বিভ্ৰান্তি সৃষ্টি কৰি ৰাইজক উচতাই নাথাকিবঃ অখিল গগৈক কিয় এই সকিয়নী দিলে মন্ত্ৰী পীয়ুষ হাজৰিকাই...

ডিজিটেল ডেস্কঃ জুবিন গাৰ্গৰ পাৰ্থিৱ শৰীৰ যোৰহাটলৈ নিয়াৰ সন্দৰ্ভত বিধায় অখিল গগৈয়ে ধাৰাবাহিকভাৱে দি অহা আহ্বান আৰু ফেচবুক পোষ্টক লৈ উভতি ধৰিলে মন্ত্ৰী পীয়ুষ হাজৰিকাই। জুবিন গাৰ্গৰ পাৰ্থিৱ শৰীৰ বিশেষ বিমান তথা হেলিকপ্টাৰে হলেও যোৰহাটলৈ নিয়াৰ সন্দৰ্ভত অখিল গগৈ উভতি ধৰি মন্ত্ৰী হাজৰিকাই কয় যে, জুবিনদাৰ পাৰ্থিৱ শৰীৰৰ স্থিতি আদিৰ বিষয়ে নাভাবি, নুবুজি এই শোকাকুল পৰিৱেশত ৰাজনীতি কৰি কি বাৰ্তা দিলে আপুনি। একাংশ লোকক উচটাবলৈ আৰু আমাৰ প্ৰাণৰ শিল্পীজনৰ মৃত্যুক লৈও ৰাজনীতি কৰা কাৰ্যত মই আচলতে অত্যন্ত দুখ পাইছোঁ।

মন্ত্ৰী পীয়ুষ হাজৰিকাই অখিল গগৈক কটাক্ষ কৰি সামাজিক মাধ্যমতো লিখিছে এনেদৰে-

অসমৰ সম্পদ, আমাৰ সকলোৰে মৰমৰ জুবিন দাৰ পাৰ্থিৱ শৰীৰ থকা বিশেষ কফিনটো আমি দিল্লীত চাৰ্টাৰ্ড প্লেনতেই উঠাবলৈ সক্ষম নহ'লোঁ। আশ্চৰ্যজনকভাৱে অখিল গগৈ ডাঙৰীয়াই সামাজিক মাধ্যমযোগে এতিয়া হেলিকপ্টাৰৰ কথা কৈ বিভ্ৰান্তিৰ সৃষ্টিৰে একাংশ লোকক উচটাবলৈ আৰু আমাৰ প্ৰাণৰ শিল্পীজনৰ মৃত্যুক লৈও ৰাজনীতি কৰা কাৰ্যত মই আচলতে অত্যন্ত দুখ পাইছোঁ।