ঝাৰখণ্ডৰ প্রাক্তন মুখ্যমন্ত্ৰী শিবু ছোৰেণৰ দেহাৱসান

ডিজিটেল ডেস্কঃৰাজ্যসভাৰ সাংসদ, প্ৰাক্তন কেন্দ্ৰীয় মন্ত্ৰী, ঝাৰখণ্ডৰ প্ৰাক্তন মুখ্যমন্ত্ৰী তথা ঝাৰখণ্ড মুক্তি মৰ্চাৰ অন্যতম প্ৰতিষ্ঠাপক শিবু ছোৰেণৰ আজি শেষ নিশ্বাস ত্যাগ কৰে। মৃত্যুৰ সময়ত তেওঁৰ বয়স আছিল ৮১ বছৰ।

প্ৰাপ্ত তথ্য অনুসৰি এমাহৰো অধিক সময় ধৰি দিল্লীৰ গংগাৰাম হাস্পতালত চিকিৎসাধীন হৈ আছিল শিবু ছোৰেণ। বিগত কেইদিনমানৰ পৰা তেওঁৰ অৱস্থা অধিক সংকটজনক হৈ আছিল। শিবু ছোৰেণৰ পুত্ৰ তথা ঝাৰখণ্ডৰ মুখ্যমন্ত্ৰী হেমন্ত ছোৰেণে এক্সৰ জৰিয়তে তেওঁৰ পিতৃৰ মৃত্যুৰ বিষয়ে জনায়।

উল্লেখযোগ্য যে, ৰাজনীতিত চাৰি দশকৰ কেৰিয়াৰৰ ভিতৰত ছ’ৰেনে আঠবাৰ লোকসভালৈ নিৰ্বাচিত হৈছিল আৰু দুটা কাৰ্যকাল ৰাজ্যসভাৰ সাংসদ হিচাপে কাৰ্যনিৰ্বাহ কৰিছিল। ইয়াৰোপৰি ৩ বাৰকৈ মুখ্যমন্ত্রীৰ আসনত অধিষ্ঠিত হৈছিল শিবু ছোৰেণ।