আৰ এন ৰবিৰ নগা শান্তি আলোচনাৰ মধ্যস্ততাকাৰী পদৰ পৰা পদত্যাগ…

আৰ এন ৰবিৰ নগা শান্তি আলোচনাৰ মধ্যস্ততাকাৰী পদৰ পৰা পদত্যাগ…

ডিজিটেল সংবাদ, বেকাজানঃ ২০১৪ চনৰ পৰা নগা শান্তি আলোচনাৰ মধ্যস্ততাকাৰীৰ ভূমিকা পালন কৰি অহা নাগালেণ্ডৰ পূৰ্বৰ ৰাজ্যপাল আৰ এন ৰবিয়ে আজি তেওঁৰ পদৰ পদত্যাগ কৰিছে । যোৱা ৯ ছেপ্টেম্বৰত আৰ এন ৰবিক তামিলনাডুৰ ৰাজ্যপাল হিচাবে নাগালেণ্ডৰ পৰা বদলি কৰা হৈছিল ।

আজি ৰবিয়ে প্ৰেৰণ কৰা পদত্যাগ পত্ৰ কেন্দ্ৰীয় গৃহ মন্ত্ৰ্যালয় ৰবিৰ কৰিছে । উল্লেখযোগ্য যে এন এছ চি এন মুৰব্বী থুইংগালেং মুইভাৰ সৈতে মতবিৰোধ হোৱাত মুইভাই ২০২০ চনত প্ৰধানমন্ত্ৰী নৰেন্দ্ৰ মোডীলৈ পত্ৰ লিখি ৰবিক মধ্যস্ততাকাৰী পদৰ আঁতৰাবলৈ আহবান জনাইছিল ।

মুইভাৰ পত্ৰৰ পিছতে প্ৰধানমন্ত্ৰী মোডীয়ে কেন্দ্ৰীয় গৃহী সচিব জৰিয়তে আৰ এন ৰবিৰ ঠাইত পূৰ্বৰ চোৰাংচোৱা বিভাগৰ অতিৰিক্ত সঞ্চালক অক্ষয় কুমাৰ মিশ্ৰক আলোচনা আগবঢ়াই নিবলৈ কৰ্তত্ব প্ৰদান কৰে । ইয়াৰ পিছতে যোৱা ২০ ছেপ্টেম্বৰত ডিমাপুৰত উপস্থিত হৈ এ কে মিশ্ৰই থুইংগালেং মুইভাৰ সৈতে স্তব্ধ হৈ পৰা শান্তি আলোচনা কৰাৰ পিছতে আজি এনেদৰে আৰ এন ৰবিয়ে নিজৰ মধ্যস্ততাকাৰী পদৰ পৰা পদত্যাগ কৰে ।

Related Stories

No stories found.
Asomiya Pratidin
www.asomiyapratidin.in