বৃদ্ধি পাইছে মহিলাৰ অংশগ্ৰহণ, নন-টেক খণ্ডত বৃদ্ধি ১৪%

ডিজিটেল ডেস্কঃ  লিংগ সমতাৰ দিশত ইণ্ডিয়া ইনকৰ্পৰেশ্যনৰ যাত্ৰা ক্ৰমান্বয়ে অগ্রগতি লাভ কৰিছে।  টিমলিজ ডিজিটেলৰ প্ৰতিবেদনত প্ৰকাশ পাইছে এই তথ্য। আনকি নন-টেক খণ্ডত পৰম্পৰাগতভাৱে পুৰুষ প্ৰধান প্ৰযুক্তিৰ ভূমিকালৈকেও বিস্তৃত হৈছে। কিন্তু এই লক্ষণীয় উন্নতিৰ পিছতো মহিলাৰ প্রতিনিধিত্ব আৰু দৰমহাৰ ক্ষেত্ৰত যথেষ্ট বৈষম্য অব্যাহত আছে। যাৰবাবে ভাৰতৰ এটা আগশাৰীৰ কৰ্মচাৰী সংস্থা টিমলিজ ডিজিটেলে নন-টেক উদ্যোগসমূহৰ চুক্তিবদ্ধ টেক ভূমিকাসমূহৰ ওপৰত গুৰুত্ব আৰোপ কৰি এক বিশদ বিশ্লেষণ উন্মোচন কৰিছে।

উল্লেখযোগ্য যে, ভাৰতৰ ঠিকাভিত্তিক টেক কৰ্মশক্তিৰ ভিতৰত লিংগ প্ৰতিনিধিত্বৰ এক জটিল বিৱৰ্তন ঘটিছে। নন-টেক খণ্ডত টেক ভূমিকাই ২০২০ চনৰ পৰা এক ইতিবাচকতা প্ৰদৰ্শন কৰিছে, যাৰবাবে লিংগ সমতাৰ ক্ষেত্ৰতো ক্ৰমান্বয়ে উন্নতি হৈছে। টিমলিজ ডিজিটেলৰ তথ্য অনুসৰি, ২০২০ চনত নন-টেক খণ্ডত টেক ভূমিকাৰ বাবে মহিলাৰ প্ৰতিনিধিত্ব মাত্ৰ ১.৯০% আছিল। কিন্তু ২০২৩ আৰু ২০২৪ চনৰ ভিতৰত ই ক্ৰমে ১১.৮% আৰু ১৪% ত উপনীত হয়, যিয়ে পৰম্পৰাগতভাৱে পুৰুষ প্ৰধান ভূমিকাত লাহে লাহে কিন্তু উৎসাহজনক পৰিৱৰ্তনৰ ইংগিত দিয়ে।

সমগ্ৰ বিষয় সন্দৰ্ভত টিমলিজ ডিজিটেলৰ চিইঅ’নীতি শৰ্মাই সদৰি কৰা অনুসৰি, “নন-টেক খণ্ডৰ ভিতৰত টেক ভূমিকাত মহিলাৰ প্ৰতিনিধিত্ব ২০২০ চনত ১.৯০ শতাংশৰ পৰা ২০২৪ চনত ১৪ শতাংশলৈ যথেষ্ট বৃদ্ধি পোৱাটোৱে অন্তৰ্ভুক্তিৰ দিশত আশাব্যঞ্জক পৰিৱৰ্তন প্ৰতিফলিত কৰিছে। কিন্তু কাৰিকৰী দক্ষতা প্ৰতিনিধিত্ব আৰু নেতৃত্বৰ ভূমিকাত স্থায়ী ব্যৱধানে লক্ষ্য নিৰ্ধাৰণৰ হস্তক্ষেপৰ প্ৰয়োজনীয়তাক উজ্জ্বল কৰি তুলিছে।" শৰ্মাই লগতে উল্লেখ কৰে, “এতিয়া সংস্থাসমূহে মহিলাসকলৰ বাবে ন্যায্য সম্পদক উৎসাহিত কৰাৰ সময় আহি পৰিছে, উদ্যোগ-নিৰ্দিষ্ট বাধাসমূহ সমাধান কৰাৰ সময় আহি পৰাৰ লগতে মহিলাসকলক কৰ্মশক্তিৰ বৃহত্তৰ অংশক প্ৰতিনিধিত্ব কৰিবলৈ শক্তিশালী কৰাৰ সময়ো আহি পৰিছে।"