৩দিন কংগ্ৰেছত থাকি ফেচবুকত ক্ষোভ ভৰা পোষ্ট লিখি ৰেজাউলে এৰিলে ৰাজনীতি...

ডিজিটেল ডেস্কঃ সুখকৰ নহ'ল আমছুৰ নেতা ৰেজাউল কৰিমৰ ৰাজনৈতিক যাত্ৰা।  আৰম্ভণিৰ দিনটোতে বিৰ্তকিত মন্তব্য প্ৰদান কৰি সকলোৰে ৰোষত পৰা ৰেজাউল কৰিমে অৱশেষত ত্যাগ কৰিলে কংগ্ৰেছ। ভোগালী বিহুৰ দিনটোতে অসম প্ৰদেশ কংগ্ৰেছৰ সভাপতি গৌৰৱ গগৈলৈ পদত্যাগ পত্ৰ প্ৰেৰণ কৰিলে ৰেজাউলে। 

ন কংগ্ৰেছী ৰেজাউলে কংগ্ৰেছৰ প্ৰাথমিক দলৰ সদস্যতা এৰাৰ কথাও সদৰি কৰেল গৌৰৱ গগৈক। আনহাতে গৌৰৱ গগৈলৈ প্ৰেৰণ কৰা পত্ৰত বিৰোধী দলৰ দলপতি দেৱব্ৰত শইকীয়া আৰু প্ৰদ্যুৎ বৰদলৈৰ বিৰুদ্ধে ক্ষোভ উজাৰিলে ৰেজাউলে।  সামাজিক মাধ্যমত ৰেজাউলে ক্ষোভ ব্যক্ত কৰি লিখিছে এনেদৰে-  সংখ্যালঘু ৰাইজৰ মুখৰ পিনে চাই, কোনোদিনেই মেৰুদণ্ড বেঁকা নকৰাকৈ, জাতিটোৰ স্বাৰ্থত, জাতিটোৰ মেৰুদণ্ড পোনকৈ থিয় কৰাই ৰখাটো মোৰ ৰাজনৈতিক যাত্ৰাৰ একমাত্ৰ লক্ষ্য আছিল । বিধায়ক বা নেতা হোৱা মোৰ মূল লক্ষ্য নাছিল। সেয়ে মুখ্যমন্ত্ৰী হিমন্ত বিশ্ব শৰ্মা ডাঙৰীয়া আৰু বিজেপিৰ এজেণ্ট দেৱব্ৰত শইকীয়া ডাঙৰীয়াৰ সৈতে মোৰ ৰাজনৈতিক যাত্ৰা কোনোপধ্যেই সম্ভৱ নহ’ল।