শেহতীয়া খবৰ
স্পেনিছ গাৰ্ডেনত উপস্থিত হৈ কি ক'লে কামৰূপ মহানগৰৰ উপায়ুক্ত বিশ্বজিৎ পেগুৱে, VIDEO  •  চেঙাৰ ৰৌমাৰী গাঁৱত অগ্নিকাণ্ডত ক্ষতিগ্ৰস্ত পৰিয়ালক বিভিন্নজনৰ সহায়ৰ হাত  •  দলৰ জন্মদিনত প্ৰতিজন কাৰ্যকৰ্তাই দৰিদ্ৰ লোকক সহায় কৰো আহকঃ বিজেপিৰ জন্মদিনত প্ৰধানমন্ত্ৰী নৰেন্দ্ৰ মোডী  •  স্পেনিছ গাৰ্ডেনত কামৰূপ মহানগৰৰ উপায়ুক্ত বিশ্বজিৎ পেগু  •  চামগুৰিত এম্বুলেঞ্চলৈ শিলগুটি নিক্ষেপ  •  কি খাইছে ঘৰৰ ভিতৰতে আবদ্ধ স্পেনিছ গাৰ্ডেনৰ বাসিন্দাসকলে, VIDEO  •  কি খাইছে ঘৰৰ ভিতৰতে আবদ্ধ স্পেনিছ গাৰ্ডেনৰ বাসিন্দাসকলে, VIDEO  •  পিছ পৰি নাথাকিল আৰক্ষী আয়ুক্তৰ জীয়াৰী, ৰাজপথলৈ ওলাই আহি বিলালে খাদ্য...  •  পিছ পৰি নাথাকিল আৰক্ষী আয়ুক্তৰ জীয়াৰী, ৰাজপথলৈ ওলাই আহি বিলালে খাদ্য...  •  স্পেনিছ গাৰ্ডেনলৈ আহিব মন্ত্ৰী হিমন্ত বিশ্ব শৰ্মা

মৃত্যু হ’ল উমানন্দত থকা একমাত্ৰ সোণালী বান্দৰটোৰ…

320

ডিজিটেল ডেস্কঃ উমানন্দত থকা একমাত্ৰ দুষ্প্ৰাপ্য সোণালী বান্দৰটো আৰু নাই। ২২ ফেব্ৰুৱাৰীত নদীদ্বীপটোত থকা এই সোণালী বান্দৰটোৰ মৃত্যু হৈছে। জানিব পৰা মতে, উমানন্দত একাধিক সোণালী বান্দৰ আছিল যদিও আনবোৰ বান্দৰৰ মৃত্যু হোৱাত এই বান্দৰটোৱেই অকলশৰে বাস কৰিছিল।

দৰ্শকৰ আকৰ্ষণৰ কেন্দ্ৰবিন্দু আৰু দুষ্প্ৰাপ্য এই সোণালী বান্দৰটোৰ কি কাৰণত মৃত্যু হ’ল, সেয়া জানিব পৰা হোৱা নাই যদিও স্থানীয় লোকৰ মতে, অকলশৰীয়া এই সোণালী বান্দৰটোৱে দীৰ্ঘ সময় ধৰি নিসংগ হৈ আছিল।

এই নদীদ্বীপটোত এসময়ত যথেষ্ট সংখ্যক সোণালী বান্দৰ আছিল। ২০১১ চনত সেই সোণালী বান্দৰৰ সংখ্যা ৭টালৈ হ্ৰাস পাইছিল। তাৰে ২টা সোণালী বান্দৰ সেই বৰ্ষত উমানন্দৰ পৰা অসম ৰাজ্যিক চিৰিয়াখানালৈ বংশ বৃদ্ধিৰ বাবে লৈ অহা হৈছিল। পৰৱৰ্তী সময়ত ৪ টা বান্দৰৰ মৃত্যু হৈছিল যদিও এই সোণালী বান্দৰটোক বন বিভাগে ধৰিবলৈ অক্ষম হয়।

ভূটান আৰু পশ্চিম অসমত সোণালী বান্দৰ এসময়ত পোৱা গৈছিল। কিন্তু লাহে লাহে এই প্ৰজাতি লুপ্ত হ’বলৈ ধৰে। উমানন্দত থকা একমাত্ৰ সোণালী বান্দৰটোৰ মৃত্যু হোৱাত এতিয়া শোকৰ ছাঁ পৰিছে প্ৰকৃতিপ্ৰেমী সকলৰ মাজত।

আপুনি পঢ়ি ভাল পাব পৰা বাতৰি