কুন্তি“ চৰিত্ৰৰে মঞ্চ কপোৱা মীনা বৰাৰ পৰলোকপ্ৰাপ্তি…

ডিজিটেল সংবাদ , নগাঁও :" কুন্তি " চৰিত্ৰৰে ৰাজ্য বিভিন্ন মঞ্চ কপোৱা মীনা বৰাৰ পৰলোকপ্ৰাপ্তি ৷ দেওঁবাৰে পুৱা ননৈৰ নিজা বাসভৱনত শেষ নিশ্বাস ত্যাগ কৰে মীনা বৰাই ৷ মীনা বৰাই মঞ্চত দক্ষ অভিনয়ৰে নাট্যপ্ৰেমীৰ হৃদয় জয় কৰিবলৈ সক্ষম হৈছিল ৷

ননৈ খাটৰ গাঁৱৰ নিবাসী ননৈ সাহিত্য পৰিষদৰে মৃত্যুৰ আগলৈকে জৰিত হৈ থকা মীনা বৰাৰ নাটকে আছিল জীৱন ৷ ৫৬ বছৰ বয়সীয়া মহিলা অভিনেত্ৰী গৰাকীয়ে দেওঁবাৰে পুৱা হৃদৰোগত আক্ৰান্ত হয় ৷ চুবুৰীয়া লোকে গেঙনি শুনি ঘৰৰ দুৱাৰ ভাঙি চিকিৎসাৰ ব্যৱস্হা কৰে যদিও চিকিৎসকৰ সেৱা অবিহনে মৃত্যুক সাৱতি লয় অসমৰ বিভিন্ন মঞ্চত শ্ৰেষ্ঠ অভিনেত্ৰীৰ সন্মান কঢ়িয়াই আনিবলৈ সক্ষম হোৱা মীনা বৰাই ৷ অবিবাহিতা মীনা বৰাৰ মৃত্যুত ননৈ সাহিত্য পৰিষদে গভীৰ শোকঁ প্ৰকাশ কৰিছে ৷