সৰু চহৰৰ পৰা আৰম্ভ হৈছে বৃহৎ সংখ্যক ষ্টাৰ্ট-আপ

ডিজিটেল ডেস্কঃ ভাৰতত প্ৰায় ৭৬ হাজাৰ ষ্টাৰ্ট-আপক নেতৃত্ব দিছে মহিলাই। ইয়াৰে বৃহৎ সংখ্যক ষ্টাৰ্ট-আপ সৰু চহৰৰ পৰা আৰম্ভ কৰা হৈছে। কেন্দ্ৰীয় মন্ত্ৰী জিতেন্দ্ৰ সিঙে সদৰি কৰিছে এই তথ্য। 

মন্ত্ৰীগৰাকীয়ে লগতে উল্লেখ কৰে যে, মহিলা নেতৃত্বাধীন উন্নয়নৰ আৰ্হিৰ অধীনত প্ৰধানমন্ত্ৰী নৰেন্দ্ৰ মোদীয়ে কল্পনা কৰা অনুসৰি ২০৪৭ চনৰ ভিতৰত ভাৰতৰ উন্নত ৰাষ্ট্ৰ হোৱাৰ পথ সবল মহিলা আৰু যুৱক-যুৱতীসকলে নেতৃত্ব দিব। তেওঁ লগতে "মহিলাকেন্দ্ৰিক শাসনে কেৱল ব্যক্তিক শক্তিশালী কৰাই নহয়, সমাজখনকো পুনৰ গঢ় দিছে। লক্ষ্য কল্যাণ হিচাপে আৰম্ভ হোৱা কথাটো এতিয়া প্ৰতিষ্ঠানিক নেতৃত্বলৈ বিকশিত হৈছে" বুলিও সদৰি কৰে। 

ইফালে, মন্ত্ৰীগৰাকীয়ে মহিলাসকলৰ বাবে সুলভ শিক্ষা প্ৰদানৰ লক্ষ্যৰে 'জীৱনকা ই-লাৰ্নিং মেনেজমেণ্ট চিষ্টেম এপ' মুকলি কৰাৰ লগতে বিহাৰৰ অগ্ৰগতিৰ প্ৰতি মহিলাৰ অৱদানক উদযাপন কৰা "শক্তি মহিলা, সমৃদ্ধ বিহাৰ" শীৰ্ষক প্ৰকাশন উন্মোচন কৰে। জিতেন্দ্ৰ সিঙে জোৰ দি কয় যে, "ভাৰতীয় মহিলাসকল এতিয়া নিষ্ক্ৰিয় অংশগ্ৰহণকাৰী নহয়, বৰঞ্চ মহাকাশ, অসামৰিক সেৱা আৰু উদ্ভাৱনৰ দৰে ক্ষেত্ৰসমূহৰ কৌশলগত নেত্ৰী হৈ পৰিছে" বুলিও মন্ত্ৰীগৰাকীয়ে লগতে উল্লেখ কৰে।