হাইস্কুল শিক্ষান্ত পৰীক্ষা ৩টা স্থানৰ ভিতৰত দুটা স্থান দখলেৰে উজলিল যোৰহাটৰ প্ৰজ্ঞা একাডেমী...

ডিজিটেল ডেস্ক : জিলিকি উঠিল যোৰহাটৰ প্ৰজ্ঞা একাডেমী। যোৰহাটৰ এই বিদ্যালয়খনৰ পৰা দুগৰাকী শিক্ষাৰ্থীয়ে ক্ৰমে প্ৰথম আৰু তৃতীয় স্থান লাভ কৰিবলৈ সক্ষম হৈছে। এই খবৰ লাভ কৰাৰ পাছতে বিদ্যালয়খনতে নহয়, সমগ্ৰ জিলাখনতে এক উচৱমুখৰ পৰিৱেশে বিৰাজ কৰে। 

 উল্লেখযোগ্য যে, প্ৰথম স্থান লাভ কৰা অমিশী শইকীয়াই মুঠ নম্বৰ ৬০০ ৰ ভিতৰত ৫৯১ নম্বৰ আৰু অনিৰ্বাণ বৰগোহাঁয়ে ৫৮৯ নম্বৰ লাভ কৰি এই সফলতা কঢ়িয়াই আনে বিদ্যালয়খনলৈ। একেই উচৱমুখৰ পৰিৱেশ দেখা পোৱা গল নুনমাটিৰ অসম জাতীয় বিদ্যালয়তো।

 এই ফলাফল লাভ কৰাৰ পাছত জাতীয় বিদ্যালয় চৌহদত বহু অভিভাৱক আৰু ছাত্ৰ- ছাত্ৰীয়ে উচৱমুখৰ পৰিৱেশ সৃষ্টি কৰে। উল্লেখযোগ্য যে, এইবাৰ হাইস্কুল শিক্ষান্ত পৰীক্ষাত উত্তীৰ্ণৰ হাৰ ৬৩.৯৮ শতাংশ। ছাত্ৰৰ উত্তীৰ্ণৰ হাৰ ৬৭.৫৯ শতাংশ আৰু ছাত্ৰীৰ উত্তীৰ্ণৰ হাৰ ৬১.০৯শতাংশ।