শেহতীয়া খবৰ
অৰবিন্দ কেজৰিৱালঃ দিল্লীত সংঘটিত হিংসাত্মক ঘটনাত যদি আপৰ নেতা-কৰ্মী জড়িত তেন্তে...  •  সৰুপথাৰত অস্ত্ৰ শস্ত্ৰসহ দুজনক গ্ৰেপ্তাৰ...  •  দিল্লীৰ হিংসা ঘটনাত কোনো আপ নেতা দোষী সাব্যস্ত হ’লে দুগুণ শাস্তি বিহা হ’বঃ মুখ্যমন্ত্ৰী কেজৰিৱাল  •  অব্যাহত আছে উত্তেজনা, উত্তৰ পূব দিল্লীত নিৰাপত্তাৰক্ষীৰ ফ্লেগ মাৰ্চ...  •  মাধৱদেৱ বিশ্ববিদ্যালয়ৰ ছাত্রাবাসত আক্ৰমণৰ ঘটনাঃ নাৰায়ণপুৰ আৰক্ষী থানাৰ সমুখত উত্তাল প্ৰতিবাদ শিক্ষাৰ্থীৰ...VIDEO  •  কাছাৰত নাইম এমএম পিষ্টল-সজীৱ গুলী আৰু নগদ ধনসহ গ্ৰেপ্তাৰ ২ জেডইউএফ উগ্ৰপন্থী  •  দিল্লীৰ হিংসাঃ দোকানলৈ গাখীৰ আনিবলৈ গৈছিল ছালমনীয়ে, দুৰ্বৃত্তই জ্বলাই দিয়া ঘৰৰ ভিতৰত সহায় বিচাৰি মাতৃয়ে হেৰুৱালে প্ৰাণ  •  ভুল ঢাকিবলৈ আৰু কি ভুল কৰিলে টেৰছ গোৱালাই...  •  ১৬ বছৰীয়া ছফালীয়ে আন্তঃৰাষ্ট্ৰীয় টি২০ ক্ৰিকেটত কি অভিলেখ ৰছিলে...  •  আলফাৰ অন্যতম প্ৰতিষ্ঠাপক সদস্য, অধিবক্তা, অধ্যাপক ভদ্ৰেশ্বৰ বুঢ়াগোঁহাই আৰু নাই...

বন্ধ হ’ব কেবাখনো চৰকাৰী উচ্চ মাধ্যমিক বিদ্যালয়, চিন্তিত শিক্ষাৰ্থী, শিক্ষা বিভাগৰ বিৰুদ্ধে ক্ষোভ, VIDEO

7,168

ডিজিটেল সংবাদ, নাৰায়ণপুৰঃ শিক্ষা বিভাগৰ এক আকস্মিক নিৰ্দেশনাই তীব্ৰ জোকাৰণিৰ সৃষ্টি কৰিছে লখিমপুৰত। শিক্ষামন্ত্ৰী হিমন্ত বিশ্ব শৰ্মাই মাদ্ৰাছা আৰু সংস্কৃত টোল সমুহ বন্ধ কৰি দিয়া হ’ব বুলি কৰা ঘোষণাই ৰাজ্যজুৰি তীব্ৰ প্ৰতিক্ৰিয়াৰ সৃষ্টি কৰাৰ সময়তে লখিমপুৰত ৩০ খনকৈ হাইস্কুল বন্ধৰ নিৰ্দেশত হাহাকাৰ লাগিছে উক্ত বিদ্যালয় সমূহৰ শিক্ষক, ছাত্ৰ-ছাত্ৰীৰ লগতে অভিভাৱক সকলৰ মাজত। শিক্ষা বিভাগে আকস্মিকভাৱে আপোন বিদ্যালয়খনক বৰ্তমানৰ স্থানৰ পৰা নি ৫-৬ কিলোমিটাৰ দূৰত্বৰ আন এখন বিদ্যালয়ৰ সৈতে সংলগ্ন কৰিব খোজা কাৰ্যত মৰ্মাহত হৈ পৰিছে শিক্ষক, ছাত্ৰ-ছাত্ৰী আৰু অভিভাৱক সকল।

উল্লেখ্য যে, যোৱা এঘাৰ ফেব্ৰুৱাৰীত লখিমপুৰ জিলাৰ বিদ্যালয় সমূহৰ পৰিদৰ্শক গৰাকীৰ স্বাক্ষৰিত এক নিৰ্দেশনাত জিলা খনৰ ৩০ খনকৈ উচ্চ মাধ্যমিক বিদ্যালয়ক সমীপৰ বিদ্যালয়ৰ সৈতে সংলগ্ন কৰাৰ এক নিৰ্দেশনা জাৰি কৰে আৰু উক্ত নিৰ্দেশনাৰ পিছতে একাংশ বিদ্যালয়ত হাহাকাৰ পৰিস্থিতিৰ সৃষ্টি হৈছে।

জিলাখনৰ গোসাঁইবাৰী উচ্চ মাধ্যমিক বিদ্যালয়ক লেটকুপুখুৰী উচ্চ মাধ্যমিক বিদ্যালয়লৈ, জয়পুৰ পিছলা উচ্চ মাধ্যমিক বিদ্যালয়ক শান্তিজ্যোতি উচ্চ মাধ্যমিক বিদ্যালয়লৈ, দেওটোলা উচ্চ মাধ্যমিক বিদ্যালয়ক খেৰাজখাত কণিষ্ঠ মহাবিদ্যালয়লৈ, দক্ষিণ ধলপুৰ ছোৱালী উচ্চ মাধ্যমিক বিদ্যালয়ক কছুৱা এম পি উচ্চ মাধ্যমিক বিদ্যালয়লৈ, বৰবালি একাডেমীক বৰবালি উচ্চতৰ মাধ্যমিক বিদ্যালয়লৈ, নৱপুৰ উচ্চ মাধ্যমিক বিদ্যালয়ক বুঢ়া বুঢ়ী উচ্চতৰ মাধ্যমিক বিদ্যালয়ৰ সৈতে সংলগ্ন কৰাকে ধৰি জিলাখনৰ ৩০ খন বিদ্যালয়ক একত্ৰিতকৰণৰ জৰিয়তে সংলগ্ন কৰাৰ নিৰ্দেশ জাৰি কৰিছে জিলা শিক্ষা বিষয়া গৰাকীয়ে।

একাংশ বিদ্যালয়ৰ শিক্ষক সকলৰ মতে ইখন বিদ্যালয়ৰ পৰা আনখন বিদ্যালয়ৰ মাজৰ দূৰত্ব প্ৰায় ৫/৬ কিলোমিটাৰ পৰ্য্যন্ত হ’ব। আনহাতে বহু বিদ্যালয়ৰ যাতায়ত ব্যৱস্থাও অতিকে শোচনীয়। সেয়েহে কণ কণ ছাত্ৰ ছাত্ৰীৰ আগন্তুক দিনত হ’ব পৰা সমস্যা সমূহৰ বিষয়ে চিন্তা কৰি বিমোৰত পৰিছে শিক্ষক শিক্ষয়িত্ৰী সকলৰ লগতে অভিভাৱক সকলো। শিক্ষক তথা ৰাইজৰ অভিযোগ শিক্ষা বিভাগৰ এই নিৰ্দেশনা যদি কাৰ্যকৰী হয় তেন্তে অঞ্চলটোৰ শিক্ষাৰ্থী সকল শিক্ষা গ্ৰহণৰ পৰা যে বঞ্চিত হ’ব ই নিশ্চিত।

আনহাতে ৰাইজৰ ত্যাগৰ বিনিময়ত গঢ়লৈ উঠা শিক্ষানুষ্ঠান খন চিৰদিনৰ বাবে নোহোৱা হৈ যোৱাটো কোনো কৰণতে মানি ল’ব পৰা নাই শিক্ষক-শিক্ষাৰ্থী সকলৰ লগতে অঞ্চলটোৰ ৰাইজে। শিক্ষাৰ্থী সকলৰ ভবিষ্যতৰ কথা ভাবি নিৰ্দেশনাটোক পুনৰ বিবেচনা কৰিবলৈ শিক্ষা বিভাগৰ প্ৰতি কাতৰ আহ্বান জনাইছে শিক্ষক, শিক্ষাৰ্থী সকলৰ লগতে অভিভাৱক সকলে।

এতিয়া প্ৰশ্ন শিক্ষা বিভাগত আমূল পৰিবৰ্তন হোৱা বুলি বৃহৎ পৰিমাণৰ ধন ব্যয় কৰি বিজ্ঞাপন প্ৰকাশ কৰাৰ সমান্তৰাল কৈ সভাই-সমিতিয়ে ডিঙিৰ শিৰ ফুলাই দম্ভালি মাৰি অহা মন্ত্ৰী হিমন্ত বিশ্ব শৰ্মাৰ বিয়াগোম শিক্ষা বিভাগে এই সকল দুৰ্ভগীয়া কণ কণ ছাত্ৰ-ছাত্ৰী তথা শিক্ষক-অভিভাৱকৰ কথা শুনিবলৈ আহৰি পাব নে?

আপুনি পঢ়ি ভাল পাব পৰা বাতৰি