বৰাইৰ আলগা মধ্য ইংৰাজী বিদ্যালয়ত বিনামূলীয়া চকু চিকিৎসা শিবিৰ…

ডিজিটেল সংবাদ,মানকাচৰঃ মানকাচৰৰ বৰাইৰ আলগা মধ্য ইংৰাজী বিদ্যালয়ত অনুষ্ঠিত কৰা হয় বিনামূলীয়া চকু চিকিৎসা শিবিৰ।  ৪৫ নং বেটেলিয়ান বি এছ এফৰ উদ্যোগত অনুষ্ঠিত কৰা হয় উক্ত চকু চিকিৎসা শিবিৰ ।

৪৫ নং বেটেলিয়ান বি এছ এফৰ চি ই ও চন্দ্ৰ কান্ত উপাধ্যায়ে মুকলি কৰে চকু চিকিৎসা শিবিৰৰ।

সীমান্তৱৰ্তী লোকৰ সুবিধাৰ বাবে বিদ্যালয়খনত এই শিবিৰৰ আয়োজন কৰা হোৱা বুলি উল্লেখ কৰে উদ্যোক্তাসকলে । বিদ্যালয়খনৰ ছাত্ৰ-ছাত্ৰী, অভিভাৱক সকলৰ লগতে স্থানীয় ৰাইজেও চকু পৰীক্ষা কৰে শিবিৰটোত ।

উল্লেখযোগ্য যে প্ৰযোজন অনুসৰি ৰোগী সকলক ঔষধ বিতৰণৰ ব্যৱস্থাও কৰে উদ্যোক্তাসকলে ।