ডিজিটেল ডেস্কঃ বুধবাৰে পুৱা ওড়িশাৰ মুখ্যমন্ত্ৰী হিচাপে শপতগ্ৰহণ ল'লে নবীন পাটনায়কে। পাটনায়কৰ লগতে আৰু বহু কেইগৰাকী মন্ত্ৰীয়ে শপতগ্ৰহণ লয়।মুখ্যমন্ত্ৰী নবীন পাটনায়কৰ শপতগ্ৰহণ অনুষ্ঠানত দলৰ নেতা-মন্ত্ৰীসকলৰ লগতে উপস্থিত থাকে তেওঁৰ ভগ্নী গীতা মেহতা।
ইফালে, মুখ্যমন্ত্ৰী নবীন পাটনায়কক অভিনন্দন জনায় প্ৰধানমন্ত্ৰী মোডীয়ে। প্ৰধানমন্ত্ৰীগৰাকীয়ে কয়- 'ওড়িশ্যাৰ মুখ্যমন্ত্ৰী হিচাপে শপতগ্ৰহণ কৰিলে নবীন পাটনায়কে। তেওঁক অভিনন্দন জনালো।মই আশা কৰো যে কেন্দ্ৰীয় চৰকাৰে মুখ্যমন্ত্ৰী পাটনায়কৰ চৰকাৰৰ সৈতে মিলি ওড়িশ্যাৰ উন্নতিৰ কাৰণে কাম কৰি যাম।'
