ডিজিটেল সংবাদ, কোকৰাঝাৰঃ কোকৰাঝাৰৰ উপায়ুক্ত বৰ্ণালী ডেকাই আন এক সাফল্য অৰ্জন কৰি ৰাজ্যলৈ গৌৰৱ কঢ়িয়াই আনিছে । অলপতে মাদ্ৰাছৰ ভাৰতীয় প্ৰযুক্তিবিদ্যা প্ৰতিষ্ঠান(আআইটি)ত অসামৰিক কৰ্মচাৰী, উদ্যোগী আৰু শিক্ষাবিদসকলৰ বাবে অনুষ্ঠিত বহু-অংশীদাৰী আলোচনাচক্ৰৰ বাবে নিৰ্বাচিত দেশৰ মুষ্টিমেয় কেইজনমান আইএএছ বিষয়াৰ ভিতৰত কোকৰাঝাৰ জিলাৰ উপায়ুক্ত বৰ্ণালী ডেকাই অংশগ্ৰহণ কৰি সাফল্য অৰ্জন কৰে ।
দেশৰ প্ৰশাসনিক সংস্কাৰ আৰু ৰাজহুৱা অভিযোগ বিভাগৰ দ্বাৰা আয়োজিত ইমাজিন ইণ্ডিয়া- ২০৪৭ৰ নামৰ অভিনৱ অনুষ্ঠানটোৱে "ভিজন ইণ্ডিয়া @২০৪৭' উপলব্ধি কৰাত সহায় কৰে । বিভিন্ন ক্ষেত্ৰত প্ৰযুক্তি-আধাৰিত সমাধান বৃদ্ধি কৰাৰ বাবে এক অভিনৱ অনুষ্ঠানটোৰ যোগেদি ১০ টা খণ্ডৰ বাবে প্ৰযুক্তি-আধাৰিত সমাধানৰ পৰামৰ্শ দিবলৈ দহটা কাৰ্যকৰী গোট সৃষ্টি কৰা হৈছে আৰু যিবোৰক 'কোষ' বুলি নামাকৰণ কৰা হৈছে ।
শক্তি আৰু নিট শূন্য, তথ্য সুৰক্ষা আৰু প্ৰতিৰক্ষা, আন্তঃগাঁথনি আৰু যোগাযোগ, স্বাস্থ্য সেৱা আৰু সহায়ক প্ৰযুক্তি, পৰিবহন আৰু গতিশীলতা, শিক্ষা, পানী, নগৰীকৰণ আৰু গৃহনিৰ্মাণ, গ্ৰামোন্নয়ন আৰু কৃষি, ফিনটেক আৰু অন্তৰ্ভুক্তি কোষত চাৰিটা নিউক্লিয়াছ থাকিব আৰু প্ৰতিটোতে এজন যুৱ আইএএছ বিষয়া, এজন একাডেমিক, এজন বীজ উদ্যোগী আৰু এজন প্ৰতিষ্ঠিত উদ্যোগী থাকিব বুলি আৰু তেওঁলোকে পৰৱৰ্তী তিনিৰ পৰা পঁচিশ বছৰৰ ভিতৰত উন্নয়নৰ ধাৰণা কৰাৰ বাবে কাম কৰিব ।
আশা কৰা হৈছে তেওঁলোক চাৰি মাহৰ ভিতৰত প্ৰথম পৰামৰ্শ ৰখাৰ সম্ভাৱনা ব্যক্ত কৰা হৈছে আৰু এই প্ৰক্ৰিয়াটোৱে ষ্টাৰ্ট-আপ পৰিস্থিতিতন্ত্ৰক এক উৎসাহ প্ৰদান কৰিব বুলি আশা কৰা হৈছে। কোকৰাঝাৰৰ উপায়ুক্ত বৰ্ণালী ডেকা শক্তি – নেট জিৰো , ফিনটেক আৰু অন্তৰ্ভুক্তিৰ দৰে গুৰুত্বপূৰ্ণ খণ্ডত ৰখা হৈছে । অসমৰ পৰা বৰ্ণালী ডেকাই উক্ত অনুষ্ঠানত একমাত্ৰ আইএএছ বিষয়া আছিল আৰু "ইমাজিনিং ইণ্ডিয়া @ ২০৪৭: এ ফিল্ড পাৰস্পেক্টিভ" শীৰ্ষক অনুষ্ঠানত প্ৰথম দিনাই বক্তব্য প্ৰদান কৰে ।
জিলা পৰিৱৰ্তনশীল কাহিনী আৰু আগন্তুক গতিপথৰ বাবে অগ্ৰসৰতা হয়" য'ত তেওঁ ক্ষেত্ৰখনৰ পৰা তথ্য চালিত আৰু প্ৰমাণ আধাৰিত শাসনৰ সফলতাৰ কাহিনী, ভাৰতৰ মুখ্য উচ্চাকাংক্ষী জিলা কাৰ্যসূচীৰ সফলতা, শাসনৰ বিকেন্দ্ৰীকৰণৰ বাবে উদীয়মান ডিজিটেল প্ৰযুক্তি, লেনদেন প্ৰণালীৰ প্ৰয়োজনীয়তা, কৃষিৰ বাহিৰেও গ্ৰাম্য অৰ্থনীতিক উদ্দীপিত কৰাৰ বাবে হস্তক্ষেপ, ক্ষেত্ৰৰ পৰা নেট জিৰো আৰু সহযোগিতামূলক অংশীদাৰসকলৰ মাজত সহযোগিতামূলক স্পিলঅভাৰৰ ওপৰত আলোকপাত কৰে যত অসামৰিক কৰ্মচাৰী, শিক্ষা, উদ্যোগী, নাগৰিক সমাজ ইত্যাদি জড়িত হৈ থাকে ।
