শেহতীয়া খবৰ
কপাহেৰা আঞ্চলিক কবি সন্মিলনৰ বিশেষ কাৰ্যসূচী, বৰ অসমৰ শিক্ষামন্ত্ৰী শৰৎ চন্দ্ৰ গোস্বামী, বিশিষ্ট সমাজকৰ্মী ৰূপৰাম সূত স্মাৰক বক্তৃতা-কবিতা পাঠৰ অনুষ্ঠান  •  আজৰি নাই! ইমানেই আন্তৰিকতা অসমীয়াৰ প্ৰতি...  •  বনদস্যু বীৰাপ্পনাৰ কন্যাৰ বিজেপিত যোগদান  •  'পাকিস্তান জিন্দাবাদ’ ধ্বনি দিয়া অমূল্য লিয়োনাক হত্যা কৰিলে ১০ লাখ টকাৰ পুৰস্কাৰ দিব শ্ৰীৰাম সেনাৰ সদস্যই…  •  মাংস আৰু কণী আপোনাৰো প্ৰিয় নেকি? তেন্তে এবাৰ পঢ়ক এই বাতৰি...  •  বিশিষ্ট ফটো সাংবাদিক তৰণী কান্ত বৰ্মনৰ শেষকৃত্য ৰাজ্যিক মৰ্যদাৰে সম্পন্ন কৰাৰ নিৰ্দেশ মুখ্যমন্ত্ৰীৰ...  •  উৰিয়ামঘাটত পিষ্টলসহ এজনক আটক...  •  কোৰোনা ভাইৰাছৰ সন্ত্ৰাসঃ চীনৰ পাছতে অধিক ৰোগীৰ মৃত্যু হৈছে এইখন দেশত...  •  গুৱাহাটীৰ ৰাজপথত জলন্ত ১০৮ এম্বুলেঞ্চ...  •  গুৱাহাটীৰ ৰাজপথত জলন্ত ১০৮ এম্বুলেঞ্চ...

প্ৰায় ডেৰ বছৰৰ অন্তত মোডী-মমতাৰ সাক্ষাৎ…

1,211

ডিজিটেল ডেস্কঃ প্ৰায় ডেৰ বছৰৰ মূৰত প্ৰধানমন্ত্ৰী নৰেন্দ্ৰ মোডীক সাক্ষাতৰ বাবে মঙলবাৰে দিল্লীলৈ ৰাওনা হ’ব পশ্চিম বংগৰ মুখ্যমন্ত্ৰী মমতা বেনাৰ্জী। মমতা বেনাৰ্জীয়ে প্ৰধানমন্ত্ৰীক সাক্ষাত কৰাৰ সময় বিচাৰি পূৰ্বেই আবেদন জনাইছিল প্ৰধানমন্ত্ৰী কাৰ্যালয়ত। কিন্তু পি এম অ’ৰ পৰা কোনো উত্তৰ লাভ নকৰাত অনিশ্চয়তা বৃদ্ধি পায় মমতা বেনাৰ্জীৰ দিল্লী ভ্ৰমণত। শেহতীয়াকৈ প্ৰধানমন্ত্ৰী কাৰ্যালয়ৰ পৰা বুধবাৰে আবেলি ৪.৩০ বজাত সাক্ষাতৰ বাবে তেওঁক অনুমতি দিয়াত মঙলবাৰে দিল্লীত বাহৰ পাতি বুধবাৰে প্ৰধানমন্ত্ৰী নৰেন্দ্ৰ মোডীক সাক্ষাৎ কৰিব মমতা বেনাৰ্জীয়ে।

জানিব পৰা মতে, চলিত সপ্তাহতে বিদেশ ভ্ৰমণৰ বাবে ৰাওনা হ’ব প্ৰধানমন্ত্ৰী নৰেন্দ্ৰ মোডী। যাৰ পৰিপ্ৰেক্ষিতত সময়ৰ নাটনিৰ বাবে প্ৰথমতে মমতা বেনাৰ্জীক সাক্ষাতৰ অনুমতি প্ৰদান কৰা নাছিল প্ৰধানমন্ত্ৰী কাৰ্যালয়ে। কিন্তু পিছত বুধবাৰে আবেলি তেওঁ প্ৰধানমন্ত্ৰীক সাক্ষাৎ কৰিব পাৰিব বুলি জনোৱা হয় প্ৰধানমন্ত্ৰীৰ কাৰ্যালয়ৰ পৰা।

সূত্ৰৰ খবৰ অনুসৰি, মুখ্যমন্ত্ৰী মমতা বেনাৰ্জীয়ে প্ৰধানমন্ত্ৰীৰ সৈতে হোৱা সাক্ষাৎকালত ৰাজ্যৰ বকেয়া ঋণ আদায় দিয়া, উন্নয়ণমূলক প্ৰকল্পৰ কাম কাজত কেন্দ্ৰৰ সহযোগিতা বিচৰা আদি কেইবাটাও বিষয় সন্দৰ্ভত আলোচনা কৰিব। আনহাতে পশ্চিম বংগত বিজেপি-তৃণমূল কংগ্ৰেছৰ মাজৰ সংঘাতৰ মাজত প্ৰায় ডেৰ বছৰৰ মূৰত মমতা বেনাৰ্জীয়ে প্ৰধানমন্ত্ৰীক সাক্ষাৎ কৰাৰ বিষয়টো এতিয়া চৰ্চিত হৈ পৰিছে।

আপুনি পঢ়ি ভাল পাব পৰা বাতৰি