গুৱাহাটী কমার্চ কলেজত স্বাধীনতাৰ অমৃত মহোৎসৱ উদযাপন…

ডিজিটেল ডেস্কঃ গুৱাহাটী কমাৰ্চ কলেজৰ এন.এছ.এছ আৰু এন. চি.চিৰ উদ্যোগত স্বাধীনতাৰ অমৃত মহোৎসৱৰ বিভিন্ন কাৰ্য্যসূচী পালন কৰা হৈছে। এন.এছ.এছৰ দুয়োটা শাখাৰ তত্বাৱধায়কদ্বয় ড° শ্বেতা পেগু আৰু ড° সুমধুৰ ৰয়ৰ পৰিচালনাত ১৫ গৰাকী স্বেচ্ছাসেৱকে ৩ আগষ্টৰ পৰা ঘৰে ঘৰে ত্ৰিৰংগা উত্তোলনৰ প্ৰচাৰ কাৰ্য্য চলাই আছে।

১২ আগষ্টত প্রায় ১৩০০ ছাত্ৰ-ছাত্ৰীৰ মাজত স্বাধীনতাৰ অমৃত মহোৎসৱৰ তাৎপৰ্য সম্পৰ্কত সজাগতা সৃষ্টিৰ উদ্দেশ্যে প্ৰচাৰ চলোৱা হয়। তদুপৰি সিদিনাখনেই মহাবিদ্যালয়ৰ ড° ভগৱান চন্দ্ৰ লহকৰ প্ৰেক্ষাগৃহত প্ৰায় ৪০০ ছাত্ৰ-ছাত্ৰীৰ মাজত স্বদেশ প্রেমমূলক গীতৰ পৰিবেশন আৰু কুইজ প্ৰতিযোগিতা অনুষ্ঠিত হয়।

১৩ আগষ্টৰ ৰাতিপুৱা ৭-৩০ বজাত ভাৰতীয় পতাকা উত্তোলন কৰা হয়। ১৪ আগষ্টটো জাতীয় পতাকা উত্তোলন কৰা হ'ব। ১৫ আগষ্টত পতাকা উত্তোলনৰ পাছত ছাত্র-শিক্ষকৰ অংশ গ্রহনেৰে এক বাইক ৰেলীও উলিওৱা হ'ব। উল্লেখযোগ্য যে, গুৱাহাটী কমাৰ্চ কলেজে ২০১৫ চনৰ পৰাই প্ৰতিটো স্বাধীনতা দিৱস উপলক্ষে এই বাইক ৰেলী উলিয়াই আহিছে।