ডিজিটেল ডেস্ক: আমাৰ আশে-পাশে থকা বহু লোকৰে ডিঙিটো ক'লা হোৱা দেখা যায়।ভালকৈ ডিঙি চাফা নকৰৰা ফলতেই এনে হোৱা বুলি বহুতেই ধাৰণা কৰে যদিও ডিঙি ক'লা হোৱাটোয়ে বেমাৰ হোৱাৰো সংকেত দিয়ে।হয়, এনে হোৱাটো ডায়েবেটিচৰ এক অন্যতম লক্ষণ।
বহুলোকৰে ডিঙিত এনে ক'লা স্তৰ থাকে, যাক একেবাৰেই স্বাভাৱিক বুলি ভাবি উপেক্ষা কৰা হয়। বিশেষজ্ঞসকলৰ মতে, এই ক'লা ডিঙি কেৱল পৰিস্কাৰ-পৰিচ্ছন্নতাৰ সৈতে সম্পৰ্কিত নহয়, কিন্তু ই আমাৰ শৰীৰত হোৱা বিভ্ৰান্তিৰ লক্ষণ। এনে অৱস্থা উপেক্ষা কৰাটো আপোনাৰ বাবে অতি বিপদজনক হ'ব পাৰে।
প্ৰকৃততে, ইনচুলিন প্ৰতিৰোধৰ ফলত এই সমস্যা বৃদ্ধি হবলৈ ধৰে। ইনচুলিন প্ৰতিৰোধৰ ফলত তেজত শৰ্কৰাৰ পৰিমাণ বৃদ্ধি হ'বলৈ আৰম্ভ কৰে। ইয়াৰ ফলতেই ডিঙি ক'লা হয়। যাক চিকিৎসাৰ ভাষাত ‘একেন্থোচিছ নিগ্ৰিকান’ বুলি কোৱা হয়। শিশুৰ ক্ষেত্ৰতো এই লক্ষণে দেখা দিব পাৰে।
-সঘনাই ভোকৰ বেদনা
-মুখখন শুকান হৈ পৰা
-ছালত খজুৱতি
-সঘনাই প্ৰস্ৰাৱ
ডায়েবেটিচ চিনাক্ত কৰিবলৈ গ্লুকোজ সহনশীলতা পৰীক্ষা আৰু এইচবিএ১চি পৰীক্ষা কৰা হয়। এইচ.বি.এ.১চি পৰীক্ষাই দ্ৰুত ফলাফল প্ৰদান কৰে আৰু আপোনাৰ ৰক্ত শৰ্কৰাৰ স্তৰ সঠিকভাৱে মূল্যায়ন কৰে।
আনহাতে, ডায়েবেটিছ নিয়ন্ত্ৰণ কৰিবলৈ কিছু সাৱধানতা অৱলম্বন কৰাৰ খুবেই প্ৰয়োজন।প্ৰথমেই মন দিবলগীয়া কথাটো হৈছে খাদ্য।সদায় এক সন্তুলিত আহাৰ খাব।শৰীৰত ডায়েবেটিছৰ লক্ষণে দেখা দিলে আপুনি খাদ্য তালিকাত ফল, পাচলি আৰু সম্পূৰ্ণ শস্য অন্তৰ্ভূক্ত কৰিব। নিয়মীয়াকৈ ব্যায়াম কৰিব, যিয়ে আপোনাৰ শৰীৰৰ বিপাক উন্নত কৰাত সহায় কৰিব পাৰে।যথেষ্ট পৰিমাণে পানী খাব।তেতিয়াহে ই শৰীৰটোক হাইড্ৰেটেড কৰি ৰাখিব। চাপৰ পৰা নিজকে আতৰাই ৰাখিব। কিয়নো ই ৰক্ত শৰ্কৰাৰ স্তৰ বৃদ্ধি কৰিব পাৰে।সংসাধিত খাদ্যও পৰিহাৰ কৰিব।
ডিঙি ক'লা হোৱাৰ আন বহুতো কাৰণ থাকিব পাৰে। ইয়াৰ ভিতৰত গেষ্ট্ৰাইটিছ হৈছে এক মুখ্য কাৰণ।তদুপৰি, ওজন বৃদ্ধিৰ ফলতো ডিঙিত ক'লা স্তৰ সৃষ্টি হ'ব পাৰে, যি হৈছে শৰীৰত চৰ্বি জমা হোৱাৰ লক্ষণ। হাইপোথাইৰয়ডিজম অৰ্থাৎ থাইৰইড গ্ৰন্থি দুৰ্বল হোৱা, পিচিঅ'এছ (পলিচিষ্টিক ডিম্বাশয় চিণ্ড্ৰোম)ৰ দৰে হৰমনৰ ভাৰসাম্যহীনতাৰ ফলতো ডিঙিৰ ক'লা সমস্যা হ'ব পাৰে।
