খালিস্তানী নেতা অমৃত পাল সিঙক গ্ৰেপ্তাৰঃ অসমলৈ স্থানান্তৰ...

ডিজিটেল ডেস্কঃ অৱশেষত খালিস্তানী নেতা অমৃত পাল সিঙক গ্ৰেপ্তাৰ ৷ ৩৭ দিনে পলায়নৰ অন্তত দেওবাৰে পঞ্জাৱ আৰক্ষীৰ ওচৰত আত্মসমৰ্পন কৰিছে খালিস্তানী নেতা অমৃত পাল সিঙে ৷ ১৮ মাৰ্চৰ পৰা পঞ্জাৱ আৰক্ষীৰ পৰা পলায়ন কৰি আছিল অমৃত পালে ৷

পঞ্জাৱৰ মুগাত আত্মসমৰ্পন কৰিছে "ৱাৰিছ পঞ্জাৱ দে"ৰ সংগঠনটোৰ নেতাগৰাকীয়ে ৷ ৰাজ্যখনৰ আৰক্ষীয়ে গ্ৰেপ্তাৰ কৰাৰ পিছতেই সকলোকে শান্তি-শৃংখলা অটুত ৰাখিবলৈ আহ্বান জনাইছে ৷ লগতে ভুৱা বাতৰি প্ৰতাৰৰ পৰা বিৰত থাকিবলৈ সকলোকে টুইটযোগে আহ্বান জনাইছে ৷

আৰক্ষী সূত্ৰই প্ৰকাশ কৰা তথ্য অনুসৰি মোগা জিলাৰ ৰোডে গাঁৱৰ এটা গুৰুদ্বাৰাত আত্মসমৰ্পণ কৰিছে অমৃত পালে ৷ গ্ৰেপ্তাৰৰ পিছতেই খালিস্তানী নেতাগৰাকীক অসমৰ ডিব্ৰুগড়লৈ প্ৰেৰণ কৰা হৈছে ৷

উল্লখ্য যে ৰাজ্যখনৰ আজনালা থানাৰ পৰা এজন সতীৰ্থক অস্ত্ৰ-শস্ত্ৰ লৈ বলপূৰ্বকভাবে উলিয়াই লৈ গৈছিল অমৃত পাল আৰু তেওঁৰ সহযোগীসকলে ৷ তেতিয়াৰে পৰা পঞ্জাৱ আৰক্ষীৰ তালাচত আছিল খানিস্তানী নেতাগৰাকী ৷

#AmritpalSingh arrested in Moga, Punjab.

Further details will be shared by #PunjabPolice

Urge citizens to maintain peace and harmony, Don't share any fake news, always verify and share.

— Punjab Police India (@PunjabPoliceInd) April 23, 2023

Also Read: শীঘ্ৰেই গ্ৰেপ্তাৰ হোৱাৰ সম্ভাৱনা যুৱ কংগ্ৰেছৰ ৰাষ্ট্ৰীয় সভাপতি শ্ৰী নিবাস বি ভি...