গোৱাৰ নাইট ক্লাৱত অগ্নিকাণ্ড : নিহত ২৬ গৰাকীৰ ভিতৰত আছে ৩ অসমীয়া যুৱক

ডিজিটেল ডেস্ক : উত্তৰ গোৱাৰ আৰপোৰাত শনিবাৰে মাজনিশা এখন ৰেষ্টুৰেণ্ট তথা নাইট ক্লাবত সংঘটিত বিধ্বংসী অগ্নিকাণ্ডত ৪গৰাকী বিদেশী পৰ্যটকসহ ২৬ গৰাকী লোকৰ মৃত্যু হৈছে ৷ শেহতীয়া তথ্য অনুসৰি এই অগ্নিকাণ্ডত মৃত লোকসকলৰ ভিতৰত আছে তিনিজন অসমীয়া যুৱক ৷ 

তেওঁলোক হৈছে- কাছাৰৰ ৰাহুল তাঁতী, মনোজিৎ মাল আৰু ধেমাজিৰ দিগন্ত পাতিৰ বুলি চিনাক্ত কৰা হৈছে ৷ এই তিনিওগৰাকী যুৱকৰ মৃত্যুত অসমৰ মুখ্যমন্ত্ৰী ড০ হিমন্ত বিশ্ব শৰ্মাই সামাজিক মাধ্যমযোগে শোক প্ৰকাশ কৰে।

মুখ্যমন্ত্রী হিমন্ত বিশ্ব শর্মাই শোক প্ৰকাশ কৰি লিখিছে এইদৰে-  গোৱাৰ আৰপোৰাত হোৱা অগ্নিকাণ্ডৰ ঘটনাত কৰুণ মৃত্যুক সাবটি লোৱা প্ৰতিজনৰ বাবে গভীৰ শোক অনুভৱ কৰিছোঁ ৷ এই দুৰ্ঘটনাটিত অসমৰ ৰাহুল তাঁতী (কাছাৰ), মনোজিৎ মাল (কাছাৰ), দিগন্ত পাতিৰ (ধেমাজি) নামৰ তিনিজন ব্যক্তিয়ে নিজৰ বহুমূলীয়া জীৱন হেৰুওৱাৰ খবৰ পাই অতি ব্যথিত হৈছোঁ ৷

এই শোকৰ মুহূৰ্তত মৃতকৰ আত্মাৰ চিৰশান্তি কামনাৰ লগতে শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰিলোঁ। দুৰ্ঘটনাটিত আহত আটাইৰে দ্ৰুত আৰোগ্য লাভৰ বাবে নেদেখাজনৰ ওচৰত প্ৰাৰ্থনা জনালোঁ ৷

এইখিনিতে এটা কথা উল্লেখ কৰা প্ৰয়োজন যে, ঘটনাৰ পাছতে গোৱাৰ মুখ্যমন্ত্ৰী প্ৰমোদ সাৱন্তই দুৰ্ঘটনাত নিহতসকলৰ পৰিয়াললৈ ৫ লাখ টকা আৰু আহতসকলৰ বাবে ৫০ হাজাৰ টকাৰ এককালীন সাহাৰ্য প্ৰদানৰ কথা ঘোষণা কৰে । তেওঁ শ্বৰ্ট শ্বাটৰ লগতে এই শোকাৱহ ঘটনাটোৰ সৈতে জড়িত থকা অভিযোগত ক্লাবৰ মুখ্য মহাপ্ৰবন্ধককে ধৰি চাৰিজন কৰ্মচাৰীক গ্ৰেপ্তাৰ কৰাৰ কথা নিশ্চিত কৰে ৷ 

ইয়াৰ উপৰি ক্লাবৰ স্বত্বাধিকাৰী সৌৰভ লুথ্ৰা আৰু গৌৰৱ লুথ্ৰাৰ বিৰুদ্ধে গোচৰ ৰুজু কৰাৰ লগতে তেওঁলোকক শীঘ্ৰে গ্ৰেপ্তাৰ কৰা হ’ব বুলি মুখ্যমন্ত্ৰীগৰাকীয়ে জানিবলৈ দিয়ে ।

Deeply anguished by the tragic loss of lives in the Arpora fire incident in Goa, where three of our own, lost their precious lives.

Shri Rahul Tanti, Cachar
Shri Manojit Mal, Cachar
Shri Diganta Patir, Dhemaji

Offering my heartfelt condolences to the bereaved families.…

— Himanta Biswa Sarma (@himantabiswa) December 7, 2025