গৰৈমাৰীত অৱসৰপ্ৰাপ্ত কৃতি শিক্ষক প্ৰয়াত টংকেশ্বৰ হাজৰিকাৰ স্মৃতিচাৰণ অনুষ্ঠান

ডিজিটেল সংবাদ,জামুগুৰিহাটঃ শোণিতপুৰৰ গৰৈমাৰী নিবাসী  অৱসৰপ্ৰাপ্ত কৃতি শিক্ষক টংকেশ্বৰ হাজৰিকাৰ সোঁৱৰণত আজি স্মৃতিচাৰণ সভাৰ লগতে গ্ৰন্থ উন্মোচনী অনুষ্ঠানৰ আয়োজন কৰে ৷  প্ৰয়াত কৃতি শিক্ষক গৰাকীৰ  বাসভৱনত  সহধৰ্মীনী তিলোত্তমা হাজৰিকাই বন্তি প্ৰজ্বলনেৰে শুভাৰম্ভ কৰা অনুষ্ঠানটিত বিশিষ্ট ব্যক্তিৰ লগতে স্থানীয় ৰাইজে টংকেশ্বৰ হাজৰিকাৰ প্ৰতিচ্ছবিত শ্ৰদ্ধাঞ্জলি জ্ঞাপন কৰে । 

উল্লেখ্য যে  ড° যতীন বৰাৰ সঞ্চালনাত অনুষ্ঠিত অনুষ্ঠানত স্মৃতিগ্ৰন্থ খনি উন্মোচন কৰে  প্ৰয়াত টংকেশ্বৰ হাজৰিকাৰ পত্নী তিলোত্তমা হাজৰিকাই৷ পঞ্চ পল্লৱ একাংক নাট উন্মোচন কৰে ড° যতীন বৰাই , সংগীতা নামৰ উপন্যাস খনি উন্মোচন কৰে ভদ্ৰেশ্বৰী হাজৰিকাই আৰু চানেকী উন্মোচন কৰে পূৰবী শৰ্মাই । 

আনফালে অনুপজ্যোতি নাথে আতধৰা  অনুষ্ঠানত ৰিতু বিকাশ বৰা, দিনেশ দাস , সুৰেন হাজৰিকা , ৰমেন শৰ্মা,চিত্ৰলেখা বৰা কে ধৰি  বহুকেইগৰাকী বক্তাই প্ৰয়াত কৃতি শিক্ষক টংকেশ্বৰ হাজৰিকাৰ কৰ্মৰাজি আৰু জীৱন পৰিক্ৰমা সন্দৰ্ভত আলোকপাত কৰে। উল্লেখ্য যে একেধাৰে শিক্ষাবিদ , নাট্যকাৰ , উপন্যাসিক তথা বিশিষ্ট সমাজকৰ্ম্মী খ্যাতি অৰ্জন কৰা  প্ৰয়াত টংকেশ্বৰ হাজৰিকাই ৰাষ্ট্ৰপতি পুৰস্কাৰো লাভ কৰিবলৈ সক্ষম হৈছিল  । 

তাৰোপৰি যোৱা  ৩১ অক্টোবৰত ৯৩ বছৰ বয়সত  বাৰ্দ্ধক্যজনিত কাৰণত মৃত্যু বৰণ কৰা টংকেশ্বৰ হাজৰিকাৰ স্মৃতিচাৰণ অনুষ্ঠানটিত বহুকেইগৰাকী বিশিষ্ট ব্যক্তিৰ  লগতে অঞ্চলটোৰ কেইবা শতাধিক ৰাইজে অংশগ্ৰহণ কৰে ৷