শেহতীয়া খবৰ
দিল্লীৰ হিংসাত্মক কাৰ্যৰ বাবে প্ৰৰোচিত কৰাৰ অভিযোগত গ্ৰেপ্তাৰ কংগ্ৰেছৰ প্ৰাক্তন মহিলা কৰ্প’ৰেটৰক…  •  গুৰুতৰভাৱে অসুস্থ অখিল গগৈক কাৰাগাৰৰ পৰা প্ৰেৰণ গুৱাহাটী চিকিৎসা মহাবিদ্যালয়লৈ...  •  উন্নাও বলাৎকাৰ কাণ্ডৰ নিৰ্যাতিতাৰ পিতৃৰ হত্যা গোচৰ, শনিবাৰে আদালতে প্ৰদান কৰিব ৰায়...  •  কেনে আছে জুবিন? নেমকেয়াৰলৈ গৈ খবৰ ল’লে মুখ্যমন্ত্ৰীয়ে...  •  অশান্ত দিল্লীৰ ভিডিঅ’ হোৱাটছএপত কাৰোবালৈ প্ৰেৰণ কৰিছিল নেকি? ব্যৱস্থা ল’ব আৰক্ষীয়ে...  •  কৰ্কট ৰোগত আক্ৰান্ত শিশুসকলক লৈ বি বৰুৱা কৰ্কট প্ৰতিষ্ঠানৰ ব্যতিক্ৰমী প্ৰচেষ্টা...  •  পাকিস্তানী সেনাক আন্তঃৰাষ্ট্ৰীয় সন্ত্ৰাসবাদৰ অভিকেন্দ্ৰ আখ্যা দি কোনে আঁৰিলে পোষ্টাৰ…  •  ‘জুবিন গাৰ্গ মৰিলেও ভাল’ বুলি কৈ ৰোষত পৰিল নীৰৱ হাজৰিকা, মাতৃয়ে বিচাৰিলে ক্ষমা  •  শনিবাৰে স্বাক্ষৰিত হ’ব আমেৰিকা-তালিবানৰ মাজৰ শান্তি চুক্তি, ভাৰত হ’ব সাক্ষী  •  পুৱাই ভূমিকম্পৰ জোকাৰণি...

এইবাৰ ৰাজস্থানৰ পৰা ৰাজ্যসভাৰ প্ৰাৰ্থী হ’ব মনমোহন সিঙ, ১৩ আগষ্টত দাখিল কৰিব মনোনয়ন

297

ডিজিটেল ডেস্কঃ ৰাজস্থানৰ ৰাজ্যসভা নিৰ্বাচনৰ প্ৰাৰ্থীৰূপে ১৩ আগষ্টত মনোনয়ন পত্ৰ দাখিল কৰিব প্ৰাক্তন প্ৰধানমন্ত্ৰী তথা কংগ্ৰেছৰ জ্যেষ্ঠ নেতা ড০ মনমোহন সিঙে। যোৱা ২৪ জুনত ৰাজস্থানৰ বিজেপিৰ ৰাজ্যসভাৰ সাংসদ মদনলাল চাইনীৰ বিয়োগৰ পিছত খালী হৈ থকা আসনখনৰ বাবে অনুষ্ঠিত হ’বলগীয়া উপ নিৰ্বাচনৰ বাবে ইতিমধ্যে কংগ্ৰেছে ড০ সিঙৰ নাম ঘোষণা কৰিছে।

উল্লেখ্য যে, ইয়াৰ পূৰ্বে তিনিবাৰকৈ অসমৰ পৰা ৰাজ্যসভালৈ নিৰ্বাচিত হৈছিল ড০ মনমোহন সিং। কিন্তু ২০১৯ৰ অসমৰ ৰাজ্যসভা নিৰ্বাচনত তেওঁ প্ৰতিদ্বন্দ্বিতা কৰাৰ পৰা বিৰত থাকে। ইয়াৰ পিছতে ৰাজস্থানৰ পৰা ৰাজ্যসভাৰ উপ নিৰ্বাচনত প্ৰতিদ্বন্দিতাৰ বাবে কংগ্ৰেছ নেতৃত্বই জ্যেষ্ঠ নেতাগৰাকীৰ নাম ঘোষণা কৰে।

ইতিমধ্যে নিৰ্বাচন আয়োগে উপ নিৰ্বাচনৰ সময়সূচী ঘোষণা কৰিছে। ৭ আগষ্টত নিৰ্বাচন আয়োগে জাৰি কৰা অধিসূচনা অনুসৰি মনোনয়ন পত্ৰ দাখিলৰ অন্তিম তাৰিখ হৈছে ১৪ আগষ্ট। আনহাতে ২৬ আগষ্টত এই নিৰ্বাচন অনুষ্ঠিত হোৱাৰ সম্ভাৱনা আছে আৰু একে দিনাই নিৰ্বাচনৰ ফলাফল ঘোষণা কৰা হ’ব।

ইফালে ৰাজস্থানত কংগ্ৰেছৰ সংখ্যাগৰিষ্ঠতা থকালৈ চাই ৰাজ্যসভাৰ উপ নিৰ্বাচনত কংগ্ৰেছ প্ৰাৰ্থী ড০ মনমোহন সিং জয়ী হোৱাটো প্ৰায় নিশ্চিত বুলি কংগ্ৰেছে দাবী কৰিলেও আসনখন পূৰ্বে বিজেপিৰ দখলত থকাৰ বাবে প্ৰতিদ্বন্দ্বিতা তীব্ৰতৰ হোৱাৰ আশংকা কৰা হৈছে।

আপুনি পঢ়ি ভাল পাব পৰা বাতৰি