ডিজিটেল সংবাদ, লখিমপুৰঃ লখিমপুৰৰ বিশিষ্ট শিক্ষাবিদ ,সাহিত্যিক ,সাংস্কৃতিক কৰ্মী উত্তৰ লখিমপুৰ মহাবিদ্যালয়ৰ প্ৰাক্তন অধ্যক্ষ হেমেন্দ্ৰ কুমাৰ গগৈৰ ৰাজ্যিক মৰ্যাদাৰে শেষ শ্ৰদ্ধা ৰাজ্য চৰকাৰৰ ৷ ৰাজ্য চৰকাৰৰ হৈ শ্ৰদ্ধা নিবেদন কৰে মন্ত্ৰী নৱ দলে আৰু লখিমপুৰ জিলা উপায়ুক্ত ডা° জীৱন বি এ ৷
উত্তৰ লখিমপুৰ মহাবিদ্যালয় প্ৰাংগনত অসম আৰক্ষীয়ে সামৰিক মৰ্যাদাৰে ৪২ টা টোপধ্বনিৰে শিক্ষাবিদ গৰাকীলৈ শেষ শ্ৰদ্ধা জ্ঞাপন কৰে ৷ ইয়াৰ পূৰ্বে শিক্ষাবিদ গৰাকীৰ নশ্বৰ দেহ পুস্প সজ্জিত বাহনত উত্তৰ লখিমপুৰ চৰকাৰী উচ্চতৰ মাধ্যমিক বিদ্যালয়লৈ নিয়া হয় শ্ৰদ্ধাঞ্জলীৰ বাবে ৷
আছুৰ উদ্যোগত উত্তৰ লখিমপুৰ চৰকাৰী উচ্চতৰ মাধ্যমিক বিদ্যালয় খেলপথাৰত আয়োজিত ৰাজহুৱা শ্ৰদ্ধাঞ্জলী অনুষ্ঠানত আছু, এজেৱাইচিপি ,সাহিত্য সভা ,নাবিক ,নট সৈনিক ,নৰ্থ লখিমপুৰ প্ৰেছ ক্লাবকে ধৰি শতাধিক সংগঠনে শ্ৰদ্ধা নিবেদন কৰে ৷
আনহাতে উত্তৰ লখিমপুৰ মহাবিদ্যালয়তো মহাবিদ্যালয়ৰ পৰিয়াল ,এ আই চি চি ৰ সম্পাদক ভূপেন বৰাকে ধৰি বিশিষ্ট ব্যক্তি আৰু শতাধিক দল সংগঠনে শিক্ষাবিদ গৰাকীলৈ শেষ শ্ৰদ্ধা জ্ঞাপন কৰে ৷
