২০৩০ চনৰ ভিতৰত ভাৰতৰ জিডিপিত ১০০বিলিয়ন ডলাৰ যোগ দিব ষ্টাৰ্ট আপে

ডিজিটেল ডেস্কঃ  ভাৰতৰ অৰ্থনৈতিক বিকাশত ষ্টাৰ্ট আপৰ অৱদান প্ৰশংসনীয় । ষ্টাৰ্ট আপে ভাৰতৰ জিডিপিৰ উত্থানত অভূতপূৰ্ব বৰঙণি যোগাই আহিছে । বিশেষকৈ বিগত কিছু বছৰৰ পৰা ইয়াৰ প্ৰভাৱ স্পষ্টৰূপে প্ৰতিফলিত হয় ।

ষ্টাৰ্ট-আপসমূহে ভাৰতৰ অৰ্থনৈতিক বিকাশৰ চালিকা শক্তি হিচাপে স্থান লাভ কৰিছে। বেংগালুৰুস্থিত ভেঞ্চাৰ কেপিটেল প্ৰতিষ্ঠান কালাৰী কেপিটেলে শেহতীয়া প্ৰতিবেদনত প্ৰকাশ কৰা অনুসৰি ২০৩০ চনৰ ভিতৰত দেশৰ ষ্টাৰ্টআপসমূহে মুঠ ঘৰুৱা উৎপাদনত ১২০ বিলিয়ন ডলাৰ আগবঢ়াব পাৰিব।  যিটো বৰ্তমানৰ স্তৰৰ তুলনাত প্ৰায় ৩.৫গুণ বৃদ্ধি ।

২০২৩ চনত ভাৰতীয় ষ্টাৰ্ট-আপে দেশৰ জিডিপিত ৩৫ বিলিয়ন ডলাৰৰ বৰঙণি আগবঢ়াইছে। এই সংখ্যা ২০৪৭ চনৰ ভিতৰত আৰু ১.৬ ট্ৰিলিয়ন ডলাৰলৈ বৃদ্ধি পাব পাৰে, য’ত ভাৰতে ৩৫ ট্ৰিলিয়ন ডলাৰৰ অৰ্থনীতিৰে উন্নত ৰাষ্ট্ৰ হোৱাৰ কল্পনা কৰিছে। যদি আমি উন্নত ৰাষ্ট্ৰৰ কথা কওঁ তেন্তে টেক ষ্টাৰ্ট-আপৰ জিডিপিত অৱদান প্ৰায় ৫-১০ শতাংশ।

এই উদ্যোগসমূহে ভাৰতীয়সকলৰ বাবে নতুন-ডিজিটেল জীৱনশৈলীৰ সংজ্ঞা দিছে, যিটো খাদ্য, শিক্ষা, স্বাস্থ্য, বিত্ত আদিৰ দৰে খণ্ডসমূহৰ ভিতৰত উদীয়মান প্ৰযুক্তিৰ দ্বাৰা পৰিচালিত হৈছে।

ইয়াৰে ২০৩০ চনৰ ভিতৰত এডটেক বজাৰখন ২০ শতাংশ বৃদ্ধি পাব বুলি আশা কৰা হৈছে। এই বৃদ্ধিৰ ট্ৰেজেক্টৰীক সমৰ্থন কৰি এডটেক ষ্টাৰ্ট-আপসমূহে আজিলৈকে বিনিয়োগকাৰীৰ পৰা ১২ বিলিয়ন ডলাৰতকৈ অধিক ধন সংগ্ৰহ কৰিছে। আনহাতে, ভাৰতত ডিজিটাইজেচন বৃদ্ধিৰ বাবে হেল্থটেক ষ্টাৰ্ট-আপসমূহে ৭ বিলিয়ন ডলাৰৰ ধন সংগ্ৰহ কৰিছে। ২৬টা ইউনিকৰ্ণ থকা ফিনটেক খণ্ডটোৱে অহা তিনি বছৰত পাঁচগুণ বৃদ্ধি পোৱাৰ সম্ভাৱনা আছে।