শেহতীয়া খবৰ
৮ বছৰে সম্পূৰ্ণ নহ'ল ৰৌতা-ওদালগুৰি সংযোগী পথ...  •  পাগলদিয়া নৈৰ বাঢ়নি পানীৰ তলত বুৰ গৈছে খৈৰকুছি প্ৰাথমিক বিদ্যালয়...  •  মাজুলীত নাও দুৰ্ঘটনা, সন্ধানহীন এজন, কথমপি প্ৰাণৰক্ষা দুজনৰ...  •  নলবাৰীত পৰিয়ালকেন্দ্ৰিক সংঘাত! ভাইবোৱাৰীক দাৰে আক্ৰমণ...  •  বাটগাঁৱত পথ দুৰ্ঘটনা, কথমপি প্ৰাণ ৰক্ষা চেঙা জিলা পৰিষদৰ সদস্যৰ...  •  শিৱসাগৰত ড্ৰাগছসহ ৩ যুৱক আটক...  •  নলবাৰীত বিদ্যুৎ খুঁটা ভাঙি কথমপি প্ৰাণৰক্ষা ছাত্ৰীৰ...  •  এন‌আৰচিৰ বায়'মেট্ৰিক প্ৰক্ৰিয়াৰ বাবে মুকলিকৈ ধনদাবী কৰ্মচাৰীৰ! VIDEO  •  শিলচৰ ষ্টেচনত ৰে’লৰ শৌচালয়ত অচিনাক্ত যুৱকৰ মৃতদেহ উদ্ধাৰ...  •  হাইলাকান্দিত ১০ কোটি টকাৰ হীৰাসহ দুগৰাকী মহিলাক গ্ৰেপ্তাৰ...

কৰ্ণাটকত বিজেপিৰ বিৰুদ্ধে একেলেগে যুঁজ দিব কংগ্ৰেছ-জেডিএছে, সম্পন্ন হ’ল আসনৰ ভাগ-বতোৱাৰা

229

ডিজিটেল ডেস্কঃ লোকসভা নিৰ্বাচনক কেন্দ্ৰ কৰি তৎপৰ হৈ পৰিছে ৰাজনৈতিক দল সমূহ। কোনে কাৰ সৈতে ক’ৰ পৰা নিৰ্বাচনত অৱৰ্তীৰ্ণ হ’ব তাক লৈ ইতিমধ্যে আৰম্ভ হৈছে আলোচনা। কৰ্ণাটকত বিজেপিক প্ৰতিহত কৰিবলৈ বিধানসভা নিৰ্বাচনৰ দৰেই লোকসভা নিৰ্বাচনতো একেলগে থিয় দিছে কংগ্ৰেছ আৰু জেডিএছ। বুধবাৰে দুই দলৰ মাজত অনুষ্ঠিত এক বৈঠকৰ পিছতে নিশ্চিত হৈ পৰে দুয়োটা দলৰ মিত্ৰতা। বৈঠকৰ অন্তত কৰ্ণাটকৰ মুঠ ২৮ খন লোকসভা আসনৰ ২০ খনত কংগ্ৰেছে আৰু ৮ খনত জেডিএছে প্ৰাৰ্থিত্ব প্ৰদান কৰাৰ সিদ্ধান্ত লয়। অৱশ্যে এতিয়াও এই আসনৰ ভাগ বতোৱাৰা সন্দৰ্ভত ৰাজহুৱা ঘোষণা কৰা নাই দুয়োটা দলে। জানিব পৰা মতে, অহা ১৫ মাৰ্চত কংগ্ৰেছ অধ্যক্ষ ৰাহুল গান্ধীৰ সৈতে আলোচনাৰ পিছতে এই কথা ঘোষণা কৰা হ’ব।

উল্লেখ্য যে, বিগত দীৰ্ঘ সময় ধৰি লোকসভা নিৰ্বাচনত আসনৰ ভাগ বতোৱাৰক লৈ কংগ্ৰেছ আৰু জেডিএছৰ মাজত এক শীতল যুদ্ধৰ সৃষ্টি হৈছিল। লোকসভাত জেডিএছে ১০ টা সমষ্টি দাবী কৰাৰ বিপৰীতে কংগ্ৰেছে মাত্ৰ ৬ টা সমষ্টি প্ৰদান কৰিবলৈ ইচ্ছুকতা প্ৰকাশ কৰাক লৈয়ে দুয়োটা দলৰ মাজত সৃষ্টি হৈছিল মতানৈক্যৰ।

কিন্তু অৱশেষত বুধবাৰে হোৱা আলোচনাৰ পিছতে জেডিএছে ৮ খন আসনত প্ৰাৰ্থী প্ৰদান কৰাৰ বাবে মান্তি হয়। ইফালে, অতি শীঘ্ৰে দুয়োটা দলেই নিজৰ নিজৰ প্ৰাৰ্থীৰ তালিকা ঘোষণা কৰিব বুলি জানিব পৰা গৈছে।

আনফালে কংগ্ৰেছ-জেডিএছৰ মিত্ৰতা সন্দৰ্ভত কৰ্ণাটকৰ প্ৰাক্তন মুখ্যমন্ত্ৰী তথা বিজেপি নেতা বি এছ য়েদেয়াৰুপ্পাই প্ৰতিক্ৰিয়া ব্যক্ত কৰি কয় যে এই মিত্ৰতা বিজেপিৰ পৰাভূত কৰিব পৰাকৈ শক্তিশালী নহয়। ৰাজ্যখনৰ ২৮ টা সমষ্টিৰ ভিতৰত ২২ টাতেই বিজেপি প্ৰাৰ্থী জয়ী হ’ব বুলি দাবী কৰে প্ৰাক্তন মুখ্যমন্ত্ৰীগৰাকীয়ে।

আপুনি পঢ়ি ভাল পাব পৰা বাতৰি