ডিজিটেল সংবাদ, লামডিংঃ পূৱ লামডিং গাওঁ পঞ্চায়তৰ অধীনস্থ নতুন বস্তিৰ এটা পথৰ দুৰাৱস্থাৰ বাবে দেওবাৰে স্থানীয় ৰাইজ আৰু শিশুসকলে অভিনৱ প্ৰতিবাদ সাব্যস্ত কৰে। পথছোৱাৰ ওপৰতে গছপুলি ৰুই তেওঁলোকে প্ৰতিবাদ কৰে৷ নতুন বস্তিৰ ৰাইজে অভিযোগ কৰা মতে নতুনকৈ গঠন হোৱা পঞ্চায়তৰ সদস্যৰ লগতে লামডিঙৰ বিধায়ক শিবু মিশ্ৰয়ো এই পথছোৱা উন্নীত কৰাত কোনো গুৰুত্ব প্ৰদান কৰা নাই ৷ সামান্য বৰষুণ পৰিলেই পথচোৱা বোকা পানীৰে ভৰা পথাৰ সদৃশ হৈ পৰে৷
আনফালে পথচোৱাৰে প্ৰতিদিনে যাতায়ত কৰা বিদ্যালয়ৰ ছাত্ৰ-ছাত্ৰীও অতিষ্ঠ হৈ পৰিছে পথচোৱাৰ দুৰাৱস্থাৰ বাবে৷ সেয়েহে উপায়হীন হৈ দেওবাৰে বিদ্যালয়ৰ ছাত্ৰ-ছাত্ৰীসকলৰ লগতে গাঁৱৰ ৰাইজে প্ৰতিবাদত নামি পৰে৷ লগতে তেওঁলোকে লামডিঙৰ বিধায়কগৰাকীক অনুৰোধ জনাইছে যে, অতি সোনকালে তেওঁলোকৰ পথটো মেৰামতি কৰিবলৈ৷
