শেহতীয়া খবৰ
ঢকুৱাখনাৰ লেচেৰা পথাৰত নৌ দুৰ্ঘটনা, কথমপি প্ৰাণ ৰক্ষা ৬ শিক্ষাৰ্থীৰ...  •  'গাধৰ দৰে কাম কৰিছে APCC য়ে'- সভাপতিৰ ঘোষণাৰ পিছতে বিস্ফোৰণ প্ৰাক্তন মন্ত্ৰী নীলমণিৰ  •  পুত্ৰৰ প্ৰহাৰত প্ৰাণ গ'ল ৯০ বছৰীয়া পিতৃৰ...  •  ধুবুৰী ছোৱালী মহাবিদ্যালয়ৰ অধ্যাপক গোপাল চন্দ্র মালাকাৰক গ্রেপ্তাৰ...  •  সময়মতে মথাউৰি নিৰ্মাণ নকৰাৰ বাবেই ভয়াৱহ ৰূপ ধাৰণ কৰিছে বান পানীয়ে- ৰিপুন বৰা...  •  প্ৰাক্তন মন্ত্ৰী নীলমণি সেন ডেকাক বহিষ্কাৰ...  •  নাহৰলগুণ কৃষ্টি কেন্দ্রৰ বিহু সন্মিলনঃ য়েছে দৰজে ঠংচি, ভুৱন শইকীয়া, মকবুল হুছেইনক সম্বর্ধনা….  •  নাহৰলগুণ কৃষ্টি কেন্দ্রৰ বিহু সন্মিলনঃ য়েছে দৰজে ঠংচি, ভুৱন শইকীয়া, মকবুল হুছেইনক সম্বর্ধনা….  •  ৰাষ্ট্ৰীয় কাৰাটে প্ৰতিযোগিতাত উজ্বলিল কলিয়াবৰৰ খেলুৱৈ...  •  ৰাষ্ট্ৰীয় কাৰাটে প্ৰতিযোগিতাত উজ্বলিল কলিয়াবৰৰ খেলুৱৈ...

অটিঙত সেনাৰ গণহত্যা ঘটনাৰ নাগালেণ্ড চৰকাৰৰ এছ আই টিৰ তদন্ত সম্পূৰ্ণ…


ডিজিটেল সংবাদ বেকাজানঃ ৪ ডিচেম্বৰৰ নাগালেণ্ডৰ ম’ন জিলাৰ অটিঙত ১৪ গৰাকী নিৰীহ নাগৰিকক সেনাই নৃশংসভাৱে হত্যা কৰা ঘটনাৰ তদন্তৰ বাবে নাগালেণ্ড চৰকাৰে গঠন কৰা এছ আই টিয়ে তেওঁলোকৰ তদন্ত সম্পূৰ্ণ কৰিছে । বুধবাৰে নাগালেণ্ডৰ মুখ্যমন্ত্ৰী নেইফিউ ৰিঅ’ৱে ক’হিমাত এক সংবাদমেলত এই কথা প্ৰকাশ কৰে।

মুখ্যমন্ত্ৰী নেইফিউ ৰিঅ’ৱে কয় যে অটিঙ গণহত্যাৰ তদন্ত এছ আই টিয়ে ইতিমধ্যে সম্পূৰ্ণ কৰিছে । এতিয়া মাত্ৰ ফৰেন্সিক পৰীক্ষাগাৰৰ প্ৰতিবেদনৰ বাবে অপেক্ষা কৰিছে । ৰিঅ’ৱে কয় অটিঙৰ ঘটনাৰ প্ৰতিবেদন ৰাজহুৱা কৰাৰ ক্ষেত্ৰত কিছু আইনগত দিশৰ কথা আছে ।

অৱশ্যে অটিঙত সংঘটিত গণহত্যাৰ সৈতে জড়িত সেনাৰ দলটোক নিলম্বন কৰা, নিহত ভুক্তভোগী পৰিয়াল আৰু আহতসকল উপযুক্ত ক্ষতিপূৰণ দিবলৈ কেন্দ্ৰীয় চৰকাৰৰ গৃহমন্ত্ৰ্যালয়ক অৱগত কৰাব । নাগালেণ্ডৰ পৰা আফস্পা আইন সম্পূৰ্ণকৈ বাতিল কৰাৰ সন্দৰ্ভত নেইফিউ ৰিঅ’ৱে কয় যে ৰাজ্য চৰকাৰে বিধানসভাত বিশেষ অধিবেশনৰ জৰিয়তে প্ৰস্তাব অনুমোদন কৰি কেন্দ্ৰলৈ প্ৰেৰণ কৰিছে ।

কেন্দ্ৰীয় চৰকাৰে ইতিমধ্যে পৰামৰ্শ সমিতি গঠন কৰি দিছে । সমিতিৰ নিৰ্দেশনা অনুসৰি চৰকাৰে অঞ্চল বিশেষ আফস্পা প্ৰত্যাহাৰ কৰিব । তেওঁ কয় সংসদত আফস্পা আইন বাতিল কৰা এক দীঘলীয়া প্ৰক্ৰিয়া । উল্লেখযোগ্য যোৱা ১০ জানুৱাৰীত আফস্পা বাতিলৰ দাবীত ডিমাপুৰৰ পৰা ক’হিমালৈ মৌন পদযাত্ৰা কাৰ্যসূচী ৰূপায়ণ কৰাৰ পিছতেই নাগালেণ্ডত পুনৰ জনতাৰ গৰ্জন আৰম্ভ হৈছে ।