ডিজিটেল ডেস্কঃ ৩০ আগষ্ট, সোমবাৰে হাৰিয়ানাৰ কৰ্ণালত কৃষক নেতাসকলে অনুষ্ঠিত কৰা মহাপঞ্চায়তৰ পৰা চৰকাৰৰ ওচৰত তিনিটা দাবী উত্থাপন কৰা হৈছে। মহাপঞ্চায়তৰ মঞ্চৰ পৰা কৃষক নেতাসকলে তিনিটা দাবী উত্থাপন কৰি কয় যে, লাঠিচাৰ্জ কৰাৰ ফলত মৃত্যু হোৱা মৃত কৃষকজনৰ পৰিয়ালক ২৫ লাখ টকাৰ ক্ষতিপূৰণ আৰু চৰকাৰী চাকৰি দিয়া উচিত। একে সময়তে, আঘাতপ্ৰাপ্ত কৃষকসকলক ২ লাখকৈ টকাৰ ক্ষতিপূৰণ দিব লাগে। কৃষক নেতা সকলৰ তৃতীয়টো দাবী হৈছে লাঠিচাৰ্জৰ বাবে ভুল কৰা বিষয়াসকলৰ বিৰুদ্ধে কঠোৰ ব্যৱস্থা লোৱা হওক।
এই তিনিওটা দাবী পূৰণৰ বাবে মহাপঞ্চায়তৰ পৰা কৃষক নেতাসকলে ৬ ছেপ্টেম্বৰলৈকে চৰকাৰক এক চূড়ান্ত সীমা নিৰ্ধাৰণ কৰি দিছে। নেতাসকলে কয় যে যদি তেওঁলোকৰ দাবী পূৰণ নহয় তেন্তে তেওঁলোকে ৭ ছেপ্টেম্বৰত কৰ্ণালত পুনৰ এক মহাপঞ্চায়ত অনুষ্ঠিত হ'ব।উল্লেখ্য যে কৃষক নেতাসকলে কৰ্ণালৰ মহাপঞ্চায়তৰ জৰিয়তে চৰকাৰক কঠোৰ সমালোচনা কৰিছে। কৃষকসকলৰ ওপৰত আৰক্ষীৰ লাঠিচাৰ্জৰ বাবে হাজাৰ হাজাৰ কৃষক শস্য মাণ্ডিত একত্ৰিত হৈছিল। পুৱা ১২ বজাৰ পৰা দুপৰীয়া ২:৩০ বজালৈ মহাপঞ্চায়তত ৪০ টা কৃষক সংগঠনৰ প্ৰায় ২৩ জন কৃষক নেতাই ভাষণ প্ৰদান কৰে।
মহাপঞ্চায়তত কৃষক নেতাসকলে যুটীয়াভাৱে এছ ডি এমৰ বিৰুদ্ধে হত্যাৰ গোচৰ ৰুজু কৰিবলৈ দাবী জনাইছে। ইয়াৰ উপৰিও ৰাজ্যখনৰ মুখ্যমন্ত্ৰী মনোহৰ লালক কৃষকসকলৰ ওচৰত ক্ষমা বিচাৰিবলৈও দাবী জনাইছে। মহাপঞ্চায়তত আলোচিত বিষয়ৰ ওপৰত চূড়ান্ত সিদ্ধান্ত গ্ৰহণ কৰিবলৈ গুৰনাম সিং চাধুনিৰ নেতৃত্বত বিশিষ্ট নেতাসকলকক মূল সভাৰ পৰা বাহিৰলৈ প্ৰেৰণ কৰা হয়।
ভাৰতীয় কিষাণ মজদুৰ ইউনিয়নৰ ৰাজ্যিক সভাপতি সুৰেশ কৌথে কৈছে যে, হাৰিয়ানাৰ মুখ্যমন্ত্ৰী মনোহৰ লালক কেন্দ্ৰলৈ গৈ কৃষকসকলৰ বিষয়ে আলোচনা কৰিবলৈ ভোট প্ৰদান কৰিছিল। তেওঁলোকে কৃষকসকলৰ বিৰুদ্ধে গোচৰ ৰুজু কৰিবলৈ মনোহৰ লালক ভোট প্ৰদান কৰা নাছিল। কৌথে কৈছে যে, দুষ্মন্ত চৌটালাকো কৃষকসকলে ভোট দিছিল কৃষক সকলৰ পক্ষত থিয় দিবৰ বাবে, বিজেপিৰ কোলাত বহিবলৈ ভোট দিয়া নাছিল। তেওঁ কয় যে, যদি চৰকাৰে গোচৰ পঞ্জীয়ন কৰে তেনেহ'লে কৃষকসকলক নেতৃত্ব দিয়া কৃষক নেতাসকলৰ বিৰুদ্ধে গোচৰ পঞ্জীয়ন কৰক, সাধাৰণ কৃষকৰ বিৰুদ্ধে নহয়।
পঞ্জাৱৰ কৃষক নেতা সতনাম সিঙে কয় যে, ২২ বছৰীয়া কৃষকৰ মৃত্যুৰ প্ৰতিশোধ তেওঁ নিশ্চিতভাৱে ল'ব। ব্ৰিটিছৰ সময়ত চাইমন কমিছনক গ'বেক বুলি কোৱা হৈছিল এতিয়া বিজেপিক গ'বেক কোৱাৰ সময়। কৃষকসকলে শান্তিপূৰ্ণভাৱে প্ৰদৰ্শন কৰি আছে। ৫ ছেপ্টেম্বৰত উত্তৰ প্ৰদেশৰ মুজাফ্ফৰনগৰত ৫ কোটি কৃষকে তেওঁলোকৰ উৎসাহ দেখুৱাবলৈ একত্ৰিত হ'ব।
ভাৰতীয় কিষাণ ইউনিয়নৰ ৰাজ্যিক যুৱ সভাপতি বিকাশ চিছাৰে কয় যে, হাৰিয়ানাত কৃষকসকলৰ মূৰ ফালি দিয়া হৈছে। ৪০,০০০ কৃষকৰ বিৰুদ্ধে গোচৰ ৰুজু কৰা হৈছে। মোডী চৰকাৰে কৃষকসকলক ভয় কৰে। চৰকাৰে তেওঁলোকৰ দ্বাৰা কৰা সংঘাট স্বীকাৰ নকৰিব।। কৃষকসকলেও মূৰ ভাঙিবলৈ জানে।
মন কৰিবলগীয়া যে, মহাপঞ্চায়তলৈ উত্তৰ প্ৰদেশ, হাৰিয়ানা, পঞ্জাৱৰ পৰা মুঠ ৪০ টা কৃষক সংগঠনৰ নেতা তেওঁলোকৰ সংগঠনৰ সদস্যৰ সৈতে হাৰিয়ানাৰ কৰ্ণালত আহি উপস্থিত হৈছে। এই মহাপঞ্চায়তত কৃষক নেতা ৰাকেশ টিকাইটে অংশগ্ৰহণ কৰাৰ কথা আছিল যদিও তেওঁ এই অনুষ্টানত উপস্থিত নাথাকিল। বৰং তেওঁৰ সংগঠনৰ কেইজনমান নেতা হে এই মহাপঞ্চায়তত উপস্থিত থাকে। উল্লেখ্য যে ৰাকেশ টিকাইটে নিজেই কৰ্ণালৰ ঘৰাউণ্ডাত মহাপঞ্চায়তঘোষণা কৰিছিল।
