10 Lachit Barphukan Quotes: লাচিত বৰফুকনৰ বিখ্যাত উদ্ধৃতি

ডিজিটেল ডেস্ক :10 Lachit Barphukan Quotes: অসমৰ ইতিহাসত জিলিকি থকা বীৰ যোদ্ধাসকলৰ ভিতৰত অন্যতম বীৰ লাচিত বৰফুকন।লাচিত বৰফুকনৰ বীৰত্ব আৰু শৰাইঘাটৰ যুদ্ধত অসমীয়া সেনাৰ বিজয়ৰ স্মৃতিত প্ৰতি বছৰে ২৪ নৱেম্বৰৰ দিনটোত ৰাজ্যজুৰি লাচিত দিৱস হিচাপে পালন কৰা হয়। লাচিত বৰফুকনৰ সাহসিকতা আৰু ত্যাগ প্ৰতিজন অসমীয়াৰ বাবে আদৰ্শ।আনহাতে, অসম মুলুক ৰক্ষাৰ বাবে তেওঁ যি কৰি গ’ল তাৰ বাবে প্ৰতিটো প্ৰজন্মই তেওঁক সোঁৱৰণ কৰিব।

অপাৰ কষ্টসাধনৰ শক্তি আৰু মনত থকা অদম্য সাহসৰ বাবে আহোম ৰাজ্যৰ সেনাপতি পদত অধিষ্ঠত হৈছিল লাচিত বৰফুকন।কিন্তু তেওঁ পোন প্ৰথমেই সেনাপতি হোৱা নাছিল।প্ৰথমতে তেওঁ সেইসময়ৰ ৰাজমন্ত্ৰীৰ ‘হাঁচতিধৰা তামুলী’ পদত নিযুক্তি হৈছিল। এই পদৰ পৰা সেনাপতি হোৱালৈ তেওঁৰ যাত্ৰা মুঠেই সহজ নাছিল।তেওঁৰ কষ্ট, ত্যাগ তথা গভীৰ সাধনাই আছিল এই সফলতাৰ মূলমন্ত্ৰ।

জানো আহক মহাবীৰ লাচিত বৰফুকনৰ কেইটামান বিখ্যাত উদ্ধৃতি-

১) “দেশতকৈ মোমাই ডাঙৰ নহয়।”

যেতিয়া লাচিতৰ মোমায়েকে সময়মতে যুদ্ধৰ প্ৰস্তুতিৰ কাম সম্পূৰ্ণ কৰাত অসফল হৈছিল, তেতিয়া লাচিত বৰফুকনে দ্বিতীয়বাৰ চিন্তা নকৰাকৈ এই উক্তি দি তেওঁক মৃত্যুদণ্ড দিছিল।

২) “যেতিয়া মোৰ দেশবাসী আক্ৰমণৰ বলি হৈছে, যেতিয়া মোৰ সৈন্যবাহিনীয়ে যুঁজ দি দি নিজৰ জীৱন ত্যাগ কৰিছে, তেতিয়া মই কেৱল অসুস্থতাৰ অজুহাত দি বিশ্ৰাম কৰি থাকিব নোৱাৰে।”

৩) “যেতিয়ালৈকে আমাৰ শিৰাবোৰত তেজৰ টোপাল থাকে, তেতিয়ালৈকে আমি যুঁজ দিবলৈ সাজু।”

৪) “শত্ৰুসকল কোননো ? তেওঁলোক একো একোটা সাধাৰণ নশ্বৰ দেহ।”

৫) “মোৰ দায়িত্বত থকাৰ সময়ত মোৰ দেশখনে ভয়ংকৰ বিপৰ্যয়ৰ সন্মুখীন হৈছে।এয়া মোৰ বাবে দুখৰ কথা।কিন্তু মোৰ ৰজাক কেনেকৈ ৰক্ষা কৰিব লাগিব, মোৰ লোকসকলক কেনেকৈ ৰক্ষা পাব আৰু মোৰ পৰৱৰ্তী কাল কেনেকৈ ৰক্ষা কৰিব পৰা হ'ব সেই বিষয়ে মই ভালকৈয়ে জ্ঞাত।”

৬) “যুদ্ধত মই মৰিলেও মৰিম।কিন্তু মই মোৰ মানুহখিনিক যুদ্ধক্ষেত্ৰত এৰি মই পলাই যাব নোৱাৰো।সকলো সৈন্যই যুদ্ধক্ষেত্ৰ এৰাৰ পাছতহে মই যুদ্ধক্ষেত্ৰ এৰিম।”

৭) “ সিংহই অকলে ৰাতি যুঁজ দিয়ে।আনহাতে, আনসকলে দিনৰ ভাগত ভূমি বা পানীত কাজিয়া কৰে।”

৮) “মোৰ সৈন্যবাহিনী বালিৰ দৰে,অদ্ৰৱণীয়।”

৯) “ৰাজা ৰাম সিংহ আমাৰ দেশলৈ কিয় আহিছে আমি জানিব বিচাৰো।তদুপৰি, যুদ্ধই সমস্যাবোৰ নিষ্পত্তি কৰাৰ একমাত্ৰ পদ্ধতি নহয়। ৰাজনৈতিক শাস্ত্ৰ,মীমাংসা, উপহাৰ, মতবিৰোধৰ ক্ষেত্ৰত আমাৰ বহুকেইটা পথ আছে।”

১০) “তেওঁ তেওঁৰ যাত্ৰাত ক্লান্তিৰ মাজেৰে দীঘলীয়া দূৰত্ব অতিক্ৰম কৰিছে। তেওঁৰ উদ্দেশ্যৰ বাবে আমাৰ ব্যৱস্থাবোৰ অপৰ্যাপ্ত হ'ব পাৰে।যদি তেওঁক ৰাজপুত ৰাজাৰ সামগ্ৰীৰ প্ৰয়োজন হয়,তেতিয়া মোক সুধিবলৈ ক’ব। মই তাৰ ব্যৱস্থা কৰাৰ চেষ্টা কৰিম।”