দুধনৈৰ সমীপৰ কুশধোৱাৰ খেদেলাপাৰাত বন্যহস্তীৰ মৃত্যু…

ডিজিটেল সংবাদ, ধূপধৰাঃ গোৱালপাৰা জিলাৰ দুধনৈৰ সমীপৰ কুশধোৱাৰ খেদেলাপাৰা গাঁৱত দেওবাৰে পুৱা এটা প্ৰকাণ্ড বনৰীয়া হাতীৰ মৃতদেহ উদ্ধাৰ হয় ৷ পুৱা কুশধোৱা খেদেলাপাৰাৰ খেতি পথাৰত উদ্ধাৰ হয় বন্যহস্তীটোৰ মৃতদেহ ৷ স্থানীয় লোকে মৃতদেহটো প্ৰত্যক্ষ কৰাৰ পিচত বন বিভাগৰ লোকক খবৰ দিয়ে আৰু পৰৱৰ্তী সময়ত বন বিভাগৰ লোক উপস্থিত হৈ বন্যহস্তীটোৰ মৃতদেহটো উদ্ধাৰ কৰে ৷

উদ্ধাৰ হোৱা বনৰীয়া হাতীটোৰ কি কাৰণত মৃত্যু হৈছে সেয়া জানিবপৰা হোৱা নাই ৷ অৱশ্যে বন বিভাগৰ তদন্ততহে হাতীটোৰ মৃত্যুৰ কাৰণ জানিব পৰা যাব ৷ উল্লেখযোগ্য যে গোৱালপাৰা জিলাৰ আন প্ৰান্তৰ দৰে কুশধোৱা অঞ্চলতো দীৰ্ঘদিনৰ পৰা বন্যহস্তীয়ে সন্ত্ৰাস সৃষ্টি কৰি আহিছে ৷