আমেৰিকাত মীৰা নায়াৰৰ পুত্ৰ মামদানীৰ যাদু...

ডিজিটেল ডেস্ক : আমেৰিকাৰ এগৰাকীৰ মেয়ৰক লৈ সমগ্ৰ বিশ্বজুৰি চৰ্চা চলিছে । সেই গৰাকীৰ মেয়ৰ হৈছে নিউয়ৰ্কৰ চহৰ নবনিৰ্বাচিত মেয়ৰ ভাৰতীয় বংশোদ্ভৱ জহৰান মামদানী । উল্লেখ্য যে, ভাৰতীয় চলচ্চিত্ৰ নিৰ্মাতা মীৰা নায়াৰ আৰু মহম্মদ মামদানী পুত্ৰ হৈছে জহৰান মামদানী ।

উল্লেখ্য যে, যেতিয়াই নিউয়ৰ্ক চহৰৰ মেয়ৰ হিচাপে নিৰ্বাচনত প্ৰতিদ্বন্দিতাৰ কথা প্ৰকাশ পাইছিল তেতিয়া জয়ৰ কোনা সম্ভাৱনাই নাছিল । মাত্ৰ ১ শতাংশ জয়ৰ সম্ভাৱনা আছিল বুলি প্ৰকাশ পাইছিল । কিন্তু ১ শতাংশৰ পৰা ১০০ শতাংশলৈ কেনেকৈ ৰূপান্তৰ কৰিছিল সেয়া শুনিলে আচৰিত হ’ব ।

 জহৰান মামদানীৰ বাবে তীব্ৰ প্ৰত্যাহ্বান আছিল কেইবাইটাও বিষয়ে । তাৰ ভিতৰত আছিল উচ্চ হাৰত মূল্য বৃদ্ধি,নিউয়ৰ্ক চহৰৰ বজাৰ ব্যৱস্থা, কৰ সংগ্ৰহৰ ব্যৱস্থা, ব্যয়বহুল যাতায়তৰপৰা মুক্ত কৰা আৰু নিউয়ৰ্ক চহৰৰ পদপথত থকা লোকক ঘৰ প্ৰদানৰ ব্যৱস্থা কৰা । কিন্তু এই সমূহ নিৰ্বাচনৰ মূল ই্চ্ছু হোৱাৰ লগতে কেইবাটাও বিষয়ে তীব্ৰ প্ৰত্যাহ্বানৰ সন্মুখীন হৈছেল মামদানীয়ে । যেতিয়া নিৰ্বাচত প্ৰতিদ্বন্দ্বিতা বাবে ভোটাৰৰ কাষলৈ যাবলৈ ধৰিলে তেতিয়া কোনেও চিনি পোৱা নাছিল মামদানীক । 

 তাৰ বিকল্প হিচাপে সামাজিক মাধ্যম আৰু নিউয়ৰ্ক চহাৰৰ ভোটাৰৰ কাষ চাপিছিল মামদানীয়ে । সময় যিমানে বাগৰিলে তেতিয়া সকলো পৰিৱৰ্তন হ’ল ।ক্ৰমান্বয়ে ‘ডেমক্ৰিটিক ছছিয়েলইষ্ট অব আমেৰিকাৰ দলৰ প্ৰাৰ্থী মহম্মদ মামদানী জনপ্ৰিয় হৈ পৰিল ।

শূণ্যৰ পৰা আৰম্ভ কৰি মামদানীয়ে বিজয়ী হোৱালৈকে অৱদান আছে সামাজিক মাধ্যম আৰু আমেৰিকাৰ ৰাষ্ট্ৰপতি ডনাল্ড্ৰ ট্ৰাম্প । ক্ৰমান্বয়ে মেয়ৰ পদৰ বাবে জনপ্ৰিয় হৈ পৰা মামদানীক টাৰ্গেট কৰি ট্ৰাম্পে কৈছিল – ‘মামদানী কমিউনিষ্ট । আমেৰিকাত কমিউনিষ্ট নিবিচাৰো ।‘ এক প্ৰকাৰ মামদানীক পাগল আখ্যা দি ট্ৰাম্পে নিউয়ৰ্ক চহৰবাসীক সাৱধান কৰি দিছিল যে, যদি কমিউনিষ্ট মামদানী নিৰ্বাচনত জয়লাভ কৰে তেতিয়া মই নিউয়ৰ্কৰ উন্নয়নৰ পুঁজি আৱন্টন বন্ধ কৰি দিম ।

আনহাতে মামদানীয়ে, নিউয়ৰ্ক চহৰত থকা বিলিয়নাৰৰ পৰা কৰ সংগ্ৰহ কৰা আৰু সৰ্বসাধাৰণক কৰৰ পৰা কিছু সকাহ দিয়াৰ প্ৰতিশ্ৰুতি দিছিল । সেই কৰৰ কথা কেতিয়াও পূৰ্বৰ নেতাসকলে কবলৈ সাহস কৰিব পৰা নাছিল । কিন্তু মামদানীৰ কথাৰ পাছতে বিলিয়নাৰ সকলে বৃহত পৰিমাণৰ ধন খৰচ কৰিছিল মামদানীৰ প্ৰচাৰৰ বিৰুদ্ধে । বিলিয়নাৰ সকলে মামদানীৰ বিৰুদ্ধে লাখ লাখ ডলাৰ খৰচ কৰিও মেয়ৰ হিচাপে নিৰ্বাচনিত হোৱাত বাধা প্ৰদান কৰিব নোৱাৰিলে ।

যদি নিউয়ৰ্ক চহৰৰ জনগাঁথনিলৈ যদি চাওঁ তেতিয়া হ’লে, এচিয়া মহাদেশৰ ৩০ শতাংশ, আফ্ৰিকাৰ ১০ শতাংশ, মূল আমেৰিকাৰ ৩০ শতাংশ নাগৰিক থাকে বিশ্বৰ আগশাৰী চহৰখনত ।   বিশ্বৰ শক্তিধৰ ৰাষ্ট্ৰ আমেৰিকাৰ অৰ্থনীতিৰ ক্ষেত্ৰত বৃহত অবদান আছে নিউয়ৰ্ক চহৰৰ । আমেৰিকাৰ নিউয়ৰ্ক চহৰে ১ ত্ৰিলিয়ন ডলাৰ জিডিপি প্ৰদান কৰে বছৰত । সেই সূত্ৰে বিশ্বৰ ভিন্ন প্ৰান্তৰ লোকৰ সমাগম আৰু বসবাসস্থলী ।

 যদিও ট্ৰাম্প আৰু বিৰুধো পক্ষই খ্ৰীষ্টান আৰু ইহুদী বিৰোধী বলি মামদানীৰ বিৰুদ্ধে প্ৰচাৰ কৰিছিল বিৰোধীয়ে তথাপিও মামদনীয়ে কৰ ব্যৱস্থাক লৈ ভোটাৰ ৰাইজৰ আস্থা লাভ কৰিবলৈ সক্ষম হৈছিল ।

 সকলো সমালোচনা আৰু প্ৰত্যাহ্বানক নেওচি ৩৪ বছৰীয়া মামদানীয়ে আমেৰিকাৰ নিউয়ৰ্ক চহৰৰ মেয়ৰ হিচাপে নিৰ্বাচিত হয় । ইয়াৰ লগে লগে জহৰান মামদানীয় কেইবাটও ইতিহাস ৰচিবলৈ সক্ষম হয় । সেই ৰেকৰ্ডৰ ভিতৰত কম বয়সীৰ মেয়ৰ, ভাৰতীয় বংশোদ্ভৱন মুছলমান ব্যক্তি, প্ৰথম দক্ষিণ এছিয়াৰ মুছলমান ব্যক্তি হিচাপে পৰিগণিত হৈছে জহৰাণ মামদানী  ।