শেহতীয়া খবৰ
মানকাচৰৰ নিউ মাৰ্কেটত নিচা জাতীয় দ্ৰব্য সহ গ্ৰেপ্তাৰ এজন...  •  ভূমিকম্পই জোকাৰি গ'ল গুৱাহাটী...  •  বৰপেটাৰ কেওঁটকুছিত ভয়াবহ পথ দূৰ্ঘটনা,ট্ৰেন্সফৰ্মাৰ ভাঙিলে ব'লেৰ পিক আপ ভানে...  •  সন্মিলিত নাৰী শক্তি অসমৰ কেন্দ্ৰীয় সমিতিৰ প্ৰথম বাৰ্ষিক বিশেষ অধিৱেশন সামৰণি...  •  ১ মিনিটত ২৫ খবৰ...  •  নলবাৰীত হেমকোষপ্ৰাণ দেৱানন্দ বৰুৱাক স্মৰণ...  •  নলবাৰীৰ বালিকুছিত শ্ৰীশ্ৰীযোগেশ মন্দিৰ উদ্বোধন,দুশ গৰাকী জ্যেষ্ঠ নাগৰিকক সম্বৰ্ধনা...  •  ৩০ জনীয়া সদস্যৰে অন্তৱৰ্তীকালীন কমতাপুৰ স্বায়ত্ব শাসিত পৰিষদ গঠন...  •  টিহুৰ সুৰভি গোষ্ঠীৰ উদ্যোগত দুখন কাব্যগ্ৰন্থ উন্মোচন...  •  কাজিৰঙাত ভালুকৰ আক্ৰমণত অস্থায়ী বনকৰ্মী আহত

মঙলদৈৰ সৰুঠেকেৰাবাৰীত এল্ট’ৰ খুন্দাত নিহত এজন…

110

ডিজিটেল সংবাদ, মঙলদৈঃ মঙলদৈ ৰাস উৎসৱৰ সমীপৰ ৰাধাকৃষ্ণ মন্দিৰৰ কাষত ১৫ নং ৰাষ্ট্ৰীয়পথত ১৮ নবেম্বৰৰ নিশা প্ৰায় ১ বজাত এখন এল্ট’ গাড়ীৰ খুন্দা মাৰে মঙলদৈৰ নিকটবৰ্ত্তী সৰঠেকেৰাবাৰী ভাঙুৰীপাৰা গাৱঁৰ যাদৱ শৰ্মাৰ কনিষ্ঠ পুত্ৰ উৎপল শৰ্মা (চুমন)ক।

এল্ট’ গাড়ীৰ খুন্দাত যুৱকজন পথত পৰি যোৱাত প্ৰত্যক্ষ দৰ্শীয়ে স্হানীয় আৰক্ষী চকীত খবৰ কৰাত মঙলদৈ অসামৰিক চিকিৎসালয়ত চিকিৎসাৰ বাবে নিয়ে যদিও সংকটজনক অৱস্থাত মঙলদৈ অসামৰিক চিকিৎসালয় কৰ্তৃপক্ষই নিশাই এম্বুলেন্সেৰে গুৱাহাটী চিকিৎসা মহাবিদ্যালয়লৈ পঠাই দিয়ে৷

সেই মুহূৰ্তলৈকে যুৱক জনৰ অভিভাবকে ঘটনাৰ সবিশেষ একো জনা নাছিল৷ পিছদিনা অৰ্থাৎ ১৯ নবেম্বৰ তাৰিখেহে পৰিয়ালৰ সদস্যই গম পাই এই কথা। লগে লগে চুমনৰ পৰিয়ালক মঙলদৈ আৰক্ষী চকীৰ পৰা ফোন যোগে গুৱাহাটী চিকিৎসাৰ মহাবিদ্যালয় লৈ যাবলৈ কয়। পিতৃ যাদৱ শৰ্মাই গুৱাহাটী মেডিকেল কলেজ হাস্পতালত পুত্ৰৰ নিথৰ দেহ দেখি শোকত ভাগি পৰে।

মৰণোত্তৰ কৰাৰ পিচত যুৱক জনৰ মৃতদেহ বুধবাৰে ঘৰলৈ অনাত সৰঠেকেৰাবাৰী ,ভাঙুৰী পাৰা,ৰঙামাটি ,আউলাচৌকা অঞ্চলত গভীৰ শোকৰ ছাঁ পৰে ৷ ইফালে, নলবাৰীত ৰাস চাবলৈ ঘৰৰ পৰা ওলাই অহা যুৱক জন মঙলদৈ ৰাসোৎসৱৰ থলি কি দৰে পালে সেয়াও এক ৰহস্যৰ সৃষ্টি কৰিছে ।মঙলদৈ সদৰ আৰক্ষীৰ তৰফৰ পৰা যিখন এল্ট’ই যুৱক জনক খুন্দিয়াইছিল তাৰ তদন্ত কৰা হব বুলি দুৰ্ভগীয়া পৰিয়ালক আশ্বাস দিছে ৷

আপুনি পঢ়ি ভাল পাব পৰা বাতৰি