ডিজিটেল সংবাদ চৰাইদেউঃ বৃহস্পতিবাৰে চৰাইদেউ জিলাৰ বৃহত্তৰ মথুৰাপুৰ অঞ্চলৰ অন্যতম আগশাৰীৰ স্বেচ্ছাসেৱী অনুষ্ঠান মথুৰাপুৰ চ'ছিয়েল ৱেলফেয়াৰ গ্ৰুপৰ উদ্যোগত আৰু মথুৰাপুৰ প্ৰাথমিক স্বাস্থ্যকেন্দ্ৰৰ সহযোগত কোভিড ভেকচিন প্ৰদানৰ এক কাৰ্যসূচী ৰূপায়িত হয় ৷এই উপলক্ষত মথুৰাপুৰ ভকত গাঁও প্ৰাথমিক বিদ্যালয় প্ৰাংগনত পুৱা ১০ বজাৰ পৰা আৰম্ভ হোৱা কোভিড ভেকচিন প্ৰদান কাৰ্যসূচীত কোভিডৰ সম্পূৰ্ণ নীতি-নিৰ্দেশনা পালন কৰি এই ভেকচিন প্ৰদান কাৰ্যসূচী সম্পন্ন হয় ৷
এই কোভিড ভেকচিন প্ৰদান কাৰ্যসূচীত স্থানীয় দুই শতাধিক পুৰুষ-মহিলাক ভেকচিন প্ৰদান কৰা হয় ৷ উল্লেখযোগ্য যে ভেকচিন প্ৰদান কাৰ্যসূচীত অংশগ্ৰহণ কৰা স্বাস্থ্যকৰ্মী আৰু আশাকৰ্মী সকলক উদ্যোক্তা সকলে সম্বৰ্ধনা জনোৱাৰ লগতে কোভিডকালীন সময়ত তেওঁলোকে লোৱা অগ্ৰণী ভূমিকাৰ আন্তৰিক শলাগ লয় ৷
এই কাৰ্যসূচীত স্বেচ্ছাসেৱী অনুষ্ঠানটোৰ সদস্য ক্ৰমে প্ৰণৱ বৰগোহাঁই,বাসুদেৱ কুমাৰ,ৰজনী গগৈ,বিশ্ব গগৈ ,সীমান্ত গগৈ, ৰাধু চৌধুৰী, অৰ্ণৱ ৰাজকোঁৱৰ আৰু ৰঘু ৰাজকোঁৱৰ আদি উপস্থিত থাকি প্ৰয়োজনীয় সহযোগিতা আগবঢ়ায় ৷