আমি একেলগে অষ্টলক্ষ্মীৰ জৰিয়তে নতুন ভৱিষ্যত লিখিব লাগিবঃ মোদী

ডিজিটেল ডেস্কঃ  শুকুৰবাৰে দিল্লীৰ ভাৰত মণ্ডপামত ৩দিনীয়া অষ্টলক্ষ্মী মহোৎসৱৰ শুভাৰম্ভ কৰে প্ৰধানমন্ত্ৰী নৰেন্দ্ৰ মোদীয়ে। তেওঁ কয় যে দিল্লী আজি উত্তৰ-পূৰ্বাঞ্চলৰ দৰে হৈ পৰিছে। উত্তৰ-পূৰ্বাঞ্চলৰ বৈচিত্ৰময় ৰঙে ৰাষ্ট্ৰীয় ৰাজধানীত এক সুন্দৰ ৰামধেনুৰ সৃষ্টি কৰিছে। প্ৰথম অষ্টলক্ষ্মী মহোৎসৱত তিনিদিনৰ বাবে সমগ্ৰ দেশ আৰু বিশ্বই দেখা পাব উত্তৰ-পূৰ্বাঞ্চলৰ সম্ভাৱনীয়তা। ইয়াত বাণিজ্য আৰু ব্যৱসায়ৰ সৈতে জড়িত চুক্তি হ’ব।

লগতে কয় যে,উত্তৰ-পূৰ্বাঞ্চলৰ উৎপাদিত সামগ্ৰীৰ সৈতে বিশ্ব পৰিচিত হ’ব। এইটোৱেই প্ৰথম আৰু অনন্য অনুষ্ঠান। ইয়াৰ ফলত উত্তৰ-পূবত বৃহৎ পৰিসৰত বিনিয়োগৰ দুৱাৰ মুকলি হৈছে। উত্তৰ-পূৰ্বাঞ্চলৰ লগতে সমগ্ৰ বিশ্বৰ বিনিয়োগকাৰীৰ বাবে এই সুযোগ। অষ্টলক্ষ্মী মহোৎসৱৰ আয়োজক, উত্তৰ-পূৰ্বাঞ্চলৰ সকলো ৰাজ্যৰ বাসিন্দা আৰু ইয়ালৈ অহা সকলো বিনিয়োগকাৰী আৰু অতিথিলৈ অভিনন্দন জনাইছো।

প্ৰধানমন্ত্ৰী মোদীয়ে কয় যে, যোৱা ১০০-২০০ বছৰত আমি পশ্চিমীয়া বিশ্বৰ উত্থান দেখিবলৈ পাইছো। পশ্চিমীয়া অঞ্চলে প্ৰতিটো অৰ্থনৈতিক, সামাজিক আৰু ৰাজনৈতিক পৰ্যায়তে বিশ্বত নিজৰ চিন ৰাখিছিল। ভাৰততো দেশৰ উন্নয়ণ যাত্ৰাত পশ্চিম অঞ্চলে ডাঙৰ ভূমিকা পালন কৰিছে। 

মই বিশ্বাস কৰোঁ যে ভাৰতৰ আগন্তুক সময়ো পূব ভাৰতৰ। যোৱা দশকবোৰত আমি বাংগালুৰু, মুম্বাই, হায়দৰাবাদ, আহমেদাবাদ, দিল্লী, চেন্নাই আদি বৃহৎ চহৰৰ উত্থান দেখিবলৈ পাইছো। আগন্তুক দশকত আমি আগৰতলা, গুৱাহাটী, গেংটক, আইজল, শ্বিলং, ইটানগৰ, কোহিমাৰ দৰে চহৰৰ নতুন সম্ভাৱনা দেখিবলৈ পাম। ইয়াত অষ্টলক্ষ্মীৰ দৰে অনুষ্ঠানে ডাঙৰ ভূমিকা ল’ব।

প্ৰধানমন্ত্ৰীয়ে কয় যে, আমি উত্তৰ-পূৰ্বাঞ্চলক আৱেগ, অৰ্থনীতি আৰু পৰিৱেশ বিজ্ঞানৰ সৈতে সংযোগ কৰিছো। ইয়াত আমি কেৱল আন্তঃগাঁথনি কৰাই নহয়, ভৱিষ্যতৰ বাবেও এক শক্তিশালী ভেটি গঢ়ি তুলিছো। আই আই টি গুৱাহাটী, এন আই টি শিলচৰ, এন আই টি মেঘালয় ইত্যাদি উল্লেখনীয়। উত্তৰ-পূর্বাঞ্চলে প্রথমটো এইমছ পালে আৰু দেশৰ প্রথমখন ৰাষ্ট্ৰীয় ক্ৰীড়া বিশ্ববিদ্যালয় মণিপুৰত নির্মাণ কৰি আছে ৷ 

উত্তৰ-পূৰ্বাঞ্চলত বিগত দশকত বহু ঐতিহাসিক শান্তি চুক্তি স্বাক্ষৰিত হোৱা বুলিও তেওঁ কয়। ৰাজ্যসমূহৰ মাজত সীমান্ত বিবাদৰ ক্ষেত্ৰতো আন্তৰিক অগ্ৰগতি লাভ কৰিছে। উত্তৰ-পূর্বাঞ্চলত হিংসাত্মক ঘটনা সংঘটিত হৈছে ৷ বহু জিলাৰ পৰা আফছপা আঁতৰাই দিয়া হৈছে। আমি একেলগে অষ্টলক্ষ্মীৰ নতুন ভৱিষ্যত লিখিব লাগিব। ইয়াৰ বাবে চৰকাৰে প্ৰতিটো পদক্ষেপ গ্ৰহণ কৰিছে।