মাৰ্চ মাহত ইএছআইচিৰ চাকৰি সৃষ্টিৰ সংখ্যা ৫.৮% বৃদ্ধি

ডিজিটেল ডেস্কঃ মাৰ্চ মাহত কৰ্মচাৰীৰ ৰাজ্যিক বীমা নিগমৰ অধীনত বৃদ্ধি পাইছে আনুষ্ঠানিক নিয়োগ। মাৰ্চ মাহৰ ভিতৰত নতুন চাকৰি সৃষ্টিৰ সংখ্যা ৫.৭৯% বৃদ্ধি পাই ১৬.৩ মিলিয়ন হৈছে।  যিটো ফেব্ৰুৱাৰী মাহত আছিল ১৫.৪ লাখ। শুকুৰবাৰে শ্ৰম আৰু নিয়োগ মন্ত্ৰালয়ে প্ৰকাশ কৰা অস্থায়ী পে-ৰোলৰ তথ্যত প্ৰকাশ পাইছে এই খবৰ।

তথ্য অনুসৰি, মাৰ্চ মাহত ৩১,৫১৪টা নতুন ইউনিটৰ নামভৰ্তিৰ সৈতে ই এছ আই চিৰ সামাজিক সুৰক্ষাত যোগদান কৰা প্ৰতিষ্ঠানসমূহৰ সংখ্যা ৩৩.৯% বৃদ্ধি পাইছে। ইটিৰ ৰিপ’ৰ্ট অনুসৰি বিগত মাহৰ তুলনাত এই উত্থান আছিল ২৩,৫২৬ জনৰ যোগদান। এই পৰিসংখ্যা বৃদ্ধিৰ ক্ষেত্ৰত যুৱ নিয়োগ এক শক্তিশালী চালক। মাৰ্চ মাহত নতুন পঞ্জীয়নৰ প্ৰায় আধা ০.৭৯ মিলিয়ন বা ৪৯%, ২৫ বছৰ বা তাতকৈ কম বয়সৰ ব্যক্তিৰ। 

ইফালে মহিলাৰ অংশগ্ৰহণেও উৎসাহজনক লক্ষণ দেখুৱাইছে। মাৰ্চ মাহৰ ভিতৰত ০.৩৬ মিলিয়ন মহিলাই পঞ্জীয়ন কৰিছিল। ইয়াৰ উপৰিও ই এছ আই চিয়ে ১০০ জন তৃতীয় লিংগৰ কৰ্মচাৰীৰ পঞ্জীয়ন ৰেকৰ্ড কৰিছিল, যিয়ে সংস্থাটোৰ অন্তৰ্ভুক্তিৰ প্ৰতি থকা দায়বদ্ধতাক উজ্জ্বল কৰি তুলিছিল। উল্লেখযোগ্য যে, ১৯৪৮ চনৰ ই এছ আই আইনৰ অধীনত স্থাপিত ই এছ আই চি কৰ্মচাৰীৰ প্ৰভিডেণ্ট ফাণ্ড অৰ্গেনাইজেশ্যনৰ সমান্তৰালভাৱে এক বৃহৎ বিধিগত সামাজিক সুৰক্ষা প্ৰতিষ্ঠান যিয়ে মাহে ২১ হাজাৰ টকা পৰ্যন্ত উপাৰ্জন কৰা কৰ্মচাৰীসকলক চিকিৎসা সেৱা আৰু নগদ ধনৰ সুবিধা প্ৰদান কৰে।