শেহতীয়া খবৰ
কোৰোনাত আক্ৰান্ত হৈ কি ক'লে ভাস্কৰজ্যোতি মহন্তই...  •  ট্ৰাম্প সংবাদ মেলত ব্যস্ত থকাৰ সময়তেই আমেৰিকাৰ হোৱাইট হাউচত গুলীবৰ্ষণ...  •  ধেমাজি টাউন ব্ল’ক কংগ্ৰেছৰ উদ্যোগত "পৰিবেশ প্ৰভাৱ নিৰূপন খচৰা ২০২০"ৰ বিৰুদ্ধে সজাগতামূলক সভা-মানৱ শৃংখল কাৰ্যসূচী...  •  ধেমাজি প্ৰেছ ক্লাৱত বিধায়ক ৰনোজ পেগুৰ সংবাদমেল...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  দেশৰ শীৰ্ষ ৫ ‘আৰ্ম ৰেছলাৰ’ৰ ভিতৰত স্থান লাভ অসমৰ সিদ্ধাৰ্থ মালাকাৰৰ...  •  ৰাজ্যত পুনৰ ২৯০০ জনৰ দেহত ধৰা পৰে কোভিড পজিটিভ, আক্ৰান্তৰ সংখ্যা ৬১,৭৩৭জনলৈ বৃদ্ধি...  •  প্ৰাক্তন ৰাষ্ট্ৰপতি প্ৰণৱ মুখাৰ্জীৰ মগজুৰ অস্ত্ৰোপচাৰ সম্পন্ন, ৰখা হৈছে ভেন্টিলেটৰ ছাপৰ্টত...  •  দূৰদৰ্শনত ‘শ্ৰীমন্ত শংকৰদেৱ’ ধাৰাবাহিকখনৰ সম্প্ৰচাৰ বন্ধৰ দাবী শ্ৰীমন্ত শংকৰদেৱ আন্তৰ্জাতিক মিছনৰ...  •  অসম সহ ৬ ৰাজ্যৰ বান পৰিস্থিতিৰ সন্দৰ্ভত মুখ্যমন্ত্ৰীৰে আলোচনা প্রধানমন্ত্ৰীৰ...

বালা থাকৰেৰ মৃত্যু বাৰ্ষিকীত শ্ৰদ্ধাঞ্জলি জনাওতে অস্বস্তিকৰ পৰিস্থিতিত ফড়নবিছ! শিৱসেনাৰ সমৰ্থকৰ শ্ল’গান- ‘চৰকাৰ কাৰ? …শিৱসেনাৰ…’

2,721

ডিজিটেল ডেস্কঃ বিজেপি-শিৱসেনাৰ মিত্ৰতাত ফাঁট মেলাৰ পিছতো দেওবাৰে শিৱসেনাৰ প্ৰতিষ্ঠাপক বালা চাহেব থাকৰেৰ সপ্তম মৃত্যু বাৰ্ষিকীত মহাৰাষ্ট্ৰৰ প্ৰাক্তন মুখ্যমন্ত্ৰী তথা বিজেপিৰ নেতা দেবেন্দ্ৰ ফড়নবিছে প্ৰয়াত নেতাগৰাকীক শ্ৰদ্ধাঞ্জলী জনাবলৈ নাপাহৰিলে। দেওবাৰে প্ৰাক্তন মুখ্যমন্ত্ৰীগৰাকীয়ে অইন বিজেপি নেতাৰ দৰেই শিৱাজী পাৰ্কত উপস্থিত হৈ বালা চাহেব থাকৰেৰ প্ৰতিমূৰ্তিত শ্ৰদ্ধাঞ্জলী জ্ঞাপন অৰ্পণ কৰে। অৱশ্যে সেই সময়ত কিছু অস্বস্তিকৰ পৰিস্থিতিৰো সন্মুখীন হ’বলগা হয় প্ৰাক্তন মুখ্যমন্ত্ৰী দেবেন্দ্ৰ ফড়নবিছ।

শিৱাজী পাৰ্কত প্ৰাক্তন মুখ্যমন্ত্ৰীগৰাকীয়ে প্ৰয়াত নেতা বালা চাহেব থাকৰেৰ প্ৰতিমূৰ্তিত শ্ৰদ্ধাঞ্জলি জ্ঞাপন কৰি উভতি অহাৰ সময়তে শিৱ সেনাৰ শতাধিক কৰ্মী-সমৰ্থকে তেওঁৰ বাট ভেটি শ্ল’গান আৰম্ভ কৰে। শিৱসেনাৰ সমৰ্থকসকলে দেবেন্দ্ৰ ফড়নবিছৰ সন্মুখতে ‘চৰকাৰ কাৰ… শিৱসেনাৰ… শিৱসেনাৰ’ শ্ল’গান দি পৰিৱেশ উত্তাল কৰি তোলে। পিছত ঘটনাস্থলীত উপস্থিত থকা আৰক্ষীয়ে পৰিস্থিতি চম্ভালি কোনোমতে প্ৰাক্তন মুখ্যমন্ত্ৰীগৰাকীক সেই ঠাইৰ পৰা গাড়ীৰে ৰাওনা কৰোৱায়।

উল্লেখ্য যে, মহাৰাষ্ট্ৰৰ ৰাজনৈতিক পৰিস্থিতিক লৈ শিৱসেনা আৰু বিজেপিৰ মাজৰ মিত্ৰতাত ফাঁট মেলাৰ পিছত শিৱসেনাৰ প্ৰতিষ্ঠাপক বালা চাহেব থাকৰেৰ সপ্তম মৃত্যু বাৰ্ষিকীত বিজেপিয়ে শ্ৰদ্ধাঞ্জলী জনাব নে নাই তাক লৈ চৰ্চা চলিছিল। কিন্তু পুৱাই প্ৰাক্তন মুখ্যমন্ত্ৰী দেবেন্দ্ৰ ফড়নবিছে টুইটযোগে বালা চাহেব থাকৰেক স্মৰণ কৰাৰ পিছতো সকলো চৰ্চাৰ ওৰ পৰে। দেবেন্দ্ৰ ফড়নবিছে পুৱা প্ৰয়াত নেতা বালা থাকৰেৰ ভাষণৰ কিয়দাংশ টুইত কৰি লিখে- ‘আমাৰ বাবে প্ৰেৰণাৰ স্ৰোত সদৃশ হিন্দু হৃদয়ৰ সম্ৰাত বালা চাহেব থাকৰেক শত সহস্ৰ প্ৰণিপাত জনাইছো।’

আপুনি পঢ়ি ভাল পাব পৰা বাতৰি