অসমত উপস্থিত প্ৰধানমন্ত্ৰী নৰেন্দ্ৰ মোডী...

প্ৰধানমন্ত্ৰী নৰেন্দ্ৰ মোডীয়ে বৰঝাৰ বিমান বন্দৰৰ টার্মিনেল ভৱন বাহিৰত এখন জনসভা সম্বোধন কৰে। সভাত অংশ লয় উপস্থিত ৰাইজক অসমীয়াত সম্বোধন কৰে প্ৰধানমন্ত্ৰীয়ে । লগতে তেওঁ অসমৰ উন্নয়নৰ বাবে প্ৰতিজ্ঞাবদ্ধ বুলি মন্তব্য কৰে।

প্ৰধানমন্ত্ৰীয়ে কয় যে, আজিক দিনটো অসমৰ বাবে উৎসৱৰ দিন। দেশৰ উন্নয়ণৰ প্ৰৱেশদ্বাৰ হৈ পৰিছে অসম। অসম বহু ক্ষেত্ৰত বিকশিত ভাৰতৰ ইঞ্জিন স্বৰূপ বুলি মন্তব্য কৰে প্ৰধানমন্ত্ৰী মোডীয়ে।

বৰঝাৰ বিমানবন্দৰত অসমৰ প্ৰথমগৰাকী মুখ্যমন্ত্রী লোকপ্রিয় গোপীনাথ বৰদলৈৰ ৮০ ফুট উচ্চতাৰ এটা প্রতিমূর্তি উন্মোচন কৰে প্ৰধানমন্ত্ৰী মোডীয়ে। এই কার্যসূচীত ৰাজ্যপাল লক্ষ্মণ প্রসাদ আচার্য, অসামৰিক পৰিবহণ মন্ত্রী কে ৰামমোহন নাইডু, ৰাজ্যমন্ত্রী মুৰলীধৰ মহল, কেন্দ্রীয় মন্ত্রী সর্বানন্দ সোণোৱালাকে ধৰি কেইবাগৰাকী মন্ত্রী-বিধায়ক উপস্থিত থাকে।

প্রধানমন্ত্রী নৰেন্দ্র মোডীয়ে মুকলি কৰিলে গুৱাহাটীৰ বৰঝাৰৰ লোকপ্রিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰৰ নৱবনির্মিত টার্মিনেল। প্রায় ১ লাখ ৪০ হাজাৰ বর্গমিটাৰ এলেকাজুৰি নির্মাণ কৰা এই নতুন টার্মিনেলটো বছৰি এক কোটি ৩০ লাখ যাত্রীক সেৱা আগবঢ়াব পৰাকৈ নিৰ্মাণ কৰা হৈছে। বাঁহ আৰু অর্কিড বিষয়বস্তুৰে নির্মাণ কৰা এই টার্মিনেল ভৱনে অসমৰ জৈৱ বৈচিত্র্য আৰু সাংস্কৃতিক ঐতিহ্যক প্রতিফলিত কৰিছে।

বৰঝাৰ বিমান বন্দৰত উপস্থিত হোৱা পাছতে মুখ্যমন্ত্ৰী হিমন্ত বিশ্ব শৰ্মা আৰু ৰাজ্যপাল লক্ষ্মণ প্ৰসাদ আচাৰ্য্যই আদৰণি জনালে প্ৰধানমন্ত্ৰী মোডীক। তেওঁলোকক সংগ দিয়ে কেন্দ্ৰীয় মন্ত্ৰী সৰ্বানন্দ সোণোৱালৰ লগতে বিজেপিৰ কেবাগৰাকী নেতৃত্বই। 

বৰঝাৰ বিমান বন্দৰত উপস্থিত প্ৰধানমন্ত্ৰী নৰেন্দ্ৰ মোডী। বিমান বন্দৰত অৱতৰণ প্ৰধানমন্ত্ৰীগৰাকীৰ বিশেষ বিমান।