জুনত ঘৰুৱা তাপ শক্তি কেন্দ্ৰসমূহত মজুত থাকিল ৫.৭ কোটি টন কয়লা

ডিজিটেল ডেস্কঃ দেশত প্ৰথমবাৰৰ বাবে বৃহৎ পৰিমানত মজুত থাকিল অত্যাৱশ্যকীয় জীৱাশ্ম ইন্ধন। জুন মাহত ঘৰুৱা তাপ শক্তি কেন্দ্ৰসমূহত কয়লাৰ মজুত থাকিল ৫.৭ কোটি টন (এমটি)। ২৮ জুনলৈকে ৫৭.৮৮ মেট্ৰিক টন ঘৰুৱা কয়লা ভিত্তিক বিদ্যুৎ কেন্দ্ৰসমূহৰ মজুত আছিল।

এই অভিলেখৰ কাৰণ হিচাপে অধিক কয়লা উৎপাদন, কয়লাৰ লজিষ্টিক উন্নত হোৱা আৰু অস্বাভাৱিক বৰষুণৰ বাবে বিদ্যুতৰ ব্যৱহাৰ কমি যোৱা বুলি অনুমান কৰা হৈছে। ইফালে, ভাৰত চৰকাৰে এই বৰ্ষৰ গ্ৰীষ্মকালত ২৭০ গিগাৱাটৰ শীৰ্ষ চাহিদা অনুমান কৰিছিল যদিও প্ৰকৃত শীৰ্ষ ৯ জুনত ৰেকৰ্ড কৰা ২৪১ গিগাৱাটত আছে।

উল্লেখযোগ্য যে, ২০২১ চনৰ অক্টোবৰৰ পৰা ডিচেম্বৰৰ ভিতৰত একাধিক তাপ বিদ্যুৎ কেন্দ্ৰত কয়লাৰ মজুত শূন্যলৈ হ্ৰাস পোৱাৰ ফলত দেশৰ কেইবাটাও ঠাইত ব্লেকআউট হোৱাৰ ফলত সন্মুখীন হৈছিল। কয়লা মন্ত্ৰালয়ৰ বিষয়া সকলে সদৰি কৰা অনুসৰি, ‘এই বছৰৰ গ্ৰীষ্মকালত কয়লা মজুতৰ ক্ষেত্ৰত তাপ বিদ্যুৎ কেন্দ্ৰসমূহৰ আৰামদায়ক পৰিস্থিতিৰ সৃষ্টি হৈছে। ২০২৪ চনৰ জুন মাহত কয়লাৰ মজুত ৪৪ মেট্ৰিক টনৰ ওচৰত আছিল যি ১৮ দিনৰ বাবে বিদ্যুৎ কেন্দ্ৰ চলিবলৈ পৰ্যাপ্ত। ২০২৩ চনৰ জুন মাহত ষ্টক আছিল প্ৰায় ৩৪ মেট্ৰিক টন, যিটো প্ৰায় ১৩-১৪ দিনৰ বাবে যথেষ্ট।

আনহাতে, ভাৰতে ২৫ বিত্তীয় বৰ্ষত এক বিলিয়ন টন কয়লা উৎপাদন অতিক্ৰম কৰি এক ঐতিহাসিক মাইলৰ খুঁটি অৰ্জন কৰে। এইবৰ্ষত পূৰ্বৰ বছৰৰ তুলনাত উৎপাদন ৪.৯৯ শতাংশ বৃদ্ধি পাইছে। অভিলেখ উচ্চ উৎপাদনৰ ফলত দেশৰ কয়লা আমদানি ৮.৪ শতাংশ হ্ৰাস পায়, যাৰ ফলত বৈদেশিক মুদ্ৰাৰ যথেষ্ট সঞ্চয় হয় আৰু আমদানিৰ ওপৰত নিৰ্ভৰশীলতা হ্ৰাস পায়।