ভাৰতৰ অবিহনে বিশ্ব আগবাঢ়িব নোৱাৰেঃ জাৰ্মানীৰ প্ৰাক্তন ৰাষ্ট্ৰদূত....

ডিজিটেল ডেস্কঃ  ভাৰতত জাৰ্মানীৰ প্ৰাক্তন ৰাষ্ট্ৰদূত ৱালটাৰ জে লিণ্ডনাৰে তেওঁৰ নতুন গ্ৰন্থখনত ভাৰতৰ বৰ্ধিত বিশ্ব প্ৰভাৱৰ বিষয়ে আলোচনা কৰিছে। তেওঁ ভাৰতৰ কোমল শক্তিৰ পৰা বৈদেশিক নীতিত অধিক আত্মবিশ্বাসী ভূমিকালৈ পৰিৱৰ্তন, মহাশক্তিৰ মাজত ভাৰসাম্য ৰক্ষা আৰু গ্ল’বেল চাউথৰ নেতৃত্ব দিয়াৰ ওপৰত আলোকপাত কৰে। লিণ্ডনাৰে ভাৰতৰ আধ্যাত্মিক আৰু পৰ্যটন প্ৰতিচ্ছবিৰ বাহিৰেও ভাৰতৰ জটিল আৰু বহুমুখী প্ৰকৃতিক বুজি পোৱাৰ প্ৰয়োজনীয়তাৰ ওপৰত গুৰুত্ব আৰোপ কৰিছে।

যেতিয়া এখন দেশৰ ওপৰত কিতাপ প্ৰকাশ পাবলৈ আৰম্ভ কৰে । তেতিয়াই সেই দেশৰ অৰ্থনীতিয়ে কিবা এটা সঠিক কাম কৰি আছে বুলি অনুমান কৰিব পাৰি । নবৈৰ দশকৰ আৰম্ভণিতে যেতিয়া চীনৰ বৃদ্ধিৰ ধাৰাবাহিকতা আৰম্ভ হৈছিল, তেতিয়া ইয়াৰ অৰ্থনৈতিক উত্থানৰ দিশতো বহু কিতাপ প্ৰকাশ পাইছিল । এতিয়া যেতিয়া ভাৰত দৃঢ়ভাৱে বিশ্বৰ চৰ্চাত আছে।  স্বাভাৱিকতেই ভাৰতৰ বিষয়ে অধিক জানিবলৈ বিশ্ববাসীৰ মাজত আগ্ৰহ প্ৰকাশ পাইছে।

ৰাষ্ট্ৰদূত ৱালটাৰ জে লিণ্ডনাৰে তেওঁৰ গ্ৰন্থত উল্লেখ কৰিছে যে ভাৰত এখন শান্তি প্ৰিয় দেশ । গান্ধীৰ সময়ৰ পৰা আৰম্ভ কৰি ইন্দিৰা গান্ধী আৰু নৰেন্দ্ৰ মোডীৰ সময়তো ভাৰতে ভাল কাম কৰিছে। ইউক্ৰেইন আৰু গাজাই প্ৰমাণ কৰে যে ভাৰত এনে কেইখনমান দেশৰ ভিতৰত অন্যতম যাৰ সকলো পক্ষৰ লগত ভাল সম্পৰ্ক আছে । ভাৰতে সকলোৰে লগত ভাৰসাম্য ৰক্ষা কৰিবলৈ সক্ষম হয়। পশ্চিমীয়া দেশসমূহে ভাৰতক নিজৰ শিবিৰলৈ টানি আনি ৰাষ্ট্ৰসংঘ আৰু অন্যান্য স্থানত একেধৰণৰ ভোটদান কৰিবলৈ হেঁচা প্ৰদান কৰে যদিও ভাৰত নিজৰ প্ৰতি সত্যতাৰে আছে।