চাপৰমুখৰ সমাজকৰ্মী, অৱসৰপ্ৰাপ্ত প্ৰধান শিক্ষক পূৰ্ণকান্ত শৰ্মাৰ বিয়োগ...

ডিজিটেল সংবাদ, নগাওঁঃ নগাঁও জিলাৰ চাপৰমুখ গছপৰাৰ   সমাজকৰ্মী অৱসৰপ্ৰাপ্ত প্ৰধান শিক্ষক পুৰ্ণকান্ত শৰ্মা (৮৫) শুক্ৰবাৰে পুৱতিনিশা নিজা বাসভ ৱনত শেষ নিশ্বাস ত্যাগ কৰে | ১৯৪১ চনত গছপৰাত জন্মগ্ৰহণ কৰা শৰ্মাই হাইস্কুলীয়া শিক্ষা চাপৰমুখ বি বি হান্চাৰিয়াত সম্পূৰ্ণ কৰি নগাঁও নাইট কলেজৰ পৰা বিএ ডিগ্ৰী গ্ৰহন কৰে |

ডিগ্ৰী গ্ৰহনৰ পিচতে গছপৰা মজলীয়া বিদ্যালয়ৰ সহকাৰী শিক্ষক হিচাপে যোগদান কৰে | ১৯৯৯ চনত প্ৰধান শিক্ষক হিচাপে অৱসৰ গ্ৰহণ কৰে | অঞ্চলৰ প্ৰায়বোৰ উন্নয়নমূলক কামত আত্মনিয়োগ কৰা সদ্যপ্ৰয়াত পুৰ্ণকান্ত শৰ্মা গছপৰা অঞ্চলৰ প্ৰতিটো ৰাজহুৱা অনুষ্ঠান-প্ৰতিষ্ঠানৰ লগত ওতঃপ্ৰোতভাৱে জড়িত আছিল |

শৰ্মাৰ মৃত্যুত অঞ্চলটোৰ  সকলো চৰকাৰী বেচৰকাৰী অনুষ্ঠান-প্ৰতিষ্ঠান অৰ্দ্ধচুটি দিয়াৰ লগতে এদিনীয়াকৈ শোকপালন কৰে | মৃত্যুৰ সময়ত শিক্ষাবিদ শৰ্মাই পুত্ৰ-বোৱাৰী,নাতি-নাতিনী, তিনিগৰাকী কন্যা জোৱাই নাতি-নাতিনীৰ লগতে বহু আত্মীয় স্বজনক এৰি থৈ যায় |