্বামীয়ে।

ইয়াৰ পাচতে স্মৃতি তৰ্পন কৰে বিদ্যালয়খনৰ অধ্যক্ষা দীপিকা লস্কৰে। আনহাতে দিনৰ ১১ বজাত গংগা বল্লভ গোস্বামীৰ সভাপতিত্বত অনুষ্ঠিত মুকলি সভা আৰু বিভিন্ন ন্যাসৰ বঁটা প্ৰদান অনুষ্ঠানত বিশিষ্ট অতিথি হিচাপে অংশগ্ৰহণ কৰি বিদ্যালয়খনৰ প্ৰাক্তন ছাত্র তথা নগাঁও সদৰ সমষ্টিৰ বিধায়ক ৰূপক শৰ্মাই নগাঁও চৰকাৰী উচ্চতৰ মাধ্যমিক বালক বিদ্যালয়ৰ গৌৰৱজ্জ্বোল ইতিহাস দোহাৰি বিদ্যালয়খনৰ প্ৰাক্তন ছাত্র হিচাপে গৰ্বিত বুলি মন্তব্য কৰে ।

এসময়ত নগাঁও চৰকাৰী উচ্চতৰ মাধ্যমিক বালক বিদ্যালয়ৰ বাৰ্ষিক মুখপত্ৰ ‘উদয়’ৰ সম্পাদকৰ দায়িত্ব বহন কৰা বিধায়ক শৰ্মাই আজি চলিত শিক্ষা বৰ্ষৰ ‘উদয়’খন উন্মোচন কৰি পৰম সন্তোষ লাভ কৰা বুলিও মনৰ ভাব ব্যক্ত কৰে। উক্ত সভাত বিভিন্ন ন্যাসৰ বঁটা সমূহ প্ৰদান কৰা হয় । সভাত অধ্যক্ষা দীপিকা লস্কৰ,প্ৰাক্তন অধ্যক্ষ বিমল বৰা, অধিবক্তা কৃপাসিন্ধু অধিকাৰী প্ৰমুখ্যে কেইবা গৰাকী বিশিষ্ট ব্যক্তি, ন্যাসসমূহৰ দাতাসকল, বিদ্যালয়খনৰ শিক্ষক-শিক্ষয়িত্রী, ছাত্ৰ ,আভিভাৱক আৰু একাংশ প্ৰাক্তন ছাত্রই অংশগ্ৰহণ কৰে । সন্ধিয়া বিদ্যালয়খনৰ চৌহদত ১৫৬ গছি বন্তি প্ৰজ্বলন কৰাৰ লগতে বৰপেটাৰ আতচবাজি প্ৰদৰ্শন কৰা হয় ।

আপুনি পঢ়ি ভাল পাব পৰা বাতৰি