শেহতীয়া খবৰ
কামৰূপ (মঃ)ত লকডাউনৰ শিথিলতা সন্দৰ্ভত দেওবাৰে জনাব সবিশেষ, টুইটাৰযোগে ঘোষণা মুখ্য সচিবৰ...  •  জম্মু-কাশ্মীৰত নিৰাপত্তাৰক্ষীৰে সংঘৰ্ষত নিহত দুটা সন্ত্ৰাসবাদী...  •  ধেমাজিৰ প্ৰতিস্থিত ব্যৱসায়ী মনোজ চুতীয়াৰ মৃত্যু...  •  মণিপুৰত বিগত ২৪ ঘন্টাত কোৰোনাত আক্ৰান্ত হৈছে ৯জন লোক  •  চেঙাৰ ছাটাত ড্ৰাগছ ব্যৱসায়িক উত্তম মধ্যম দি ৰাইজে গতালে আৰক্ষীক, VIDEO  •  আনফৰ ফাউণ্ডেশ্যনৰ উদ্যোগত মোৰাঝাৰত ছেনিটাইজেশ্যন  •  সৰ্বানন্দ সোণোৱাল ৰাজহাড় নাইকীয়া মুখ্যমন্ত্ৰীঃ বিধায়ক জাকিৰ হুছেইন শিকদাৰ, VIDEO  •  শ্ৰীশ্ৰীগুৰু পূৰ্ণিমাত গুৰু বন্দনা কৰিবলৈ ৰাজ্যবাসীক আহ্বান শিশু শিক্ষা সমিতিৰ... VIDEO  •  দিল্লীত ৯৭ সহস্ৰাধিকলৈ বৃদ্ধি কোৰোনাত আক্ৰান্ত লোকৰ সংখ্যা, ২৪ ঘন্টাত ২৫০৫জনৰ দেহত কোভিড-১৯...  •  বিজেপি নিৰ্বাচন জয়ী হোৱাৰ যন্ত্ৰ নহয়ঃ প্ৰধানমন্ত্ৰী

মানুহ নে অসুৰ! হৰিণা নহয়, হাতীৰ মাংসৰে পাতিলে বৰভোজ…

1,465

ডিজিটেল ডেস্কঃ ৰাজ্যৰ পৰা হাতী বহিঃৰাজ্যলৈ চালান হোৱা সন্দৰ্ভত ধাৰাবাহিক খবৰ প্ৰকাশ পোৱাৰ পাছতেই আহিছে আন এক আচৰ্যজনক খবৰ অসমৰ পৰা নিয়া এজনী ৪৭ বছৰীয়া হাতীৰ মৃত্যু হোৱাৰ পাছতেই হাতী মাংসৰ মিজোৰামত একাংশ লোকে খোৱাৰ ঘটনা পোহৰলৈ আহিছে।

স্থানীয় সংবাদমাধ্যমৰ সূত্ৰত প্ৰকাশ পোৱা মতে, মিজোৰামৰ কানমুন ফৰেষ্ট ৰেঞ্জৰ কোৱাস্থা সংমণ্ডলত আছিল এই হাতীজনীৰ। এসপ্তাহৰ পূৰ্বে হাতীজনীৰ মৃত্যু হোৱাৰ পাছত মৃত হাতীজনীক পুতি থোৱাৰ বিপৰীতে শতাধিক লোকে হাতীজনীৰ মাংস ভক্ষণ কৰে।

স্থানীয় সংবাদমাধ্যমৰ খবৰ অনুসৰি, হাতীজনীৰ গৰাকী আছিল কাছাৰৰ সোণাইৰ মঃ মুস্তাফা আহমেদ লস্কৰ। তেওঁ হাতীজনীক লীজত দিছিল মিজোৰামৰ কানমুনৰ পু খুৱালহিনা নামৰ ব্যক্তিগৰাকীক। হৃদৰোগত আক্ৰান্ত হৈ হাতীজনীৰ মৃত্যু হোৱাৰ পাছতেই একাংশ ৰাইজে মিলি হাতীৰ মাংস কাটি ভোজ-ভাত খায়।

অসমৰ পৰা নিয়া এই ঘৰচীয়া হাতীজনীক মিজোৰামত কাটি ৰাজহুৱাকৈ খোৱা কাৰ্যই বন্যপ্ৰেমীকো আঁচৰিত কৰি তুলিছে। উল্লেখযোগ্য যে, এই হাতীজনীৰ নাম আছিল লক্ষ্মী। এই সন্দৰ্ভত বাংগালুৰুৰ এজন বন্যপ্ৰেমীয়ে বন আৰু পৰিৱেশ মন্ত্ৰণালয়ক অভিযোগো দাখিল কৰিছে।

সুপৰ্ণা গাংগুলী নামৰ বন্যপ্ৰেমীগৰাকীয়ে ঘৰচীয়া হাতীক অত্যাধিক বোজা দিয়াৰ ফলতেই মৃত্যু হোৱা সন্দৰ্ভত পূৰ্বতেও উচ্চতম ন্যায়ালয়ত এক গোচৰ ৰুজু কৰি থৈছিল। লক্ষণীয় যে, এই ঘটনা ৰাজহুৱাকৈ হোৱাৰ পাছতো মিজোৰামৰ বন বিভাগে হস্তীৰ মাংস ভক্ষণ কৰা সকলৰ বিৰুদ্ধে কোনো গোচৰ ৰুজু কৰা নাই।

ইফালে, মিজোৰামত কাঠ টানিবলৈ ব্যৱহাৰ কৰা এই হাতীজনীক প্ৰকৃত মালিকে লীজত দিবলৈ অসমৰ বন বিভাগৰ পৰা কোনো অনুমতি লোৱা নাই বুলিও জানিব পৰা গৈছে।

আপুনি পঢ়ি ভাল পাব পৰা বাতৰি