লংকাত চুৰিকাণ্ড: লুটি নিয়ে লক্ষাধিক টকাৰ সামগ্ৰী

লংকাৰ ৫ নং ৱাৰ্ড ফৰেষ্ট গেটত মঙলবাৰে নিশা চুৰিকাণ্ডৰ ঘটনা সংঘটিত হয়।

ভূপেন বৰা নামৰ এজন গ্ৰীলৰ ব্যৱসায়ীৰ দোকানত চুৰে লুটপাত চলাই ওৱেল্ডিং মেচিনসহ লক্ষাধিক টকাৰ সা-সামগ্ৰী চুৰি কৰি লৈ যায়।

চোৰে কেচ বক্সত থকা নগদ ১৫ হাজাৰ টকাও লুটি নিয়ে।

বুধবাৰে পুৱা ১১:৩০ মান বজাত ব্যৱসায়ীজনে দোকান খুলিবলৈ আহি প্ৰত্যক্ষ কৰে চুৰিকাণ্ডৰ ঘটনা।

বৰ্তমান ব্যৱসায়ীজনে চুৰিকাণ্ডৰ সন্দৰ্ভত লংকা আৰক্ষী থানাত এজাহাৰ দাখিল কৰিছে।