মাৰ্ঘেৰিটাত ভয়ংকৰ পথ দুৰ্ঘটনা, থিতাতে নিহত এজন অ’ট চালক …..

ডিজিটেল সংবাদ,মাৰ্ঘেৰিটাঃ মাৰ্ঘেৰিটা বুঢ়ীদিহং নতুন দলং সমিপত বিয়লি এখন অ'ট আৰু বাজাজ পালছাৰ বাইকৰ দুৰ্ঘটনাত এজন লোক থিতাতে নিহত হয়। প্ৰাপ্ত তথ্য অনুসৰি মাৰ্ঘেৰিটা ৩১৫নং ৰাষ্ট্ৰীয় ঘাইপথৰে এ আৰ ১২- ৯১৩৮ নম্বৰ বাইকখনে মাৰ্ঘেৰিটা পৰা ডিগবৈ অভিমুখে তীব্ৰ বেগেৰে একে দিশত গৈ থকা এ এছ ২৩ জি ১৫৮৫ নম্বৰ অ'ট খন চেৰাই আগবাঢ়ি যাবলৈ চেষ্টা কৰে।সেই সময়তে বাইকখনে প্ৰচণ্ডযোৰে খুন্দা মৰাৰ ফলত অ'ট খনৰ চালক বিক্ৰম ভট্ৰাচাৰ্য থিতাতে নিহত হয়। ইয়াৰ বিপৰীতে বাইক চালক জন সামান্য পৰিমাণে আঘাত প্ৰাপ্ত হয়।

ঘটনাস্থলীত মাৰ্ঘেৰিটা আৰক্ষী উপস্থিত হৈ মৃতদেহ মৰোণত্তৰ পৰীক্ষা ব্যৱস্থা কৰাৰ লগতে বাইক খনৰ চালকৰ চিকিৎসাৰ ব্যৱস্থা কৰিছে। সমগ্ৰ ঘটনাই অঞ্চলটোত তীব্ৰ চাঞ্চল্য সৃষ্টি কৰিছে। উল্লেখ যে বিক্ৰম ভট্ৰাচাৰ্য অঞ্চলটোৰ এজন পুৰনি অ'ট চলক আছিল। মাৰ্ঘেৰিটা বুঢ়িদিহং অ'ট সন্থাই সমগ্ৰ ঘটনাত গভীৰ শোক প্ৰকাশ কৰিছে। মাৰ্ঘেৰিটা ভিনাৰমিল নিবাসী বিক্ৰম ভট্ৰাচাৰ্যয়ে কিছুদিন পূৰ্বে বিবাহপাশত আবদ্ধ হৈছিল। বিক্ৰমৰ মৃত্যুত ভিনাৰমিল বজাৰ অঞ্চলত শোকৰ ছাঁ‌ পৰিছে।