তৃতীয় ধেমাজি গ্ৰন্থ উৎসৱৰ সামৰণিঃ ৯ দিনত ২৫ গ্ৰন্থ বিপনীৰ মুঠ বিক্ৰী ৩৫ লক্ষাধিক...

ডিজিটেল সংবাদ, ধেমাজিঃ সদৌ ধেমাজি জিলা ছাত্ৰ সন্থাৰ উদ্যোগত আৰু ধেমাজি আঞ্চলিক ছাত্ৰ সন্হা সন্থা  ,সদৌ অসম পুথি প্ৰকাশক আৰু বিক্ৰেতা সংস্থাৰ সহযোগত যোৱা ২৬ অক্টোবৰৰ পৰা ধেমাজি কাছাৰী ময়দানত চলি থকা তৃতীয় গ্ৰন্থ উৎসৱৰ এক উখল-মাখল পৰিবেশৰে দেওবাৰে সামৰণি পৰে ৷ শেষৰ দিনৰ বিয়লি ১ বজাত সদৌ অসম ভিত্তিত আন্তঃ শিক্ষানুষ্ঠানৰ মাজত তৰ্ক প্ৰতিযোগিতা অনুষ্ঠিত হয় ৷

অসমৰ বিভিন্ন বিদ্যালয় আৰু মহাবিদ্যালয়ৰ পৰা অহা মুঠ ১৭ টা দলত বিভক্ত প্ৰতিযোগী সকলৰ মাজত  অনুষ্ঠিত হোৱা প্ৰতিযোগিতাখনি উদ্ধোধন কৰে সদৌ অসম ছাত্ৰ সন্থাৰ শিক্ষা সম্পাদক টুটুমনি কলিতাই ৷লখিমপুৰ স্বায়ত্ত্বশাসিত বিশ্ববিদ্যালয়ৰ সহকাৰী অধ্যাপক  ড° চোচেংফা গগৈৰ পৰিচালনাত অনুষ্ঠিত হোৱা তৰ্ক প্ৰতিযোগিতাৰ বিচাৰক হিচাপে উপস্থিত থাকে।

ধেমাজি মহাবিদ্যালয়ৰ সহযোগী অধ্যাপক দিগন্ত হাজৰিকা ,ঢকুৱাখানাৰ ডাইটৰ(DIET) প্ৰৱক্তা বিদ্যুৎ চমুৱা আৰু টিংখাং মহাবিদ্যালয়ৰ সহযোগী অধ্যাপক চন্দ্ৰপল শইকীয়াই৷ তৰ্ক প্ৰতিযোগিতাৰ ফলাফলত শ্ৰেষ্ঠ দল হিচাপে ডিব্ৰুগড় বিশ্ব বিদ্যালয়ৰ উৎপলজ্যোতি বৰা আৰু মৃন্ময় বৰাই ৷ দ্বিতীয় শ্ৰেষ্ঠ দল হিচাপে গোগামুখ জাতীয় বিদ্যালয়ৰ কুঁহি চুতীয়া আৰু  নিয়ৰ বন্যা চুতীয়াই ৷

প্ৰতিযোগিতাৰ শ্ৰেষ্ঠ তাৰ্কিক  হিচাপে ডিব্ৰুগড় বিশ্ব বিদ্যালয়ৰ উৎপলজ্যোতি বৰাই স্হান লাভ কৰে ৷ দ্বিতীয় শ্ৰেষ্ঠ তাৰ্কিক হিচাপে গোগামুখ জাতীয় বিদ্যালয়ৰ কুঁহি চুতীয়াই স্হান লাভ কৰে৷ সন্ধিয়া ৭ বজাত মুকলি সভা, গ্ৰন্থ উন্মোচন আৰু বঁটা বিতৰণী সভা অনুষ্ঠিত হয় ৷

অভ্যৰ্থনা সমিতিৰ সভাপতি তথা ধেমাজি চিটি মহাবিদ্যালয়ৰ অধ্যক্ষ ড° দীপক বৰগোহাঁইয়ে সভাপতিত্ব কৰা মুকলি সভাত ডিব্ৰুগড় বিশ্ব বিদ্য়ালয়ৰ পঞ্জীয়ক ড° পৰমানন্দ সোনোৱাল ,ঔপন্যাসিক ,কবি  গল্পকাৰ জুৰি বৰা বৰগোহাঁই , অসম জাতীয়তাবাদী যুৱ ছাত্ৰ পৰিষদৰ সাধাৰণ ৰাতুল বৰগোহাঁই ,সদৌ অসম ছাত্ৰ সন্থাৰ শিক্ষা সম্পাদক টুটুমনি কলিতায়ে সন্মানীয় অতিথি হিচাপে উপস্থিত থকা লগতে বিশিষ্ট অতিথি হিচাপে সোৱণশিৰি মহাবিদ্যালয়ৰ অধ্যক্ষ ড° ৰূপেশ্বৰ চেতিয়া , মুকংচেলেক মহাবিদ্যালয়ৰ অধ্যক্ষ ড° দীপক কুমাৰ দলে, সদৌ অসম উন্নতি সভাৰ উপ-সভাপতি উত্তম কুমাৰ গগৈ, সদ্পাদক জিতু বৰা, অসম সেনাৰ কেন্দ্ৰীয় কাৰ্য্যনিবাহক দ্বয় ডিম্বেশ্বৰ গগৈ আৰু যুগল কৃষ্ণ ফুকনে ৷  সভাত স্মৃতি গ্ৰন্থ  “গ্ৰন্থ নিনাদ ” উন্মোচন কৰে ডিব্ৰুগড় বিশ্ব বিদ্যালয়ৰ পঞ্জীয়ক ড° পৰমানন্দ সোনোৱালে ৷ সন্ধিয়ালৈ  জনপ্ৰিয় কণ্ঠশিল্পী নিলাক্ষী নেওগৰ সাংস্কৃতিক অনুষ্ঠানেৰে তৃতীয় ধেমাজি  গ্ৰন্থ উৎসৱৰ সামৰণি পৰে ৷